AAA

[غـرورك @ghoroork_]

واحاول اتناساك يمكن مع الوقت
انساك و اتقبل جفّاك و مغيبـك

ليت الأغاني ماتجيبك اذا اشتقت
حتى القصايد كِلها من نصيبـك

وشلون بنسى وانت فيني تعلقت
حتى رسايلك القديمه تجيبـك

ياللي ذبحني الشوق لك كل ما ضقت
انا حبيب الفقد ماني حبيبـك

[غـرورك @ghoroork_]

دعيت الله عشان انساك
و بكيت .. و قلت ياربي ابيـه

[غـرورك @ghoroork_]

حُبك عطاني درس ماني بناسيه !
درس هدم أحلام عمري بـ ثواني

مهمّا تحب وتخلص لشخص تغليه
تلقى بنهاية يحب له شخص ثاني

يغيب و يغيب ويغيبّ وأنتظره
و أثره مع غيري يشد مبانيه

[ِ @ajm1ii_]

تصنعت نسيانك و حبيت خشم البال
أخاف أرتكب عقب الغلا غلطة الشاطر

يكفّيني و يكفيك .. عذري عن الأهمال
تركتك لوجه الله، ولا أنت فـ الخاطر

[مُـنـى / @meix49]

العلاقه ميته والحبايب عايشين
والشعور اللي يجمع مشاعرنا بهتّ

لو تعديّتك يرجعني لدربك حنين
ولو تناسيتك ترا ذكرياتك ما سهت

أصعب أنواع العلاقه نكون معلقيّن
لا رجعنا مثل أول ولا حتى أنتهت

[ًًًًً @0zvv4]

هالفتره ما يمثلني الا سفر الدغيلبي يوم قال :
«تعوضت عنك بطاعة الله و طيب الصيت
و كنز ٍمن كنوز المخاليق — يغنيّني»

ـــ مرحلة النضج و الاكتفاء اللي وصلت لها ".

[أ. شعر @7ii58]

اعلن مراسيم الوداع ان كنت للفرقى شغوف
شد الرّحال و مالك الا الي يلقيك القفى

الي يجي حسب الظروف اودّعه حسب ظروف
قلبي مع الي بايع العشره مثل صم الصفى

حتى «احبك » بعتبرها كلمة من اربع حروف
وانت اعتبرها مثل ماودّك وصل ولا جفى

[ًً @9o6xri]

انتهى طيش المحبه وترويض الجنون
و ابتدى قطع المواصل غرور و كبريا

ما تمنيت اجرح قلوب و ابكّي عيون
بس ما يعبث مع الاقويا ، الا الاقويـا

[ℬ @y7k]

عطيتك محبه صادقه مابها تشويه
وجعلتك بقلبي منفرد فيه وحداني

وغيرك يبغاني بالمحبه وأنا مابيه
دام أنت عندي ويش أبي بواحدٍ ثاني

تراني ليا شفتك أسج الفكر وأشقيه
وأشوف القمر وأقول عندي قمر ثاني

غلاتك بقلبي شي يطغى على التّشبيه
كيف أوصفك والوصف يعجز به لساني.

[// @r2utt]

ياحبيبي لا تقوووول اني سليم
جرح قلبي ياحياتي ماااابرى

جرحك التالي على الجرح القديم
هو سبّب ياصاحبي ماجرررى

[// @r2utt]

أوعدك أكابر لين ينتهي ذاك الشعور
لين تفنى من تفكيري و تصير عادي

[// @r2utt]

يعني خلاص الي مضى يعتبر طيش
يعني كذا ناوي تروح بسهاااله

بعت المحبه و الغلا و الوفا لييش
وش له تجاهل شاعرك في سواله

ياخي احترمني قدر الملح و العيش
راع الهروج العوج مالك و ماله

اذكر على لقياك حاربت لي جيش
بس الحثاله غصب ترجع حثاله

[ْ @2ajl_]

جملة اعذارك — ماتغطي خطايك !
وانا ادري ان قربي ماهوب من اهتمامك

ان طعنتني . . خلك من هناك لـ هناك
" لاتجرّح صيامي ولا اجرح صيامك "

— صالح ال نشيرا

[⁷ @_r2ey]

جعلة يصيبك مثل ما صابني منك
وجعلة يجيك اللي من الحب جاني

من عقب ماحطيت بالقلب مسكنك
وحبك سكن بين الضلوع المحاني

نسيت ماضينا ولا عاد يشحنك
حرمتني من حبك ومن حناني

[AAA @iiprw]

انتظرتك في محطّات القدوم
وفي مواعيد « السفر »
وصك شبّاك التذاكر وانمحى
جبر الختوم ومالقيتك

[مغوار . @m7tmm]

تغيّرت يا الله لا تغيّر على ايّ انسان
لي اسبوع و انا فاصلٍ رقم جوالي

كرهت الصباح الهادي و لمّة الخلّان
وولفت السهر والشعر والمرقب العالي

لعينك تركت احباب قلب وربع واخوان
امانتك امانه .. لااا تخليني لحالي

- محمد العذبه

[منيره المطيري @Mutairiwe]

عن الغلطه تغافلت و تحاشيت بـ قدر الإمكان
و تمثّلت بـ شعورٍ يشبه لـ سكينة مصلّي

حاولت أجازي العالم لا ساء الظن بالإحسان
و مع ذلك أشوف الخيبه بـ ترحالي و حلّي

أنا من كثر ما عشت الجروح إللي من الخذلان
أخاف أحس بـ الخذلان من ظلّي و هو ظلّي !

[AAA @iiprw]

رجاي ما أذوق من مُر الحياة
"الا مرارة قهوتي"