ًًًًً

نواياك الطيبة لن تضيع عند الله

[ًًًًً @ie24q]

@CC_6655 لانك طايح حظ وطايح الحظ عاله عالمجتمع مفروض مايطول وهو عايش

[ًًًًً @ie24q]

اناظر فـ السماء واقول يارب السماء والقاع
عسى اللي صار تكفيرة ذنوب وفاتحة توبه

صحيح ان الحكي بـ الفايته مايبري الاوجاع
لكن اقل شي يذكر النساي بـ ذنوبه

همومي واجد وزلاتي كثيره وعمري ضاع
وصبري لايزال يطارد الامال بـ اعجوبه

تقول انا الوحيد اليا تضايق ما لقى فزاع
وصدقتك وكثرت اصدقاي وصارو عقوبه

عزاي اني حفيد اللي عزاويهم على المطلاع
معاصير الدول يوم الامام يجيش شعوبه

ياكم مره يضيعني التواضع لكن الاوضاع
ترد الطيب اللي مستحيل يغير اسلوبه

واذا طاح المطر والبرق لاح وقرب المر��اع
ذكرت اللي تجيني راضيه وتروح مغصوبه

سلام الله على وجهٍ عليه الخاطر الملتاع
مايبرد لو نسانيس الشمال ملاع��ه ثوبه

وجودي يوم راحت من يدي وانا طويل ذراع
وجود الشايب اللي بر بـ عياله و مبروبه

[ًًًًً @ie24q]

بدت رحلة الشاعر معا بدايت المشوار
على بنت ريح اصيل ماهي بحي الله

لجل عين طرقا جنبت معظم الشعار
وجتني وانا اللي يعقد الحبل ويحله

لكن الطواري تتعب العاشق المنهار
ليا حان نصف الليل ثم جات منهله

تزود غثا صدر جفاه الزمن وجار
ولاعنده الا همه وسبحه ودله

يترجم شعوره ويتصدر على الحضار
يشرد لا مرت كنها حد ابو سله

ياغاية منى الشاعر ويا منوة الافكار
ليا طل وجهك قيل حي الله الطله

من عيونك لشعرك تصير الكبار صغار
و��ن الخصر يبدا وصفي وينتهى كله

لاجيتي تخلين البني كلبوها يسار
يضيع الكلام بجيتك دقه وجله

كلامك هو اللي يجذب السمع والانظار
لاقام العسل ينزل على الريق ويبله

يقولون ياستار واقول ياستار
عسى الله يثبتني لا اطلع عن المله

تشوفك عباد الله تضيع وتحتار
متى تعتقين الناس هاذي لـ وجه الله

[هاجس الصحو @wwwwewwwe0]

يومًا ما

[أبيات فصحى. @adbsheer]

"واللهِ ما ذَبُلَتْ أحْلامُنا أبدًا
وأَنْتَ بالْجودِ يارَب تَسْقيها"

[ًًًًً @ie24q]

مرحبا ؟ يا اغلا من يرد التحايا بـ التحايا
ضحكتك نور الحياة وطلتك طله سعيده

المحبه ؟ كل ليله تنتشر بين الخلايا
لين ماتمشي مثل مايمشي الدم فـ وريده

العبي ياجعل يفدا وجهك الطاهر برايا
كل خصله من خصال الشعر عن خصله حميده

ان مشيتي صارت قلوب البشر حولك شضايا
وان وقفتي بـ الثقل طاحت لك الروس العنيده

في تفاصيلك جمال وفي حضور اسمك مزايا
كل جمله تشمل اسمك تعتبر جمله مفيده

لو تفرقنا الليالي ماتفرقنا الحمايا
لايزعلك ؟ القدر والله يفعل مايريده

ذكرياتك كلها بين الاماني والمنايا
ما انتهت الا وانا روحي على فقدك شهيده

يوم بانت صورتك بين الاماكن والزوايا
قلت احبك وابتسمت وجاري انشاء القصيده

لو نشوف ان الوصل صاير ضحيه لـ الخطايا
مستحيل ان الخطا يرخص محبتنا الرشيده

منزلك عالي وقدرك معتبر بين الحنايا
لو على شانك تبدد فرصة العمر الوحيده

[ًًًًً @ie24q]

حبيبي والسنين المثقله بالذكريات كثار
انا محتاج لي لحظة لقى ما احتاج لي ذكرى

تخوفني الظنون الي تسير فالظلام امرار
تعزيني الدموع الي من البارح لها مجرى

بعد لحظة غيابك مابقى غصن لحمام الدار
ومع طاري غيابك كل لحظة ليلة غدرا

تسريني وانا ماعاد لي قدرة على المشوار
ولا املك قلب يجذب�� الوصال ولامعي بشرى

انا ماني الكريم المصطفى والمعتكف بالغار
ولاعندي وحي ينزل علي يامرني باقرا

ذنوبي واجده واول ذنوبي ماعرفت اختار
ومثلي ماعرف يختار غير انت وبعدك ازرا

[أبيات فصحى. @adbsheer]

"وَاسْتَعْمِلْنِي بِما تَسْأَلُنِي غَداً عَنْهُ،
وَاسْتَفْرِغْ أيّامِي فِي ما خَلَقْتَنِي‌ لَهُ."

[ًًًًً @ie24q]

@CC_6655 ابشري بالعوض

[ًًًًً @ie24q]

يافاهقه صدر الهوى لاتنفرين
وشلون ابسلم منك وعيونك نجل

سلهامها اقوى من رصاص المارتين
وانا على موتٍ يجي منها ؟ عجل

الموت هذا حلم : كل العاشقين
واحلامهم .. بالذات مافيها دجل

وصوفك اللي دونها سمن وسمين
ادرا عليها كل ماجيت ارتجل

والله يازينك ما اوصفه للمسلمين
تبقى السلوم سلوم لايوم الاجل

من ثمن شعوره يجي شعره ثمين
في صفحة العراف يلقى له سجل

غثيتوا الشعار ؟ يامستشعرين
تشبهون الحر الاشقر بالحجل

ولا ؟ ترا شاعرك مطنوخ ورزين
ماهزه الا ضحكةٍ فيها خجل

ياشيخة ازحول العرب هل تعلمين ؟
ان انتي اجمل بنت وانا اعظم رجل

[ًًًًً @ie24q]

��ولو لـ اهلها بنتكم في محزمي
لو انها مااااا هي معي متواجده

حبيتها حب العفيف المحتمي
اعهود حب (ن) بالوفا متسايده

غابت وكن الوصل حبله مرتمي
في عالم احلام (ن) عتيمه شارده

يا ليتها من صلب جدي ولحمي
او ليتها عن صدها متراااااكده

او ليت والله مااا يشابها سمي
لعلنا ننسى الطواري الباااايده

قولولها لاضاقت اي بالله ازهمي
رجل(ن) ثنى رجله لـ مهره كايده

[ًًًًً @ie24q]

في ساعةً غيمة حيا للسما جات
همالها هيض جروح السكاتي !

طرا علي أكتب لي شوية ابيات
مضمونها يا لله عليك ، امنياتي

بين الحياه وبين كثر المعانات
وبين الرجا والياس هذي حياتي

إلين ماصرتي لي أغلا الطموحات
من عقبها حبيت حتى .. شتاتي

اللي مضيعني معك ياهوى الذات
يامخاشر بـ دعوات سجدة صلاتي

علقتني بك واثرها وهم واشتات ؟
من عاد في بعدك يلمم شتاتي ؟

وشلون بسلى والمناظر والاصوات
كلها تجيبك في خلاي .. وسباتي

عزاي قلبً لد يمك عقب .. مات
وعزاك ضيعت .. بـ يدينك غلاتي

حتى ولو كنتي لي اغلا الطموحات
انا متى عينتها امنياااااااانيتي ؟

بكرا : توريني الليالي المسرات
والم وحدي في غيابك شتاتي

[ًًًًً @ie24q]

حضرتي وكل ماقبلك رماه الوقت للنسيان
كان الغيد عثرات الخاطايا .. وانتي التوبه

[ًًًًً @ie24q]

مثل السحابة والمطر كل ما انهلت
تباشرت بك كل ( عين ) بصيرة

جيت ومليت الروح بهجة ولازلت
تحلي ( أوقات الحياة ) المريرة

الله يغفر ذنوبي .. ان ما تحملت
حسنك مثير ومجرياتك مثيرة

يميل شوفي بـ اتجاهك ليا ملت
دايم ولحظات السعادة قصيرة

ان خانك التعبير مره وطولت
لواحظك تقدر ( تقود المسيرة )

همت بتفاصيل الملامح وحصلت
روعة تفاصيل الجمال الصغيرة

وشلون لا اطلقت العنان وتاملت
فـ الباقي من المغريات الكبيرة

عذري معي لو اني اقول وش قلت
من شاف زينك مايبي شي غيرة

حاولت اركز في كلامك ولا احتلت
الملهيات اللي في وجهك كثيرة

[ًًًًً @ie24q]

تمادي ��اخشف الريم لين الكلام يطول
مساء وصباح النور واخباري اخبارك

عليك الحنين اللي يتجدد لادار الحول
لو اني مغني ما اقدر اعزف على اوتارك

جمالك يتيه عقل ويحرك المشلول
تقول الله من الناس ميزك واختارك

ياحظ الحظيظ اللي يشوفك ياذاك الزول
ياحظه .. ويابخته .. وياحظ زوارك

طبيعي اشوفك شي نادر ذهب او لول
يازين الهبوب وكل نسمه من ديارك

تقول الشعور اللي فـ قلبي دبيك خيول
ياليت الصدف تجمعني فـ درب مشوارك

لون العقول احيان تبحث عن المعقول
تراك الوحيد اللي من الناس بختارك

حبيبي انا للحين عايش على المجهول
ي��يع العقل لاشاف نورٍ من انوارك

تثير الشكوك وتبعد اكثر من المسئول
لو اني جبرت القلب ماقدر على جبارك

من المستحيل اني بـ اخليك يالمجمول
انا اقرب من يدينك ومن صكة زرارك

[ًًًًً @ie24q]

خلي البيوت العامره بالناس
ولاتسكنين الا [ قفص صدري ]

ماشفت شي يخطف الانفاس
كثر؟ ابتسامة وجهك البدري

العين خدرا كن فيك انعاس
حتى لو انك قايمه بدري

والراحتين احلى عقود الماس
والشفتين احلى عسل سدري

الجانب العلوي يجيب الراس
وشلون عاد الجانب الحدري ؟

اقري على الزين الفلق والناس
يمكن تصيبك عين ما ندري

[ًًًًً @ie24q]

ما اخاف من شي يوجعني سوى الاعتياد
ان جيت لك مرحبا وان رحت ما انفقد

وانا اللي ارخيت لك كل السبل والعتاد
وشيدت لك منها بقلبي قصور وبلد

كنت استشك كل ماصارحتني بانفراد
والقي عليك التهم مالا يحصره عدد

كنت بدموعي تبرك لين طاح العناد
وطاحت بعد كلمة " احبك " احبك بعد "

كنت اتمثنى ووجهك معريه السهاد
وبداخل عيونك الثنتين برق ورعد

سنابل العمر ياكلها عليك الجراد
والخايف بوقتنا مهمها زرع ما حصد

علمني ارتاح لك وارمي عليك الشداد
عندي حنان امي وعند الملاقى اسد

تجذر بداخلي حبك وطاول وساد
ولو كنت تبغى النهاية : انا اعشقك للابد

قم علم العمر واصرخ عند وجهه وناد
ما احب اشوفك بحزنك ساكت ومنفرد

لايخذلك شي لو حسيت بالاضطهاد
المال والجاه والدنيا مادامت لحد