ِ

511

[ِ @ilwrli]

طرحتك عيّت لاتستر رمشك الطارح
وش عاد في وجنتك وشفاهك الحمرا

[ِ @ilwrli]

إدفنيني في مداهيل القلايد
في مكانٍ ماحدٍ غيري يمرّه

[ِ @ilwrli]

التوى طوق الذهب في نحرك وقلت فيه
واهني طوق الذهب لا التوى بطوق النجاه

[ِ @ilwrli]

المترف اللي يخطف أعماق الأعماق
سوالفه دايم فديتك ولبّى

يقول أنا مربّى على حسن الأخلاق
وأقول صادق والله انك مربى

[ِ @ilwrli]

اعرف إنّك غنوج وحياوي ولسانك عذّوب
وادري إنّ لسانك العذب من العذاب ما يخلا

شاعرك يا داعج العين من عقب حبّك طروب
يكتب جزّال القصايد بحسنك ويعلّقها على

جيدك المنتوق اللّي بأسبابه ضلوعي تذوب
مثل ما يذوب الحديد من النّار بيدين جهلا

[ِ @ilwrli]

كم مرني من وجيه وكم تعدى وجيه
ولا شفت وجهٍ يضاهي وجهك المخملي

بين الصبايا فرقك الله ولا لك شبيه
ياطلةٍ مالها فوق الأراضي حلي

[ِ @ilwrli]

الفارع اللي ملمس ايديها حرير
مبنى غلاها فالخفوق مشيّده

دلوعةٍ ماتظهر الا فـ العصيّر
وسيّده لاقيل فعلاً سيّده

في كل يوم لبس غير وشكل غير
تقول هاذي كل يوم معيّده

جتني تهادى كنها نفحت عبير
ومن الحيا تمشي وكنها مقيّده

[ِ @ilwrli]

ترا خصرك الناحل على عودك الممشوق
مع التينتين اللي بـ وسط الحلا غرقا

مذاق الخمر والي سكر حب كيف يفوق
هذا والله الي سارقٍ حالتي سرقا

[ِ @ilwrli]

"يا زين لامريت سلم عليّه ياكامل الزين
لو بصبعك يازين رد التحيه ياداعج العين"

[ِ @ilwrli]

بين نصٍ مايجوّع ونصٍ فيه جوع
كن ربي في تفاصيل جسمه خيّره

امعذور لو تروّع بشيءٍ ما يروع
الغزيّل لاتحرك ظلاله ذيّره

[ِ @ilwrli]

وش إللي يمنع نفوس البشر ما تحسد الفنجال
ما دام انّه يلامس جمرتينك لا تقهويتي

[ِ @ilwrli]

يابو جديل فوق الامتان منسوف
يلحق على روس الردايف ضفافه

وعيون سود وخد ونهود وردوف
اليا تبسم تجذب عيوني رهافه

والورك والفخذين والساق ملفوف
والوجه ناعم ما شكى من جفافه

في حب ذاك الزين مغرم وملهوف
اللي جمع بين الجمال وعفافه

[ِ @ilwrli]

لاجيتني يا سالفة عصرك
دقّات قلبي تسبقْ أنفاسي

تمرّ و إيدينكْ على خصرك
وتروح و إيديني على راسي

[ِ @ilwrli]

نعومته وأنوثته دايـم تزوود
ومن البياض تشوف مجرى وريّده

[ِ @ilwrli]

النهود صغار والبطن هافي تقل غار
والردايف بالثياب الطوال مشمّرة

[ِ @ilwrli]

له لبّةٍ تاخذ من الصبح الإشراق
لا كف عنها طرحته ضعت كلي

[ِ @ilwrli]

يُقال: حقّ العيون السُود السمع والطاعه

ويُقال:

للوساع السود جِيت اعلن وَلائي
الحكم حكم المضاليل الوسيعه

يا الجمال المستحيل الّا نِهائي
الغزل في حضرتك تجديد بيعه

سلهمت رمشك تحطّم كبريائي
لك تداعى قلبٍ أَسواره منيعه

[ِ @ilwrli]

كل مايقتادني للموت قودي
ماذكرت الا انت يالريم المذيّر

لايهمك لاعذول ولاحسودي
هد روعك ياحبيبي لاتطيّر

انت حبك كنه الحكم السعودي
ثبته عبدالعزيز ولا تغيّر

[ِ @ilwrli]

معطيٍ الناس وضع الثقل والصدّه
صرت معروف بالغايه المدفونه

مير طوّعني اللي رهيفٍ خدّه
جرّني بـ ولعْه ودلْعه وفنونه

يرخي الحبل واليا غفلت يشدّه
لين قانوني ارتاع من قانونه

[ِ @ilwrli]

سودً هدب عين خلي بيضً اوجانه
ريانة العود ناحلةٍ خواصرها

وجداه يالي عليك الكبد ضميانه
وجد البخيلين لاكثرت خسايرها

اون لك ياثمر قلبي وبستانه
ونة كسيرً عظام الساق جابرها

دنياً بلياك عندي مالها خانه
مرً طعمها وفراقكم تمررها

[ِ @ilwrli]

والله إنّي يا حسِين الترف خايف 
ينفلت حبل المشاعر من يديني

شفت لي شيٍ ولا ادري ويش شايف
يوم يلعب بالهوا لبس الرديني

جادلٍ في دونها كل الكلايف 
ولا وراها الا لعنة الوالديني