S'alajmi

-اللهم أبعد متاعب الحياه وحزنها عن أمي🤍📍.

[S'alajmi @ilxsi1]

إختلافي واضح في ذوقي وفنّي
وفي قصيدٍ لا قريته يستفز شجونك

ابسط حقوقي شجاع مايخيّب ظنّي
أبلجٍ لامن نصيته قال أنا من دونك

كل مايلمح دمع عيني يقوم يغنّي
كل حاجة هيّـنه إلا دموع عيونك.

[S'alajmi @ilxsi1]

كل موقف درس والخذلان دايم خيره
لا تكبّر قيمة الاشياء .. و لا تتهقوى

— سالم الملعبي

[S'alajmi @ilxsi1]

من بغى قربك يسوي المستحيل
ومن يشوفك خساره .. اخسره

لا تنادي من بغى درب الرحيل
ابتسم له في رحيله — واشكره

[S'alajmi @ilxsi1]

ترى الشي اللي ما يجي في حزّته لو هو ثمين
ما عاد يسوى شي عندي — لا تعدَّت حزّته

[S'alajmi @ilxsi1]

حب من ودك تحب .. وعاد من ودّك تعادي
بس عيب إنك تشوّه سمعـة اللـي ما تحبـه

[S'alajmi @ilxsi1]

عـارفٍ قـدري و مـدة يـدي و طـول ذراعـي
مـا خـذلت عـينٍ رجـتني بـخيرها و شـرها

إن مـست حـدود الـكرامه لـوحت لـلوداعي
مـحدٍ يـاطى على طـرفي —ولا يـكسر حـجرها

[S'alajmi @ilxsi1]

ماخنتّ عهدك في غيابك ولا يوم
اما انت والله خِنتني في وجودي !

[S'alajmi @ilxsi1]

يوم قسى قلبك ماقسى إلا علي ؟
ويوم جيت تخذل ما خذلت إلا انا ؟

عقب ماكنت في عيوني كل الأمان
ليه صرت الدروب الموحشه كلها ؟

واجد أشياء في خاطري ولاتنقال
عسى الكتمان ينسيني قساوتها .

[S'alajmi @ilxsi1]

هل أحببتني حقًا أم الدنيا رمتني إليك
عوضًا عن أحد ؟

[S'alajmi @ilxsi1]

شرعت لك بيبان قلبي ورحبت
قلت الله الله بقلب شافك أمانه

تركت كل الناس ماهمني الا انت
ضميتك لصدر تباهى بحنانه

علي انا بالذات وشلون مالنت؟
هزمتني وقلبي مايرضى الاهانه

غلطت اني بقلبك تعشمت
وانا خسرت اليوم قلبي ورهانه

من قسوة أفعالك تراني تعلمت
كل الجروح تهون (الا الخيانه).

[S'alajmi @ilxsi1]

ياجابر ياشين البكيه اللي مافيها صوت
هذي والله اللي يمكن تطلّع فوادي

[S'alajmi @ilxsi1]

اللهم إنّا استودعناك بلادنا وأهلها، أمنها وأمانها، ليلها ونهارها، أرضها وسمائها فاحفظها يا من لا تضيع الودائع ،اللهم إنا نجعلُكَ في نحورهم ونعوذ بك من شُرورهم.

[S'alajmi @ilxsi1]

ان كان خلي من العذارى تخير
والله مايلقى من الغيد شرواي

خلوه لاهي وان طرا له يسير
بسترخصه واقول تبشر بفرقاي

كنت احسبه رجال طيب وخيّر
واثره رديً طول عمره وشكاي

حاولت اغير فيه .. لو ماتغير
كنه يقول ان الهزيلات مبداي

[S'alajmi @ilxsi1]

وذخرتك لو انك ماتنذخر في لعب بلوت
وتقدمت بك حدٍ ماهو والله بحدك

[S'alajmi @ilxsi1]

لا تذل النفس دايم وترضى بالنزول 
ولا يجي منّك رخامه و تحريض وريا

مستحيل تحصل العز وتنال القبول 
وانت ما عندك كرامه ولا عندك حيا .

[S'alajmi @ilxsi1]

ما قصرنا بحق احد بس الردي ردي .

[S'alajmi @ilxsi1]

مره ازعلتني ونمت عادي
ومن بعدها ما عاد في قلبي لك « حميّا »

[S'alajmi @ilxsi1]

بكره يدور الزمن وتشوفني بعينك
راضي بفرقاك يوم إنك تجافيني

خذ ما بقى من غلاك وباقي سنينك
دامك نويت الفراق وناوي تخليني

ماعاد أبسأل عليك وأقول وينك
راحت ليالي غلانا يوم تخليني

والحين عفّتك — مابي زينك وشينك
بانت عليك الخيانه وطحت من عيني

[S'alajmi @ilxsi1]

العيب خله لا تجازيـه بالـعيب
راعـي الـردى يلقى لـه ردي يـعله

[S'alajmi @ilxsi1]

العيد باكر أسعد الله ممساك
والله مدري وين خدٍ لمسته

وين انت ياللي عيدنا في محيّاك
كف القدر من ضيقة الخلق بسته

شريت لي ثوبٍ على شان لقياك
والثوب راحت موضته ما لبسته

و شريت عطرٍ ما زهاني بليّاك
تسعة شهور بعلبته ما لمسته ..