بآرود

ما يوطي روسنا إلا طاعة الله

[بآرود @ib62n]

ارح مسامعك 😴😴

[بآرود @ib62n]

اليوم واحسب عليّه كلمة لساني
مادام وصل الضرر قلب السعوديه

المملكه دار جدّانك وجدّاني
من لا وقف دونها لارحم ابوحيه

وقف لها ياولد سلمان والباني
العز مايجهلون الناس طاريه

سيف العرب والخليج وقلبه الحاني
وهٓيبه الكبرياء الانفراديه 🇸🇦

-محمد بن الذيب

[بآرود @ib62n]

ولو يجون خلق الله معك في الطريق أفواج
ما يسوون عندي رِمش عينك وحجّانك

- عبدالله بن شايق.

[بآرود @ib62n]

عطتني عزلة أخلاصي .. معك نسيان من نادمت
كتبتك وأنطوت " صحفي " عليك وجفّت أقلامي !

- سعد بن جدلان

[بآرود @ib62n]

يامن جمالك تعدا هقوة الهاقي
خلي قصيدي على النفنوف دراعه

واقول للناس هذي عز ميثاقي
اللي لها لين اموت السمع والطاعه

الجادل اللي من اهل المستوى الراقي
رفيعة الذوق للمعلوق مزاعه

اللّٰه فرقها على زينات الاخلاقي
بيت الشرف بيتها وتعيش برباعه

- ضيدان بن قضعان

[بآرود @ib62n]

صد بي حبك عن الغيد صدة ملتزم
يستغفر الله من الذنب ويغض بصره

[بآرود @ib62n]

أخذني مني ومن حريتي وبلادي
وأخذ قلبي وأخذ كل اللي وراه ودونه

الغريق اللي دخل في بحر حبّك غادي
ودك ألا دوروه اهله .. ما يلقونه

- مدغم ابو شيبة

[بآرود @ib62n]

العذر يبلغ من طعون المثنّى .. والمغيره
إنك أجمل من عيون الشعر وأكبر من كلامي

سـامحيني واقـبلي عـذري واسميها بريره
واعتبرها من عـيونك فزعة اليامي لـيامي

- ضيدان بن قضعان

[بآرود @ib62n]

تجيبك في ربوع الذاكره ياصفوة الخطّار
مقاديرٍ رمت بك في طريقي وانت ماتدري

على ربعة خفوقٍ مرحباه .. يعيدها تكرار
لا جيت تقوم من كثر الحفاوه قال لك ، بدري

- سعد بن جدلان

[بآرود @ib62n]

آطيح طيحة قوي ماهيب طيحة ضعيف
طيحة شجاعٍ هزمه الحب لين آعترف

_ جابر النشيرا

[بآرود @ib62n]

لا زال في صدري حديقه و ساقي
و جرحٍ عسى من سبّبه .. ما يداويه

إي والله إن الجرح غالي .. و راقي
و إي والله إن أغلا من الجرح راعيه ..

- مدغم ابو شيبة

[بآرود @ib62n]

يا جميل ان كان ترضيك كلمة يا جميل
والله انك عندي اجمل من افكار الجنون

انت لو تدري بحبك طلبت المستحيل
مستحيل عندك وعندي اهون ما يكون

- خالد مبارك

[بآرود @ib62n]

كل ماذعّذع من القبله براد الغربي
أذكر اللي كان ودّه بي وانا ودّي به

يا مخاشرني معي في زادي وفي شربي
لا تعودني على بعدك وأنا مالي به

كل ماسجّيت من حبّك غلاك أفجر بي
آه من حبٍ جميع الذكريات تجيبه

- علي الدعية

[بآرود @ib62n]

غاسلٍ قـلـبـي وروحـي مـن محبة غيرك
مثل مايغسل سمين العذر وجه الشرهه

- ناصر الحمادين

[بآرود @ib62n]

اشوف الكواكب وانظرك ثامن السبّع
واشوف الثلاث البيض واشوفك الرابع

مامثلك بعيني في بهاء الحسن متربّع
ماترفع الأرض السابعه للسماء السابع

- سعد بن جدلان

[بآرود @ib62n]

فاقدك ياللي غرامك من اعلى مستوى
مثل فقد اللي ماعنده ربوع ولا وطن

الفراق وسكرة الموت فالواقع سوى
اعتبرها كلها اخوان من ظهر وبطن

عاد جرحي لا تشالى ولا جاله دوا
وعاد قلبي ينسحب سحب شوكٍ في قطن

- عايض العاطفي

[بآرود @ib62n]

مايبرد الشوق لو نبطي من الثاني
الشوق لازال حي وجمرته حيه

شعري وشوقي وعاطفتي ووجداني
ماهزها الا محبتها الحقيقيه

- علي الدعية

[بآرود @ib62n]

تمره ذكريات ماخذتها نعمة النسيان
ويزعجه الحنين اللي امتلى به صدره وكنه

يضيق من النسيم البارد الى نسنس مسيان
ويصد بوجهه ويبعد عن وجيه العرب لانه

مضيع له ذهيب ضيعته ماهي بالحسبان
ولا يقدر عقب ما ضيعه ينشد حدٍ منه

- سعيد بن محماس

[بآرود @ib62n]

لـ الضلوع العوج محتاج اضمك بـ اليدين
كني اطيّب شماغي بعود المبخره

- عايض العاطفي

[بآرود @ib62n]

اعيش بخاليه واتنادم مع ذكراه
ويدوي بي الهاجس في عالمٍ ثاني

يغيم سماي الا تواجهت انا وياه
وحتى الحكي ماعاد ينطق به الساني

قضى العمر كله عادني في رجى لامه
وطال الرجا والياس قام يتحداني

هو اللي تتوق النفس لمشاهده وحكاه
ولا جاء بقلبي عنه سجه ونسياني

عامر بن نوطان

[بآرود @ib62n]

انقسم قلبي من الفرقا .. وعيّا ماتليّم
وين ابلقى لي طبيبٍ للقلوب يلم شمله

من سبايب واحدٍ قلبي على حبه مجيّم
انصرم قلبي من البيض العذارا وانقسم له

وان بغيت اواصله واجيه وادرى واتشيّم
ابترم لي ضايعٍ جعل الليالي تبترم له

- علي الدعية