⏳

أنا خصيّم الضروف إن الله أحيانيّ..

[⏳ @i9emn]

من سنين الطفولة لضياع المصير / كان حلمي أطير .. وطار عقلي فقط"

[⏳ @i9emn]

تغانمت الطريق اللي يجي بيتك من الصوبين
احسب اني بشوفك واحسب ان الوقت يمديني

تركت الدار بيساري واخذت اول طريق يمين
وانا شهب العلوم تحدني و الشوق حاديني .

[⏳ @i9emn]

أنا ما عاد أطرب مع الطير وغْناه
ودي لو إن الطير .. ينفذ بـ ريشه

تدخل من الباب الكبيير المعاناه
والابتسامة .. تطلع مْع الدريشة

لكن .. لا زلت بخير ، والحمد لله
حتى لو إن الدار بعدك ! وحيشة

يحزنّي .. إن الماضي اللي بنيناه
ما هو بـ مثل الواقع اللي نعيشه

[⏳ @i9emn]

وش الي سرق من صوتك الحب يامملوح؟
لمحت الغلا مفقود من قسوه النبره

اسولف معك كن مالي في السبب مصلوح
وانا والله خانقه حلقي العبره

دخيلك لا ترجع لهفتي رجعه المكسوح
أبي صوتك يعود علي مثل ما أخبره

[⏳ @i9emn]

وش جابني لـ رسوم الاطلال ياسعود
واوجاع نبش الذكريات الحزينه

سويت في نفسي خطاء غير مقصود
كني غشيمٍ بـ اصبعه سد عينه

عزالله ان الخط واسع وممدود
والهزعه من الخط ماهيب زينه

لا باغي حاجه ولانيب محدود
مير اللقافه تاليتها غبييينه .

[جزل @1Jazil]

" أبكيتني وأنا أحسبك تكره بكاي "

[⏳ @i9emn]

ادري انك حلم والحلم يمكن مايطال
لكن انا راضيٍ فيه..جعله مايصير

اتركيني بين الاحلام انا احب الخيال
الخيال احلى من الواقع..الواقع مرير

همي اللي كل ما اقفيت ناداني تعال
والله ليقعد ينادي الى اليوم الكبير

عايشٍ على أمنية لا تصير و لا تقال
بس ميّت عشق ، ميّت حزن ، ميّت ضمير .

[فهيد الحماد @FhNalhammad]

اذا جلس الواحد لحاله
جلس ينبش
في كومة السنين الماضية

[⏳ @i9emn]

الترحيب اللي يرضي غروري/
«هلابك من قدمك — لغرَّتك ليا شعرك المنثور
هلا في كل شيءٍ فيك وأنت أغلى مساييري»

[⏳ @i9emn]

يحيّـا حياته فارقٍ ماله أشباه
لو قلدوه الناس . . ما ينتشبّه

سهله تمرّه لكن صعبه تعـداه
تبقى بذاكرتك و ساويس حبّه

أكثـر ما قالوا في صواديف ملقاه
" عـز الله إن اللي مربّيه .. ربـّى"

[⏳ @i9emn]

يـا كثرك بذاكرتي تمر وتسيل أشجان
وتفاصيلك بْكل الوجيه آتلمسها

يا كل السنين وضحكتي وأول الكتمان
سقى الله عيون ٍ حيّرتني نواعسها

تمر الحياه وليت الاقدار بالامكان
وأعرف الليالي وش تخفّي بواهسها

يا كيف اتجاوز ما مضى واقدر النسيان
ولك ضحكة ٍ في تربة البال غارسها؟"
-صالح الهويملي

[⏳ @i9emn]

"يفز الحنين منْ آخر الصمت والفقدان
وتهيج الجروح إللي عن الشِعر حابسها

يا غيّاث روحي والسهر ديرة الخذلان
وأنا حادي أحزان السهارى وحارسها

فقدتك وفقدانك على وجه عمري بان
وأنا اخترتك بمعشب سنيني ويابسها

عيون ٍ روَت وجهك عمر ما ملاها انسان
يغني لها الملح وترفرف نوارسها

[فهيد الحماد @FhNalhammad]

تنام واذا قمت
تلقى كل شي على حاله
ما تغيّر شي

[⏳ @i9emn]

السلام عليكم

جتنيّ الحاله وأحس كل
الأماكن مو مكانيّ
وماليّ مُكان بقلب أحد.

[⏳ @i9emn]

مساء الخير وأما بعد
" أغتنمو الوّصل "
لا ضاعت الفرصه ترا الموت حسراتَ

[⏳ @i9emn]

صعب أنك تنساني وأنا غيدا لعوب
عندي قلوب الأوادم مثل خاتمٍ يدي

وأنت لو أنك تبي تسج عني أو تتوب
ماعاد فالثنتين حيله مايمدي تهتدي

لا استمالت يم قلبك ذعاذيع الهبوب
بتتذكر حسن وجهي على وردٍ ندي

ثم عاد الله يعينك على قطع الدروب
لا أشتحن صدرك من الشوق وين تغدي.

[⏳ @i9emn]

أخاف من حاجتي للي أحبه وأنا من عزة النفس ما أقول الطلب مرتين — فوبيا الأجاويد .

[فهيد الحماد @FhNalhammad]

يازين الخيال والتخيّل
يخلّيني أعبر البحار مشيا على الأقدام