ّ

[ٌ @ajm7i]

من شدة الشوق ضمتني بليّا هلا
وانا كذالك بعد ترحيب ضميتها .

[ّ @idlh0]

احيان تحتاج بعض اوقات لِـ العزله
تبعد و تنسى مع السجّات اوجاعك

[ّ @idlh0]

تقصّر معي واللي يعذْرك يا مملوح
غلاك اللي والله ما حدٍ واصلٍ حوله

تقول الكلام اللي يضيّق عليّ و تروح
وغيرك يدقق في الحكي عرضه وطوله

اجيد الكلام اللي يزيد الجروح جروح
لكني احنك من .. كلامي ولا اقوله

[ّ @idlh0]

ابيك تدري واذا ما كنت تدري فـ ادر
انك ، ظلمت المحبه واني انصفتها

وان غلطتك واضحه مثل وضوح البدر
وتقول لي شفتها ؟ واقول ما شفتها !!

[ّ @idlh0]

وأنا والله يا قبلة عيوني .. ما معاي إلّاك
سنين وأنت أكثر مشاويري وموضوعي!!

[ّ @idlh0]

يعيش الحب بين اللي محبتهم وفا و وصال
ويموت الحب من فرقا القلوب ومن جفى الجافي

وانا مافي نظامي حب يومين وجفى واهمال
وجاك من المحبة والمعزة والغلا الكافي
ٰ
صحيح ان الغياب اللي حصل بيني وبينك طال
لكن مهوب انا اللي فوق حبه يسفي السافي :)

[ّ @idlh0]

ياخمري الغيّ مجنون الهوى لا سكرك
اللذه اللي تفقّد يشتهي لبّها

كيف اختلي بك عن العالم واقبل ثغرك
واشرب من الشفتين التوت و احبها

واميل بشويش لين اشم ريحة نحرك
واشواقي الدافيه في حضنك اصبها

[ّ @idlh0]

مَن البنات البيض عيني شافت ألف وشافت ألف
لكن ماشفت الليّ يشابها ويقضي نبها

أزينهم إليَا وقّفت معها معاد تدق سلف
الزين منها وإليها والمثل يضربّ بها :)

[ّ @idlh0]

اشوفك عمر لو عشته بـ ضف غيرك ضاع
يا ذروة مكاسيب العمر و اكبر اطمااعه

[ّ @idlh0]

سترتك من عيون الناس ما ودي تكون الهام
حميتك من ورا حدب الضلوع وجيت من دونك

ملامح وجهك الغايب لها هيبه مثل الاصنام
يعبدون الصنم من باب غفله؟ ما يعبدونك

قبل ما اشوفك عيوني لها مدّه تقول ايتام
عليك الله وجاه الله مدري وين يلقونك

[ّ @idlh0]

صباحُ الخير يا قلبًا نديًّا
ويا وجهًا أُسرُّ إذا أراهُ 💛

[ّ @idlh0]

جابها حب القصيد وذايقتها الصعبه
فاتنٍ غير القصيد الجزل ما يرضيها

[ّ @idlh0]

أدري إني غير مهتم و إن شعوري باخل
وأدري إن أقصى كلامي وينك و وشلونك

أتثيقل عن غرامك . . ولا أنا من داخل
عاشقٍ باع الحياه الفانيه ، لـ عيونك !

[ّ @idlh0]

يقولون وينه فيه واقول هذا هو
على خبري من اول ولاهو بمثل اول

يزيد بغلاه اللي بقلبي ماهو من تو
امقيمٍ وعاده في مداهيله امطوّل

غزالٍ ربى بين الحنايا واخذ له جو
ورقى في مشاريف المودّه ولا حوّل

- فالح بن قشعم

[ّ @idlh0]

أداري قلبك و كنّي عليك الله محّرصني 💛

[ّ @idlh0]

صباح الخير ! و كسور الليالي طبها جبرك
يا وجهٍ ما يصير الصبح عندي لين يبدا بك

[ّ @idlh0]

كيف اتوب من الهوى وادله واقفي
وانت طيفك كل ماسجيت جاني

انت روحي وانت عيني وانت شفي
وانت شخص ً مايتكرر في زماني . .

[ّ @idlh0]

لايمي في حبها جعله على كبده يكوّا
كم جذبت من الونين وكم تحملت المتاعب

من بعدها لو عرفت اجمل بنات آدم وحوا
والله انها في صميم القلب ما معها ملاعب

[ّ @idlh0]

تقول هذي غزالٍ في حديقة قصر
ولا فرس من ولد سلطان شارينها
ٰ
اخوض معها معارك دايماً و انتصر
الا إلى حاربت عيني .. بـ خدينها

الزبده انها لا طال الهرج ولا قصر
اسطورة الارض واستاذة مزايينها .

[ّ @idlh0]

تهيض الخاطر اللي ما هدا من عصر
شوفوا لي المُـهره المتغطرسه وينها ؟

ياويش باريس ولا وش حضارة مصر
حبيبتي ما خلق ربي مثل زينها

الشانزليزيه واللوڤر وقوس النصر
تطيح من عيني اليا سلهمت عينها

الله عطاها وجه والله عطاها خصر
تقدر تسكر عليه براحة يدينها