وسيع البناآيد

انـا اكثر إنسان يظلم نفسه بنفسه ياكم حاجه ابيها ..... وقلت مابيها

[ًً @usernshmri]

مانيب مجبور اخاطب على قد العقول
والله إن بعض القناعات عندي مهملة

الكلام تشوفه الناس حل من الحلول
مثل ما اشوف التجاهل يحل المشكلة

[مدواخ شعر @Medwkh]

خلك جمل وقـت الحمول الثقيله
وحصان لامالو عليك الرياجيل

وانـسان لابار العـميل بـعمـيله
وحراً ليا صكت عليك المحابيل

الهاب الوسيدي

[هشال @hii_a9]

ما نلتفت للي ورانا .. يبابي
و المعترض بنحورنا بنتمثناه

و مسّاح جوخ الاجنبي والمحابي
اليا وطى ظلي توطيت علباه

[تركي بن حصين @TR_HSH]

مات البطل من قبل تم المهمه
واستاحش الوادي من غياب الانسام

من شاف من بعد المديح المذمه
يشوف رقم الصفر من قبل الارقام

حتى لو انه يهجر الغيث جمه
لا يمكن انه يشرب دموع الايتام

تناقاصوه و لا اذن الفرض تمه
و تحاقروه و بان فالموقف الهام

عاش العمر والمال ماهو يهمه
اللي يهمه فالعمر دين الاسلام

وسع الصدر لا ضاع من وسع ذمه
ما ترده العمره ولا لبس الاحرام

مهابة العقرب علشان سمه
ولا تراه من الزواحف لكنّ سام

مثل الوضيع اللي ملى الوحل كمه
واليوم زاحمنا على الصف قدام ،

تشيخت من روس الاموال خمه
تشري مكانتها من اذناب الاعلام

ترا العزيز اللي على راس قمة
لا من طمع يمكن يجي تحت الاقدام

ترا الرفيق اللي نخى فـ ابن عمه
و لقى ابن عمه واقف بصف الاخصام

مثل اليتيم اللي يدور على امه
وامه هي اللي ودته دار الايتام

[عبدالله السراهيد @Alsraheed]

ما لانت عزومنا من لين جانبنا
يا كثر ما نقدر ويا كثر ما اعفينا

الفضل بعد الله يعود لـ تجاربنا
من طيب نيّاتنا طابت مساعينا

لو ان خساراتنا اكثر من مكاسبنا
كل الخساير ( تهون ) الا مبادينا

ما نترك الحقد ؛ ياكل من ترايبنا
ولّا انعرف .. انتقاضى لا تقاضينا

لو ننشغل فالضعوف اللي تحاربنا
ضاعت شيمنا قبل ضيعة هقاوينا

ما دون حد الكرامة .. ما يناسبنا
طبيعةٍ من خلقنا الله وهي فينا

اللي ما نرضابه صحيبٍ يصاحبنا
ما نعترف به عدو مهما يعادينا

واللي ما يطلق لسانه غير لا غبنا
توه لهالحين ما هذرا بـ أسامينا

ما للحسايف علينا درب لا طبنا
لو في خشاش الثرا جادت يمانينا

حتى لو تغثرب الدنيا مشاربنا
اذا قدرنا نسوي طيب .. سوينا

قالوا ما يستاهلون وقلت واجبنا
ان كانهم .. ما تربّوا ! قد تربينا

الله لا يجعل مصايبهم ؛ مصايبنا
لو التعامل سوى يمدي تساوينا

طبنا ولا طابوا وخابوا ولا خبنا
على كثر ( ما تردوا ) ما تردينا

[محمد الناهسي @zssm1990]

اليا لقينا الطيب طيب على طيب
واما. لقينا ! عندنا الطيب كله .

[شعييل @0ickk]

ماخذت حقي بفزعات الرياجيل
بذراعي الله يخلي لي ذراعي

- فهد قطنان

[‏᷂عسر٨٨ @Qhta10ni]

متساويات الروس من تحت الغتر
واليا تولتك الليالي علمتك فروقها

[شعييل @0ickk]

ترديت فيني جعلني ما تردى فيك
والانسان مهما يجتهد نفسه امّاره

- سلطان بن عباس

[‏᷂عسر٨٨ @Qhta10ni]

ترا زله الغلطان ولا هو بمتعمد
مثل لكة البندق على غير عادتها

[قروب اشعار @aShi3ar]

والله إنا نعشق الطيب ونقول ونطول
والفعايل من قديمٍ لنا ولـ اجدادنا .

[NOURAH @just_poetry_]

تم تفعيل البيتين إلى طلعة سهيل :

تحملت واااجد .. مير ماني سفينة نوح
من يعز نفسه لا يحثرب مشاربها

ماعاد الخطا وارد ولا فيه أحد مسموح
وتراني على أدنى شيّ بأزعل وأخربها.

[جمال بندر @JamalBander]

كلٍ يقول انه من احفاد الشيوخ
ما عاد نلقى للغنم راعي غنم

[‏᷂عسر٨٨ @Qhta10ni]

لحدن يقول ان المعاريف سهله
من حط بك معروف كنه مقيدك

[راعي الاوله الهاجري @ra3i_alawlh]

مرحبا باللي بيسيّر.. وأن قلط ما استعجل
ودي أسولف عليه ، إلييين يفضى صدري

ما لـه إلا دلـةٍ تبري خـوى المتفنجل
وشاهيٍ ما كنّه إلا لون "مدري مدري"🏃🏻‍♂️

[سـعـود @so12u]

مساء الخير ، اما بعد
وردنا القرأح أللي على الكبد حلو ماه
يوم أن غيرنا ماذاق من لذته جغمه .

[خالد رفاعي العازمي @khaled1133]

ولا يزال طيران الجزيرة عاجز عن
توفير مكان للصلاة للقادمين

وصل لكثير من دول العالم ويعمل حتى أثناء هذه الأزمة ويعجز …

دول كافرة توفر مكان للصلاة للمسلمين وطيران ملاكه مسلمون وفي دولة مسلمة يعجز عن توفير مكان يليق بالصلاة ولو صغيرا !

الله يهديهم !

@Kuwait_DGCA
@JazeeraAirways

[زوومـّان @wj__4g]

ان كان مانصنع لموضوعك مستحيل ؟
يحر علينا الرفيق نبشره ببـ سسعده

مايجعل الرجل في عيون النشاما بخيل
الا ليا قصر بحاجه وهي في يده

فارس الحشار

[مـخـباط . . @_Mb72]

معي فيك يا من في يدك خزنه الارزاق
رجى عند غيرك لا عرضته ولا دِرته

- عبدالله بن مشهور

[زوومـّان @wj__4g]

نعطي ونكرم من مكاسب يدينا ..
ولا انت تعطي من حلال المعازيب ..

- فارس الحشار