تـيّاه :)

[تـيّاه :) @ii2hen]

عليك مْن الرضا مالاعب الغربي غْصون الطلح
وماهل المطر ، وابتلّت القيعان ، واخضرّت
-
حبيبي .. لو تبادر بالعطا وتمْد كفّ الصلح
تبادلْك اليمين اللي لاقرّت بالقسم برّت :)

[تـيّاه :) @ii2hen]

انا لو ازعل ما تطوّل جنوني
اروح واعوّد على مـ انت خابر
ٰ
مالك شغل باللي تقوله عيوني
كل اللي تقوله عيوني .. مكابر :)

[تـيّاه :) @ii2hen]

@sbchoooh 😷😷

[تـيّاه :) @ii2hen]

ماعاد خليت للاشواق صوبك مرور
ماتدري ان الحبايب يخلقون ابريا
َ
ٰعاملتني بـ اصتناع الكبريا والغرور
وانا لسان الغرور . . وسيّد الكبريا :)

[تـيّاه :) @ii2hen]

ياوسيع الصدر ليتك على صدري تويق
والله أن تقفي وعينك ماعاد تلدها

وسط صدري شايلً ضلعٍ أكبر من طويق
ماتشيله نجد من حدها لحدها

غير شرهات الصداقه وخملات الرفيق
شايلٍ فالصدر حاجات يصعب عدها

لو تمرك ضيقه الصدر ضاق بك الطريق
لا تناطح ضيقة عصير منت بقدها .

[تـيّاه :) @ii2hen]

عوده مضمر ومتروي ويرقا سنود
ويحق له لا تبختر فيه وأغتربه

حوريةٍ جابها الله من جنان الخلود
جتنا زياره تشوف الكون و تجربه

كنه خشيفٍ تحت رش المطر فالنفود
لوهو توطا ثر الهملول ماخرّبه

[تـيّاه :) @ii2hen]

صوتك اللي يعطي النفس دافع للحياه
له مكانٍ وسط قلبي محد يقدر يجيييه
َ
والله انّك طب قلبي ، وغايته ، ومناه
وعمر منت بفيه م يستحب العيش فيه .

[تـيّاه :) @ii2hen]

من قبل اعرف اللي تبينه .. ترى تم
دمعاتش اغلى من رخيصٍ تبينه

لا من بكيتي اسدل العمر لش " كُمْ"
وامسح دموعش لين تفنى سنينه

[تـيّاه :) @ii2hen]

فاقد لي عيون وبسمتن غير .. غير
وليلٍ ان زاد طوله ضاق صدر النهار
ٰ
في مهاة القفار اللي تحدد مصير
في هدبها .. يصيرون الأكابر صغار
ٰ
لا أقبلت قلت ابوها يمكن انه فقير ؟
ولا أدبرت قلت ابوها من طوال العمار

[تـيّاه :) @ii2hen]

شبعنا من العذر وملينا من التقصير
ولا عاد نبغي منهم الا سلامتهم :)

[تـيّاه :) @ii2hen]

فمان الله .. و انت اول قصيده و اخر الابيات
و لاتبحث عن اشباه السماء ما فالسماء جرّه
ㅤ
تراني ماتكرر . . . مير لاتندم على ما فات
يجي في كل عشر الاف عام من الشبه مرّه

[تـيّاه :) @ii2hen]

مع احترامي او بدون احترامي
طبعك اذا يرضى به الغير ما ارضاه

وآسف على حرصي و زود اهتمامي
انا اللي عودتك على الـ لا مبالاه .

[تـيّاه :) @ii2hen]

إستديري ياهبوب الليل ولا هبّي
ذايقٍ جور الغرام وعايفٍ حقي به

والله إنه ما يخلي خافقي يشتبّي
كود فرقى واحدٍ يقفي وأنا ودي به

[تـيّاه :) @ii2hen]

هبّت الذكرى وعيّا يفتح النسيان ريعه
قافلٍ كل النوافذ من جنوب ومن شمالي

كل ما فجّت ضلوعي ضاقت فجوج الوسيعه
وابتديت اجمع لصدري ما بقى من وسع بالي

[تـيّاه :) @ii2hen]

والله ان نفسي عيوفه وتقسى لو تلين ،
كم حاجه عفتها ... عقب : ما حبيتها !
ٰ
كل غايه كنت ابيها وجتني بعد حين ،
ويش ابي فيها لا جتني بعد : توقيتها !

[تـيّاه :) @ii2hen]

@_1mllll أنت حاكم خافقي وأنت المفوّض
لو غدت كبدك على وصلي غليضه
'
وأنت فرصه فالعمر ماهي تعوّض
في حياة اللي عسى ربي يعيضه :)

[تـيّاه :) @ii2hen]

عندي لها عزم حرٍ ماخذ القلب ذيب
ما يضرب الضربه الا وقت مضرابها
ㅤㅤ
في وجه الايام مهما كانت الضعف عيب
قولوا للايام : ماني بـ حاسب حسابها :)

[تـيّاه :) @ii2hen]

طرالي اللي طرالي قبل وقت المغيب
ومشيت رجلي على الارض اتمشى بها
ㅤㅤ
احلام الاحباب ماتت والفراق نصيب
والذكريات القديمه .. قافلٍ بابها
ㅤㅤ
لايام صعبه وانا لو عشت فيها غريب
ماني بـ راضي علي تفتل اشنابها

[تـيّاه :) @ii2hen]

تدري اني شخص ماني سريع اعجاب
ولا كل حاجه عابره تكسب اعجابي

غلبت الهوى فتره لكن الهوى غلّاب
تمادى و وقف في طريقي و انا مابي

دخلت فـ حياتي عرض من اوسع الابواب
وانا للحبايب ماني مشرّع .. ابوابي

وعطاك الله من الود والحب والاعجاب
مايجعلك سيد قلبي وسيد احبابي (: