ِ

[ِ @ilM2___]

على وين مدري لاكن اقفو ولا ادري وين
تناحو وقفو .. عاد لي فيهم .. طلابه .

[ِ @ilM2___]

عايديني قبل ترفع مراسيم العياد
كل عام وأنتي بخير ومن العايدين

يا بعد كل العذارى مخضبة الأياد
مستحلة قبل مغليك من ماض السنين

لك ف عيني مدينة وفي قلبي بلاد
أنتي اللي لشريان قلبي سوات الأكسجين

و الصحيح و زبدة العلم كله و الوكاد
والله أن العيد من دون شوفك ما يزين

[ِ @ilM2___]

عاد عيد إللي وجودة لذة العيد السعيد
جعل زوله ما يغيب وكل عام أعايده.

[ِ @ilM2___]

لا تطلبين الشعر .. وانتي مراده
لا يا بعد من يلبسن الغطاوي

والله لـ اقلدك القصايد قلاده !
ولا اهديك مسباحي وبشتٍ حساوي .

[ِ @ilM2___]

تهادي بالحرير المخملي يا ناعم الخدّين
وميلي لين يرجع كل غايب حرف لاوطانه

على منتوقك اللي فاهق حدود الغيَا شبرين
يصير صغيّر حروف القصيد اكبر من اخوانه

عيونك موطني عن كل تغريبة ولوعة بين
وصوتك مرفأ حطام الشعور وساحل أمانه

[ِ @ilM2___]

تباهى على غيرك بحشمه وزين قبـال
وعينٍ تصيب المبتلي فيك وتتلّه

من يلوم فيك الذايقه كل ماتختال
لك من القصيد أطلال ومن القمر طلّه

يحبك من قلوب الأوادم كريم خصال
يدوّرك وإن ما جيت ما دوّر الزلّـه .

[ِ @ilM2___]

" مرحبا قبل السؤال ومرحبا بعد الأجابه
ياهوى القلب العليل وبلسمه من كل عله

مابعد صوتك جمال ولا بعد شوفك رحابه
أنت اللي تستحق الغلا دقه وجلّه

من يشوفك يبتسم لو كان عايش في كئابه
كيف عاد اللي بقلبه لك مكانه مستقلة "

[ِ @ilM2___]

يالفريد اللي ماغيرك على الدنيا فريد
العرب ما أظن بلحالها متهوله

الطيور اللي تكافخ ومرقاها بعيد
لو تشوفك من سماها تجيك محوله

القريحه كانها فيك ماقالت جديد
لاتباطاها تراها ماهيب مطوله

أنت تستاهل محبّه وتستاهل قصيد
مثل مايستاهل المدح راعي الأوله.

[ِ @ilM2___]

مع غيرك من الناس قاسي وهرجي جلف
و معك شايفٍ لبّيه لدعاك سبّاقه

مضارب عيونك في فؤادي مضارب شَلف
بزينك تراي مودعٍ حبك أعماقه

ولا لي دوى عقب العنا و الزمان الصلف
سوى حبةٍ من مبسمٍ / ما حدٍ ذاقه

[ِ @ilM2___]

أنت ممرضني وأشوف المرض فيكم وفيّ
والهبوب البارده منّك هبّت في حشاي

والله انّ كبدي عليكم عراويها أضميّ
والمشارب غير هرجتك ماتقطع ضماي
سعد بـن جدلان

[ِ @ilM2___]

رجعيني للشغف يا أعز وأغلى ماحصلي
وإستغلي بسمتك لرضاي في وقت الملامه

الليالي مالها وجهٍ ضحوك ومسفهلي
غير لامنه بدا لي خدك الي فيه شامه

أقربي لين يتلاشى حزني ويرتاح ظلي
من طريقٍ فيه عيّفت القدم راس العدامه

وأستريحي فوق ديباجك وفلي شعرك اللي
ودي أقضي عمري الباقي تحت دامس ظلامه .

[ِ @ilM2___]

.

[ِ @ilM2___]

وجيه البشر من شكل واحد مهي باشكال
ياكثر الوجيه ووجهك الفارق لحاله

على مثل وجهك ينبنى الشعر والامال
وفي عينك احيا لو يقولون قتاله

قبل لاتفل مجدلٍ ماعليه جدال
هو الليل قبل الشمس تشرق وتغتاله

ماعرف الحسد لكن على عنقك السلسال
حسدته على طيب الاقامة والاطلاله

[ِ @ilM2___]

عليها جمالٍ مابعد مرّ بـ الاجيال
جمالٍ على بيض الغنادير مطغيها

فرس حاكمٍ لـ ميلت بشقرً ميال
قبل ماتميل كل قلبً يباريها

ترفع من الجهال وتضييع العقال
يروحون في سياتها من حسانيها

تقدم لها الارواح وتقدم الاموال
تهز الدول من شامها لـ يمانيها .

[ِ @ilM2___]

عقب مافهقت الليل عن وجنتك وانزاح
ترنّم وسولف لي عن البدر والقمرا

لاعلّق على جيد المسا نوره الوضاح
وتبيّن تقول قلادة في نحر سمرا

اشوفه شبيهك بس للشبه نَص ايضاح
ماعنده عيون خدره ووجنة حمرا.

[ِ @ilM2___]

والله اني في محيّا . . وجهك الطاهر اماري
وكل زين يمرني عقبك . . امـرّه واتعدّا

في محطات العمر ما كنت من ضمن اختياري
القدر جابك وانا . . ممنون للأقدار جدّا :)

يا حبيبي وإغلب العشاق من بايع وشاري
يوم أنا من كثر ماني واثق . . فيك اتحدّا .

[ِ @ilM2___]

جادلٍ لاشاقها البرق وأغراها الرّفيف
السماء تقرأ عليها والأرض تزفّها

إن تهادت يفهق الليل برّاق القنيف
وإن مشت تمشي على الريح يوم تدفّها

وش يعذرني من الشعر فالقدّ الرّهيف
كل مافلّت جعدها وحنّت كفّها .

[ِ @ilM2___]

«ما يقارن شوف وجهك بمال ولا بنين
حظ من يقضي الليالي معك على انفراد

فيك طيش وفيك زمة ولك عقلٍ رزين
يا شبيهة مهرة الشيخ في يوم الطراد

مثل ما خذتي من الريم عنق و وسع عين
ماخذٍ رمشك من قلوب حسادك سواد

لا حضرتي في غياب القمر لو ساعتين
بايعتك الأرض و الشمس في يوم الحداد»

[ِ @ilM2___]

شفوف بدوٍ ماتفكر في علوم الاقتصاد
مافيه شي غير حب البل يتل قـلوبها .