نايف

عزيزتي الحياة حُباً بالله أحبيني

[نايف @ii1l7p]

المبالغة في التفكير تدمرك.
Overthinking ruins you.

[معكاز | شعر @M3kkaz]

انتي علامك واقفة ضد الحجاب
ما فيك زين ولا جمال وناشفة

كنتي جميلة يوم كنتي بالنقاب
منتي مثل هالحين وانتي كاشفة .

[/ @5rrrm_]

ابتسم وأسرد لي همومك ترا الدعوا بسيطه
لا تزور بسمتك والحزن يقطع ..سالفتها

انت لو تبغي العراق ، تشد وتروح لـشبيطه
قلت اكيد انه مشدّدها يدور ..مصلحتها

لا تضيق و ينتثر دمعك ، وانا فوق البسيطه
اذخره لا سمعوك اسمي ، وانا قدني تحتها

[/ @5rrrm_]

عقب التفراق وموادع بعضنا بعض
وش له تراقب حياتي من بعيد لبعيد ؟

[بوح غفراني @bo77_1]

يامكرمة اللحى بالعز والعود المذاعر
انصحونا عن دروب الحب والدين النصيحه

نعشق الجافين ونخلد وجع وابيات شاعر
كم محبً ودنا نلقاه حتى نستبيحه

كل شخصً صح مانعطيه من صدق المشاعر
لكن الشخص الخطا ياخذ مشاعرنا الصحيحه

[بوح غفراني @bo77_1]

« مرحبا بك والمشاعر لو تشوف أقصاها
تدري إن جيتك عندي ما هي .. بعاديه »

[بوح غفراني @bo77_1]

ماكنت افكر بالمحبه والاحباب
ودايم اقول الحب روح زمانه

حتى لقيته صدفه وصار الاعجاب
وضحيت باللي يعشقوني علشانه..

[بوح غفراني @bo77_1]

آقربي مني .. مادام الليل هادي
لين تملين بـ وجودك كل حيّز !

لك مقام الحكم و الأمر السيادي
من كثر : ما تستحقّين ( التميّز )

في غرامك ياحلو طعم التمادي
آشعر بـ كثر التفاني .. و التحيّز

سولفي حتى لو تزلّين .. عادي !
الكلام إللي من لسانك ( مُميّز )

[حمد البريدي @hamad_albraidi]

،،

البنت لا غارت من البنت ، عادي
بس الرجال تغار من بعض عزاه

نعيش في ( فترة ضياع المبادي )
حي المراجل والرياجيل .. حياااه

،،

[جزلآء 🇸🇦 @_Rwii1]

فدا وجهك صواريخ النساء و مسيّرات إيران
وفداك اللي يحسَب إن الحروب أخطر من فتونك

ولولا إن بـ أرض الجوف صقور وجنّد أبو سلمان
لـ أقول الطايرة طاحت بعد ما شافت عيونك

[بوح غفراني @bo77_1]

ترى الحب مايقبل من العاشقين بخيل
ماخاض الهوى غير أكرم الناس وأشجعها .

[لاماك @als_l53]

اللي قلب صفحة ايامي وزود عناي
قولو له يرجع الصفحه على اول لقا

وجدي على ماضي سنيني وضحكة شفاي
والفرحه اللي تقول ارحب ... واقول البقا

قبل الزمن ينهش ضلوعي ويبحث خفاي
واقوله وش تبي ؟ ويقول لي وش بقى ؟

محمد بن عديس

[شعيل . @m3j_1]

وشلون بأنسى حبنا ذيك الايام
اللي مضى و اقفى بخيره وشرّه

وانا تذكرني ذعاذيع الانساام
والشارع اللي كل يومين امرّه

- جراح العتيبي .

[العفار @alafar511]

اللّٰه عزيز ولا يذل العزيزين
اللي عن دروب الشرف ما تناحوا

حنا اقويا حتى لو ان المساكين
ما ريحونا منهم ولا استراحوا

يدّورون الضعف والطاري الشين
مهبلً لا صاح مجنون صاحوا

راحوا هل الشيمة وراحوا هل الدين
وحتى السرابيت الرياجيل راحوا

-فهد قطنان

[دمـخ @__s2t]

لا ذكرت القيامة والقبر والحساب
قام قلبي ينبّهني بكثر الذنوب

يالله إني دخيلك من ضياع الشباب
انتصفته وأنا للحين أردّد بتوب

- عبدالله الحافي

[دمـخ @__s2t]

الارض ما عادت مثل ماهي مناكبها عراض
انتم تقولون الوسيعه ، والوسيعه وينها ؟

مافيه درب نسلكه لا ضاقت السبع الاراض
الناس مالين الصحاري والدير مالينها

- خالد ماطر

[مدغم @md8ml]

اخاف تسرقني يدين الموت وامي لـ الحين
ما ناظرت ضحكة سميَّتها ولا طيب ولدي :(

[مدغم @md8ml]

الطيّب اللي حالته تحت الصفر
ماهي بـ تلغي قيمته وتعيّبه

حجز الحساب البنكي ومنع السفر
من كل طلقين اليدين قريّبه :)

- عويد النجود

[مدغم @md8ml]

صباح الخير يا رفاق ، اما بعد :

طموحي سرابٍ جاني الموت قبل اجيه
وعزمي عزم من جمرة القيظ محرقته

تقولون دام انه سراب ولحقته ليه ؟
ترا متعتي في شوفه وفي ملاحقته

[مدغم @md8ml]

مسلسل العمر هذا بالرتابه طويل
من فيكم الواعي اللي يحرق نهايته ؟

[مدغم @md8ml]

ما تسلم العالم من الكذب والزور
ذي سنة الله بالحياة الزهيده

الكوره الارضيه تلف وتدور
وانتم تبون الناس يمشون سيده ؟

- عبدالعزيز بن سدحان