فيّصل .

F / Photographer..

[فيّصل . @i72ik]

ياسرع الايام .. عند الداله السالي
و يابعد بكره على اللي ينتظر بكره

- مشعان البراق

[فيّصل . @i72ik]

للعمر تلويحة . . وللذنـب غافـر
ماتاقف الدنيا على لحظة الطيش

اغيب وابعـد . . واتغـرب واسافـر
وتشيب احلامي ورى لقمة العيش

ياللي تفـرق . . بيـن مسلم وكافـر
الطير ماثقل جناحينه الريش

ناصر الحمادين

[فيّصل . @i72ik]

غنيمة ترقى بها الجدي وسهيل
وغنيمةٍ منها السلامه غنيمه

وخسارة يطلع وراها محاصيل
ألذ من فوزٍ بطعم الهزيمه

مدغم ابوشيبه

[فيّصل . @i72ik]

الكرامـه وراثـه
و الادب طـبـع
والناس معادن
والأصـل غلاب

[فيّصل . @i72ik]

جعل شمس الحظ لها مع الشروق إشراق
تنفض غبار الأمنيات .. وتنوّر عتمة أحلامي

[فيّصل . @i72ik]

«دنياك يابن آدم ماهي بأختيارك
إذا سعيت أترك على الله مساعيك»
— فرحان بن قيران

[فيّصل . @i72ik]

السعِي الوحيد اللي لازم تسعى له بالدّنيا
هو انك تكون شخص عشرته طيّبه
وجوده خفيف وروحه نقيّه

ومثل ماقال فؤاد حداد:
" مطرَح ما يمشي الدنيا تفرح به
كل العيُون الطيبه تصاحبه ".

[فيّصل . @i72ik]

- شطر من أعظم النصائح الشعرية
لـ عبدالله بن زويبن يوم قال :

«بالطيب جاز وبالردى لا تجازي»

- تعامل بأصْلك -

[فيّصل . @i72ik]

- تعامل مع الناس على قدر ما يُظهرون لك
فالتنقيب في النوايا إرهاق للنفس"

وقيل في ذلك:
« إن بدا لك في وجيه الناس حسن القبول
اللي ورا صدورها - خلّه ورا صدورها »

[فيّصل . @i72ik]

الحظ ماهو حظ من يملك المال
الحظ حظ اللـي تمّسك بدينه

الخير في قلبه توّثق ولا زال
وبعد رضا الله مرضيٍ والدينه .

[فيّصل . @i72ik]

ساعة أستجابة:
"يارب يوم القاك والحال عاري
تستر عذاريبي ــ وتغفر ذنوبي".

[فيّصل . @i72ik]

صدّك عن اسفاف المواضيع مقدار
اللي ثـمـرها لو قـطـفـتـه خـسـاره

اجعل حـضـورك في مهماتٍ كـبـار
فـي حـالةٍ تـاصـلك مـنهـا الأشـاره

ومـلاحـقـتـك لـكـل عـابـر ومـرّار
ماتـعتبـر في سـلم الاجـواد غـاره

ما كـل رجـلٍ له مـقـام ومـعـيـار
يلزمك عن بعض الوجيه استداره

وصمتك ترى اكبر من كلامك لثرثار
اللي يحسب ان السوالف شـطاره

في هالزمـن كل واحدٍ عنده اخبار
وكل واحـدٍ يبي السبق والصـداره

بعض العرب يرفعك مع كل الادوار
ويرميك لا وصلّك سطح العمـاره .

[فيّصل . @i72ik]

اسمها دنيا .. ولا فيها كبير
الكبير الله .. ولا غيره احد

في نهايتها الغني مثل الفقير
كلهم نفس الكفن نفس اللحد

[فيّصل . @i72ik]

ماقيد النشمي سوا قلة المال
قيد ن من اسبابه يدينا تداما

الحبل دايم للجمل قيد وعقال
والفقر والحاجه عقال النشاما

[فيّصل . @i72ik]

الأرض من غير الفضايل والأجواد
مقابرٍ مايصلح العيش فيها

[فيّصل . @i72ik]

ياكافل الارزاق يا عالي الشان
ياقضي مادون حسناك قاضي

فزعتك تغنيني عن فلان وفلان
لا صارت الدعوى سواد وبياضي

الى خسر فزعاتك العبد خسران
لو يحتكر سوق الذهب والاراضي

- عبد الكريم البدراني

[فيّصل . @i72ik]

النفس محتاجه رضاء الرب عنها
ماهي بمحتاجه لعطف المخاليق

والنفس خيل ومن يهمّل رسنها
جابت عليه الهم والغبن والضيق

[فيّصل . @i72ik]

راع الثقه عن كثرة الهرج صايم
ماقال حنا وانشد فلان عنا

واللي يحس بنقص تلقاه دايم
يلعب على موال حنا وحنا

[فيّصل . @i72ik]

عاد العمر قدام و الدنيا بخير
والناس تسعى بـ الصحاري و القُرى

والرزق و التوفيق و الحظ الكبير
اشياء من الرحمن .. ماهي مشترى

ان زانت الايام ؟ حثّيت المسير
وان شانت الايام ؟ ردّيت البرا

واذا سمعت ان الفرح .. عمره قصير
عرفت ليه الوقت مايرجع ورى

انا رجل ذو نظره و ذو فكر غير
يقنعني الفقر و يحيّرني الثراء

افرح لا شفت الضيف في بيت الفقير
واحزن لا شفت القصر من دون قصرا

واقول وش فرق المواطن عن الامير
في يوم .. فيه العافيه ماتنشرى

فوق الثرى .. يوم انخذلت من الكثير
عوّدت امجّد عالمٍ .. تحت الثرى

ماني وكيل آدم على الجمع الغفير
لكن ضميري يسمع و نفسي ترى

وان صار شيٍ كنت اظنه مايصير
لن ألتزم بـ الصمت عن ماقد جرى

على الكلام الحق ؟ ماني مستخير
لا حز شي بخاطري كلٍ درى

يشفع لي اللي قد اتى الاُمه بشير
واستبشرت فيه القُرى و ام القُرى

عز الله ان قلب البنادم .. قلب طير
يستدرجه كل شي في باله طرى

ماعاد باقي صبر لا صار الضمير
سيلٍ لقى مجراه فـ الصدر ؟ و جرا

كم واحدٍ واقف علي مثل الخفير
الكره خلّاه امحروم من الكرى

من يجرحه شوف الاهلّه في سدير
يعيش لين يموت جرحه مابرى

مضرّة العاقل من العقل الضرير
عند العرب مثل الحديث المُفترى

انا حفيد اهل الشعر و اهل الشطير
ومشايخة قوم و سلاطين اشعرا

البارحه .. والا بلاش اسهب كثير
اخير من سيّرت و اول من سرى !

[فيّصل . @i72ik]

يا ربّ.. و أنا من عناي استجيرك
عبدك وهاجدني من الضيق هاجد

طمّاع.. في مغفرتك و جود خيرك
وفي خاطري حاجات ماهيب واجد

تغنيني .. من الحاجة اللي لغيرك
و أحيا على طاعتّك و أموت ساجد