ِ

[ِ @ibnroq]

عقلي يقول احسنت لو كان ما كان
وقلبي يقول ان اختياري . . مضره

ترى شعور الصح في بعض الاحيان
اقسى من شْعور الخطا بـ الف مره

[ِ @ibnroq]

يراقب الذكريات اللي سفتها الرياح
اللي لياليِك نامت في بطن راحته

حتّى نديم إنتظاري ـــ والليالِ الملاح
ما عاد تملَا صدى ضحكاتي مْساحته

عن جنّته ما أغتربت ألا إغترابة صلَاح
من حبّ، وإبليس ما أغواني لـ تفّاحته

خلّيته بْـ راحته في ذات ليلة ، وراح
وما فيه حاجة عليّ أهمّ من راحته !

[فهد قطنان @Fahad_Qatnan]

عذّبني عنادك معي يا عنيده
فرض على احلى حاضر يصير ماضي

الله يفيدك كانك المستفيدة
والله يعٌوضني بصبر وتغاضي

أنا سمحت مْن الحياة الجديدة
قد انفصلنا عن بعض بالتراضي

ماعاد في راسي هقاوي بعيدة
المحزم اللي كان مليان فاضي :)

[ِ @ibnroq]

الطيبه الزايده - هي وين ودتنا ؟
من كف طيبه عن الجحاد من حقه
ㅤ
وشهوله نصب كل شوي طيبتنا
فالقربه اللي مع الجنبين منشقه

[ِ @ibnroq]

لله درّه

[ِ @ibnroq]

مثلي رغم حزنه طليقٍ حجاجه
يظهر صفاه وصا��ق العوق مخفيه

يعايش الواقع ويلقى خراجه
من سالفة ( حيه وياحي طاريه )

اللي عشانه جزت من كل حاجه
واقفت به الدنيا وانا خاطري فيه

واجه ياقلبٍ تسفه الشور واجه
موت الطموح وفوج الاحزان والتيه

[ِ @ibnroq]

طاح الحطب مع طيحة الاوراق
فرصة عمر جيت آتغانمها

مشتاقةٍ تسعى ورى مشتاق
متجلي العذر بمعالمها

وصالها من بعد طول فراق
وسميةٍ هبت نسايمها

مثل الهوا فالخيمة أم رواق
تلعب بقلبي لعب خاتمها

توي عرفت إن الكلام يذاق
ياحلو طعم الحرف من فمها

[ِ @ibnroq]

كان قدّام هالليلـه محلل : بعدها
( هل ١ محرّم وانت واحـد محـرّم )

[ِ @ibnroq]

وش فايدة صبحي اللي فاقد عيونك
طبيعي انه خلاّ من ضحكة "الناجد "

علمتني قيمة ان الصبح من دونك
ما يعتبر صبح لين تكون .. متواجد

[ِ @ibnroq]

كسرني زماني كسرةٍ تجبر بضمّه

[فهد قطنان @Fahad_Qatnan]

سرى الليل واللي يسري الليل من همه
مواصل على موال يا لاح يا ملاحي

يدّور ملاذ من الهواجيس وتخمه
ولا خمّته ما عاد يدري وش يناحي

ابا اعيش جوّي في فضاً ماحدٍ يمه
وأكافح لحالي واتعلم من كفاحي

وابا افضّل العزله عن الضول واللمه
وابشري خسارة ناس واجد من ارباحي

وباب العلاقات الكثيره مع الامه
ابا اقفله بالقفل واطش مفتاحي

ياكثر الرجال اللي ما يبرابها الذمه
ويا قل الرجال اللي مثل خالد مناحي

عموما يقول الشاعر اللي نزف دمه
أنا منجرح وأكثر جروحي من رماحي

وكل ادميٍ يحسن الظن في رمه
أبشركم انه رايحٍ مثل مرواحي

بدأ الهّم ياكل مني اكثر من الهمّه
وبدت تنتقم من عقلي خيوط مسباحي

ادمّدمّ لي مطمّه واسوي لي مطمّه
سلاحي شعر والخوف كله من سلاحي

ياعينٍ تقول تتطالع الناس من قمة
أنا قابلٍ في حزنك بكامل افراحي

جمالك ما خلّا سيرة الماضي مهمّه
ونواعسك هذي جننتني وانا صاحي

تعالي عساني ما اتعّوضك ف ابن امه
يا شيهانةٍ ما تاثق إلا فملواحي

كسرني زماني كسرةٍ تجبر بضمه
تزبّني لعالمك من عالم اشباحي

إذا العمر معك الله يتمم لي اتمه
واذا الموت فيك الله يجعلك ذباحي

[ِ @ibnroq]

قصيدةً ماهيب لي وأخاف منها من ��مان
اليوم عشت إحساس شاعرها .. وذكّرني بها

[ِ @ibnroq]

يا حبيبي ، والله انك حبيبي لين أموت
مستحيل احب غيرك بغيت او ما بغيت

لكن الأقدار والخوف من هرج القتوت
كلها كانت تقول امش يوم اني مشيت

احسب أن الوعي فرصه ثمينه ما تفوت
واكتشفت أن الوعي كارثه ساعة وعيت

يا حلو جوّي قبل لا يجي للعقل صوت
ليتني والله للحين راقد ماصحيت

[ِ @ibnroq]

شالعٍ قلبي غزالٍ وسط نجد مرفّه
مترفٍ يلعب بعرشه في وطن محبوبه

الحياء والوصف الأعظم والستر والعفّه
و الجمال الباذخ النادر و حسن أسلوبه

قوةٍ كنها جيوشٍ فالوغا مصطفّه
من طلايعها الجحافل تنثني مغلوبه

جاعله ربـي بكفّه و البنات بـكفّـه
ومايضاهي حسنه الطاغي ولا رعبوبه

[ِ @ibnroq]

بين لذات الهزيمه وحب الإنتصار
انتي المنتصره اللّٰه ينصر دين ابوك

يابعد دنياي يا اغلى من الابل والمهار
عذبونا معك شيبانك اللي - دلعوك

ان رضيتي ..كلبونا رضينا ..بأختصار
وان ضحكتتي تنبت ضلوع للي ضحكوك

[ِ @ibnroq]

الرسوم الناعمه والجمره المعسوله
والرموش الفارسيه والعيون الخدّر

والخدود اللي من ألوان الغسق مغسوله
والجبين اللي مثل ضي البدر لا بدّر

من بيوت المشيخه والرايه المحموله
والأصايل ما تحب إلا الحرار الندّر

[ِ @ibnroq]

ما على وجه البسيطة بنتٍ تضاهيك لله
قولي لمن يبغى مثيلك: لا حياة لمن تنادي

جيتي أشهى من كلامٍ ساقه الطاري لحلّه
وأشهى من “لبيّه” لا من جاوبت صوت المنادي

تعرف عيونك رهيف الحب في الصدر وتدلّه
لين بعدك صرت أشوف الغيد باللون الرمادي

[ِ @ibnroq]

حبيبتي لا ادلى - الوله - دلوه
خلي يدينا مثل شمس و ظلّ

من يسري الايام في خلوه
يْتوه — لكن لا ابتسمتي دلّ

في عيونك الافراح و السلوه
و اخر امل والمشكلة و الحلّ

و الي يسار عيونك الحلوه !
ماهيب حبة خال ! حبة خلّ

[ِ @ibnroq]

حرمة الشهر الفضيل من الغزل تمنعني
ولا انا .. ودي على بعض الامور اعرّج