نوف العثمَان.

حزن الأشياء الصلبة، التي تسقط ولا تتكسَّر.

[نوف العثمَان. @ii___f0]

شعور من قال: " ليت مالي مع الشعّار ولا قصيدة "، رفاهية ألّا يكون جرحك في متناول الجميع.

[نوف العثمَان. @ii___f0]

ماللحزن آخِر ولا للترف حين
الى اندفن جرحٍ يجدّ انبعاثه

ماعاد نضمن لا متى حنّ حيّين
الموت شكله عند أهلْنا وراثه

يلتفّ عزرائيل من بيننا بين !
ويختار منّا اثنين والا ثلاثة.

[مملوح @Qcccc0]

سعد بن جدلان رحمة الله قال
يوم المحبة يا بنت الناس شوق وحنان
"البنت لا حبت الشاعر محد قدها"

ما نختلف لكن الشاعرات أثبتوا ان أقصى ماعند الشاعر يحطك في ابياته ما يحطك في بيته/

نوف العثمان:
تقول لي كم قلت فيك مْن البيوت
واقول مافي بيت منها بسكنه
مهمهيّة:
إن دخلتي في قلبه ما سكنتي في بيته
وإن سكنتي في بيته ما دخلتي في قلبه

[نوف العثمَان. @ii___f0]

«طلعت من عمري الحزين بْـ قصيدة
ووجهٍ حلو، أحلى من العمر كلَّه».
مهمهيَّه

[نوف العثمَان. @ii___f0]

اللي يخلّي العمر فارِق و وِنَّاس
انَّه الى ذلحين للوصل نيَّه

ثنتين مايعلى على احساسها احساس
مْعايدك « فالفطر والا الضحيَّه »♥️

[نوف العثمَان. @ii___f0]

سبحانه وْذكره على جل الافواه
و عْباده تْلبِّيه من كل بقعه

ترفع له يْدينٍ وتسجد له جْباه
وْلا يلتبس صوت الدعاوي بسمعه.

[نوف العثمَان. @ii___f0]

@mjdbali لي يومين يوم أحوس
شكرًا.

[نوف العثمَان. @ii___f0]

تكبر علي وأضيق واسرف فالغياب
ماعاد لي فـ مواجهة طيش زْعلي

إذا هروبي جهل وظروفي صعاب !
بالله خلوني على حدّ جْهلي

لاعاد احد يشره عليّ من ايّ باب
لا واحدٍ غالي ولا مشتاق لي

ماني بـ احسّب لـ اي متعتّب حساب
لو ماهو بْمحسوب واحد من هلي

تعذّروا لي لين تفرج فـ الرحاب
والى نْفذت سبعين عذرٍ ؟ ماعلي.

[نوف العثمَان. @ii___f0]

محزنِّي.. ان الأرض ماتاقف عليّ
رغم اني استاهل أنا اللي اديرها.

[نوف العثمَان. @ii___f0]

@Queenhaya02 والله شبعنا فالتبطين

[نوف العثمَان. @ii___f0]

@ghada_alhrff فديت انا كبدك 🤍

[نوف العثمَان. @ii___f0]

@youarev_ 🤍🤍🤍🤍

[نوف العثمَان. @ii___f0]

@Awsaf_Alfahmi مشّي دموعك فدا يالجادل الطرقا 🤍

[نوف العثمَان. @ii___f0]

عجزت ياقلب لا اوقّفك عن حدك
والحزن يطغى على صدري وفـ اعماقه

تسعى لرغبات تتعارض مع جهدك
وتقول مالك جمل فيها ولا ناقة

هذا أنت عايش مـ باقي شيٍّ يْشدك !
وْلا عاد ترضيك لا آسف ولا باقة

علِّمني الحين.. أنا محتاجة لْردك
وشلون الانسان يتعايش مع اشواقه؟

[بشاير المقبل التميمي @rakdh9]

اللهم صلِ على حبيبي محمد عدد ما ذكره الذاكرون وغفل عنه الغافلون ♥️

[نوف العثمَان. @ii___f0]

لي قلب لا متغافل وْلا هو غبي
يردّني عن عزّته شيْ لا انغبنت!

ليتك موجِّهني بوجهٍ غير إبي ..
ماقول لك تزهل وعز الله زبنت.

[نوف العثمَان. @ii___f0]

أحب ابوي محبَّة عزيزة ومتينه لا يجرؤ على تفكيكها شيء،أحن وجهه وأحشّمه من سفاسف الأمور الا انه غالي. كل من سألني به ينال،أيًّا كان مطلوبه صعب او تافه
سعد علوش قد قال في عرض قصيدة:"أنا في وجه ابوك من اسود النسيان"،أتخيل لو ان الشطر موجه لي لتحوَّلت كلِّي ذاكرة.

[نوف العثمَان. @ii___f0]

من وين اجيب لباقي الليلة ايمان
واسكِّت احساسي واهدِّي ضلوعي !

حاول تهوِّنها علي قدر الامكان
وتمسح على خوفي وتمنع جزوعي

مقدر انام الليلة بْدون قرآن
وبدون لا يدَّك تكفكف دموعي..

[نوف العثمَان. @ii___f0]

ياونيسي قد لنا كمّ ما مر الصدور
شيٍّ يضيّق حدانا ويلزمنا الحداد

نتِّعظ من كل عبرة تغصص بالنحور
وندرك انه مايفيد الندم عقب العناد

من هو اللي ضيّق الخاطر العفّ الوقور
لين حدَّك "تسمع المانعة"على انفراد !

وتْنهّد كنّ في صدرك تفوح القدور ..
جعلي آقبِّل ضلوعك واعيّن لك ضماد

وش تبي في صوتٍ يلوّع اللي فالقبور
خل منهو رقّ قلبه ويجهد به جهاد

إن صبر يادوب صبره على ادناة الامور
وإن بكى ما هلّ دمعه على الشيّ بْركاد

كل حاجة حوله تْحرِّك أعماق الشعور
حتى لو ماغير نبضه فرَقَه من الجماد

بسّ الى شافك حواليه؟ماغيره جسور
للحروب الداخلية أنت جيشه والعتاد

جعلني قبلك وش العلم مابين السطور؟
عيّى لا احساسي يعلِّمني العلم الوكاد.

[نوف العثمَان. @ii___f0]

العمر مؤسف،وأنت عذره وآسفه.

[نوف العثمَان. @ii___f0]

والله مدري وش ورا ذا الانطفا
ومْحاولاتي جلّها كيف اشتعل

تولّجوني.. بالمشاريه وأفا
وانا ماحب اقسى ولا اداني انفعل

كثْرت معاذيري ولا قالوا كفى
مدري عن الضيقة ولا أسباب الزعل

يبغوني أشرح سر كثر الاختفا..
وانا ما اميّز فعل أو ردة فعِل !