✧‏

[✧‏ @i_almri]

ياصدري عداك اللوم ولا غشاك اللوم
تضايق ولا تلحق مشاريهك اقصاها

الى باعو الرفقه على الشك بـ اول سوم
فرَقنا على اللي سامها واشتريناها

[✧‏ @i_almri]

خل السكوت يسود كل المواضيع
أنا أكبر من اللوم . . و من التشكّي

[✧‏ @i_almri]

لاتستفز الصمت وتقول لي ليش ؟
السامح أبلغ من كلامه سكوته

مات الشعور اللي تمنيته يْعيش
وعاش الشعور اللي تمنيت موته

[✧‏ @i_almri]

مكتفي باللي يجي منك من بـاب الوصال
إن عجزت تسوي الصعب . . سو الـمفترض

أرسـل إن عيت عليك الظـروف . . الاتصال
الرسايـل بعض الأحيان توفي بالغرض

[✧‏ @i_almri]

طاري الحب وش دور الجفى و التشفّي
والأمل كل ليل ارجع واراجع شريطه

ف اتجاهي ل رغباتي وتحقيق شفّي
راسمً لي طموح وراسم لي خريطه

قبل اعيش العنا ويودع الحلم كفّي
والحزن يغرق قلوب الحبايب محيطه

في سبيل الغلا ما عشت عيشت تخفّي
المحبه ما تحتاج ل وسيط ووسيطه

الحبيب اللي من اول يوقف ف صفّي
قبل لا يندرج تحت الظروف السليطه

راح .. بس الشعور اللي ماهوب متوفي
ما تركني اعيش المغريات المحيطه

الا لحظه على طاري علوم المقفّي
عادي اطرد ورا المقفي ب نسبه بسيطه ؟

[✧‏ @i_almri]

الشعور الليلة اكبر من مدا استيعابي
معتقَل في ظِل سَقفه وأربعة جدرانه

كلّ ما فيني من التقصير غير ثيابي
يشتكي لي من كثر خوفه وقل آمانه

أدعي إنّ الله يهيّي للرشاد اسبابي
ما يذرني للهوى ولوسوسة شيطانه

لا نويت آحثّ في درب الرحيل ركابي
ردّني صوتٍ .. لا زالت نبرته رنانة

[✧‏ @i_almri]

تدور الليالي وانت عادك فـ صدري غير
لو الروح من عقب البطى شبه منعدمه

ترى ضحكتي ماهي دلاله على اني بخير
انا ضحكتي فـ موادعك ضحكة الصدمه

[✧‏ @i_almri]

من الحب واللهفه تعودّت ما تشتاق
هذي غلطتي والمشكله يوم عودّتك

انا ما هقيت ان اللقى ذاك كان فراق
لو اني دريت اني بخلّيك جودّتك

[✧‏ @i_almri]

صوب الطريق اللي يوّدي للنجاه
حاولت اجيبك صوبه وكلّت يدي

الطيّب اليا زل يقنع في خطاه
" الا الردي ما يقتنع بانه ردي "

[✧‏ @i_almri]

كرهتك بعد ماشفت بـ أنك أبو وجهين
ولو تكتب اعذارك من الدمع ، ماسامح

اعرف الكلام الي يجيبك و اعرفك زين
مثل ما أعرف إني تركتك وانا سامح

[✧‏ @i_almri]

أما الكلام اللي من الروح للروح
ولا السكوت اللي يكون بـ محله

ما فالجهات الاربعة باب مفتوح
أكرم ولا آوسع باب من رحمة الله

العزلة اللي كانت : اتعالج جروح
مع الاسف صارت سبب كل علة

والضيقة اللي كانت تْمرّ وتروح
صارت تمرّ .. وتاخذ اليوم كله

[✧‏ @i_almri]

كنت احسب الهجر فالحب نقطة نظام
اجـمع به المسألة من بعد تشتيتهـا !

و الظاهر ان احتمالاتي , مجرد كلام
عشان اقوي عزومي بعد ما انهيتهـاا

[✧‏ @i_almri]

انا البارحة بين التمنيّ و طول البال
ما خليت شيٍ يفرض الحل ما جيته

حياتي لو احسب كم اوقّف على الاطلال
حياة معزولٍ " من دوامه الى بيته "

لحالي مثل متغرب ٍ ضاق فيه الحال
طواه الوله للدار و الدار نافيته

[✧‏ @i_almri]

مرور الايام ،، مايشبه مرور الكرام .
ايام عمرك ثمينه ،، لاتضحي بها

زكاة .. الاعمار مثل المال في كل عام !
بعض العلاقات .. لامانع تزكي بها.

[✧‏ @i_almri]

لا خاطري طايب و لا بالي هدى
ولا أنت ما همك رضاي ولا زعلي
'
ولا تقول الطيب أخير من الردى
سويت لك لكن وش سويت لي
'
انا الي ضحكتك . . وبكيت العدى
وأنت الي خليت العدى تضحك علي !

[✧‏ @i_almri]

على البال لك طاري ولك فـ الحشاشه بيت
على مستوى ماهوب مهجور . . ولا مهمّل !

[✧‏ @i_almri]

الله انه يحفظك في حلّك وترحالك
يا اوّل دروب الهوى واغلا واعز احبابي

جعل يسقى يومك انت تبرّني بوصالك
يوم عاد الدّار داري ، والرّحاب رحابي

لو جبرك الوقت للفرقى تسوق اجمالك
خابرٍ لي حاجةٍ منك تثير اعجابي

خابر إنك لو تغيّب عادني في بالك
وخابر إنك شبه يومياً تمر حسابي

[✧‏ @i_almri]

خذ بقايا غرامك كلها في أيديك
وأعفني من وصالك دام بالي هدا

هذا آخر لقى .. " والله يستر عليك "
وعمري الي خسرته معك جعله فدا

[✧‏ @i_almri]

على كثر الشتات اللي يمر ويربك أفكاري
لقيتك ظلي الثابت معي دايم على الهقوة

يا وجه كل ما ضاقت علي وشانت اقداري
ذكرته وإنجلى ضيقي وصارت عبرتي غنوة

“تخيرتك” ولو غيرك وجوده عندي إجباري
اعرف إن الحياة بدون وصلك ماهي بـ حلوة