أحمد الحربي

انسان كادح لدرجة الاعياء.. احب الشعر جدا واتذوقه واحيانا اكتبه

[أحمد الحربي @i_Ahmed57]

@slllev طباخ امي الله يحفظها

[د. عائض القرني @Dr_alqarnee]

ما أجمل عبارة أو حكمة أو بيت شعر
قيل في السعادة ؟

[أحمد الحربي @i_Ahmed57]

@Al_ruwqi_511 الحلم ما ينـفـع معِك حتى اغـمّض وانـزوي
والضعف ما هو ديدني حتى ادين لْسطوتك

ما تـفـعله (قـدّام غيري) في غيابي يا قـوي
ابـفـعـلـه (قـدّام وجـهـك) احـتـقـار لْـقـوّتـك

للشاعر
صالح الحمود

[محماس @Al_ruwqi_511]

المبدع عبدالكريم البدراني:

آه يا قلبٍ مْن الوجد خطر إنّه يذوب
قامت الذكرى القديمه تْلحّه وتحداه

تلذعه نارٍ سناها مثل برق النصوب
لا قشع وجه الدجا تقل نافض لك عباه

لين خلّا حدب الأضلاع تلطمها الهبوب
كن فيها وقش ذيبٍ مْجفّل له قطاه

يا وجودي كلّ ما قامت الذكرى تلوب
في ضميرٍ لا أقبل الليل جاب اللّي وراه

وإن نشدتوا ويش الأسباب والهرج مْحسوب
لا تحسبونه وليفٍ مْعذّبني جفاه

أتوجّد يوم أش��ف البلاوي والذنوب
والتغيّر بـ الطبيعه وكثر الإشتباه

وجد عودٍ زوّعوا به خليّين القلوب
ونزّلوه بْـ منزلٍ لاش وسع ولَا نفاه

أقنعوه وقال معكم وهو تقل مْغصوب
قام يمشي في هواهم عقب لانت عصاه

وليلة العيد إشتروا له مْن الخيّاط ثوب
إشتروا ثوب العياد ونسوا ثوب الحياه

والضحى هلّت دْموعه على الوجه الشحوب
ما لفاه ألّا عوانيه وعيال أصدقاه

عالمٍ ما في ضميره لْـ هرجتهم ركوب
دربهم يمّ إتجاهٍ وهو يمّ إتجاه

وإن عطاهم سالفه روّحوا كلٍّ بْـ صوب
ما يبون ألّا علوم السناب ومحتواه

نعمةٍ متبيّنه بـ الغوارب والجنوب
ونقمةٍ متبيّنه بـ العقل والإنتباه

ياخذ أنواع العلاجات وأنواع الحبوب
كلّ ما جابوا فْراشه وجابوا له عشاه

وإن بغى المرقاد راحت هواجيسه شْعوب
يقتلب كنّ الوساده تحت راسه حصاه

أوّل الأيّام تلعب له الدنيا اللعوب
وآخر الأيّام ما يعرف أرضه من سماه

خابرٍ يوم السعه بـ المنازل والدروب
والخطوط اللّي مع الحزم واسمةٍ قراه

والبداوه والعساسه وتقليب الدعوب
والشديد ومسّة الطنب بـ الأرض الفلاه

والوجيه اللّي تحاضب على النار العروب
والعلوم اللّي طعمها مثل نقع الصفاه

مع طرفهم ما يعيش المضاهي والكذوب
ولَا يدانون المنافق وترّاك الصلاه

وكلّ شيٍّ ياخذونه على حسب الوجوب
ما تمصلح راعي الفقر مع راع الغناه

والبنادم رحلته من شروق لْيَا غروب
تدفعه فرحة مجيّه على دمعة عزاه

والعمار ظْلال فيّه وراحلةٍ هذوب
والحظيظ اللّي من النار تكتب له نجاه

[لافي الغيداني @lafihmud]

قريت سر الحقيقة داخل عيونك
وعرفت منها اكثر اسرار اهل البلده

اكتاب غامض وصعب الناس يقرونك
وانا قريتك من الجلده الى الجلده

[Naif @nbm__21]

عز الله ان بعض السوالف توافيق
وبعض العرب ما الله موفقه فيها

لقطة من الحياة.

[سداح العتيبي @saddahalotaibi]

يا اهل الشعر جوّكم غايم
والشمس خجله ومكسوفه

في وادي الهيم كم هايم
فوق الثرا ينقش حروفه

الجزل ما عاد له لايم
لو برّر البعد بظروفه

والهزل يطلع على التايم
غصب ٍ على عينك تشوفه

[كساب @5b2z1]

الغزلنجي / فهد قطنان
-
الجمال الطبيعي صاير ف كل صوب
متكاثر تقول من السماء ينهمر

لا تقولون لي ما تبت و شلون أتوب ؟
و أنا كل ما أنتصف ليلي طلع لي قمر

أمتلا عصرنا ب ملاعبات الهبوب
شي أعبر من اللي قبل و أدهى و أمر

وين ما تلتفت تلقى .. غزال لعوب
جيل الألفين مذهب عقل مثل الخمر

[ص��لح الحمود @saleh_850]

لا ضـاعـت أزوال الرجـال الـمـيامـين
دلّـت علـيهـم الـمـكـارم والافـضال

زي ما يـدل البرق لا ( لاح للـعـين )
على الـسحاب اللي منَ الجال للجـال
#صالح_الحمود

[عبدالمجيد الذيابي @Sh96F]

الضيق في خاطري والضحك فعيوني
ان سولفت لك عيوني لاتصدّقها

[شِريان @iib8rx]

يالله لاتورينا الجفا في عيون صحيب
ولا ضحكة الشّامت ولا هرجت المنّه.!

- سعد بن جدلان

[مِـحمـدُ آلَشّـمِـريـﮯ @m0506551]

لا شال همّه .. شال همّه لحاله
وإليا فرح وزّع على اللي حواليه

[أحمد الحربي @i_Ahmed57]

ماعاد باقي عندنا غير اليقين
وسلوم أهلنا والكرامة والشعر

أما الصبر ��احلامنا راحن طحين
صبر محرم سارقينه من صفر
#نجم_الاسلمي

[شِريان @iib8rx]

أحيان ما ودك تفتش على المستور
من خوف لا تفقد الي ماتبي تفقده.!

- مساعد الرشيدي

[أحمد الحربي @i_Ahmed57]

الطيب يتعبنا وحنا طيبين
وشلون مايتعبك يامتصنعه؟
الشاعر
عبدالاله السفري

[أحمد الحربي @i_Ahmed57]

ارتباط النية الطيبة بالتوفيق
.
العمر مره و القلوب البيض ماتبغى دليل
والناس لاطابت نواياها تطيب حظوظها

ضيدان بن قضعان

[أحمد الحربي @i_Ahmed57]

من كـثْر مـا حـنّا عـلى الـعـز رابـيـن
صرنا نشوف الشرك أصغر من الذل
.
.
هذا البيت يعتبر من عيون الشعر ومن أجمل ما قيل في عزة النفس للشاعر صالح الحمود

[عساف أبوثنين @asafabo2]

يدور الزمان ويختبرنا بدون انذار
وتبين الفوارق فالرجال ومعادنها

احد خالقه ربي مثل كرسي الطيّار
لا حلّت مواقيف الشدايد طلع منها

احد خالقه ربي مثل شغلة المنظار
يدقق على حاجات ما أحدً درى عنها

وانا عكس خلق الله مثل حالة البحّار
لا طاح المطر ضيّق على النفس واحزنها

رياجيل ندفنها .. وتبقى طوال اعمار
رياجيل ماندري بها لين ندفنها

بعضهم على المنصب يجمّل وياطا الحار
ليا قال كلمة للرياجيل برهنها

بعضهم مثل حاكم تحت سلطة استعمار
على العرش لكنه .. لا يآمر ولا ينها

لقيت الجمايل ردها مثل رد الثار
لا صارت من اللي كل فتره يبيّنها

خذيت السواد اللي يجي فالقمر معيار
تشين الوجيه وفعلها اللي يزيّنها

ترا خوة الصالح مثل خوة التجّار
لاحبوك .. دلوك اسهل الطرق واحسنها

وترا الجاهل اللي ضاع في لف�� الدوّار
يشوف المخارج واضحه .. ما تماكنها

لاقلت: الطريق يمين قال: الطريق يسار
لا روّح من ايسرها ، ولا افلح مع أيمنها

أساير زماني مثل دكتور وسط شهار
أسولف لـ عاقلها .. وأجامل مجننها

لاشفت الطيور اللي لا مخلب ولا منقار
شكرت الغصون اللي من الخوف تمّنها

لاشفت الشعوب اللي بعضها يعبد النار
ذكرت الضعوف .. اللي تودد لـ هاينها

تقول العرب: صدّق عيونك قبل تحتار
واقول: الحقيقه وجهها غير باطنها

أصدّق كلام اللي يقول: النجوم كبار
وأكذّب كلام عيوني اللي تعاينها

ما كل ارتفاع يدل دايم على مقدار
تعلآ النسور وجيفة الارض موطنها

بدا ابليس فالجنه وعاش النبي فالغار
تعد البدايه .. والنهايه تمعّنها

لا طاح الجمل لا عاد تنشد عن اللي صار
لا خافت قلوب الناس ماتنفع ألسنها

قبل تمدح اللوحه تعذرّ من المسمار
على الوقفه اللي ما لقت من يثمنها

[شِريان @iib8rx]

يحاربني الحظ القوي من ثلاث أعوام
وانا مابعد شليت سيفي ولا درعي . !

- صالح النشيرا

[محمد المقحم @mohamed6290]

حاولت اقيس الناس باحساسي
لقيت كلش واضح وبين
الإحتياج يلين القاسي
والإكتفاء يقسي اللين

#محمد_المقحم