لا شيّ

مهما حصل لي ماعلي خلاف»

[لا شيّ @injbrt]

*﴿ اللّهم إنّك عفو كريم تُحب العفو فأعفُ عنّا ﴾*

[لا شيّ @injbrt]

قدلي ثلاث … ايام ماني بهادي
راحت ملامح وجهي اشكال والوان

وان ماحصلي حل يابو حمادي
ولا تراني رايحٍ …في خبر كان

[لا شيّ @injbrt]

من مجتمع نظرررته للعيييب قبل الحرام
جيتك معي نصف دنيا مامعي نصف دين
ㅤㅤ
حبيتك أصدق من النزوه ومن زيف الهيام
و شكييت بأن الهوى من قبل أعرفك يقين
ㅤㅤ
من ضلع أعووج لكن الحظ معك استقام
العمره مره . . و انا عشته معك مرررتين

[لا شيّ @injbrt]

أشرب من دلتك لو كلها سم
ما أهز فنجالك ولا أقول كافي

ما دام من يمناك وتقول لي سمّ
بسم الله أشرب كل سمك عوافي

أنت المنى و شوفتك لـ الروح بلسمّ
زدني بعد فنجال و أقوم متعافي

[لا شيّ @injbrt]

مالت شمس الهناء والصفاء إلى المغيب وأضحت التعاسة أليفي والشقاء سميري والعذاب المبرح ألزم إلي من ظلي،

كما قال سعود مبارك:

فالحنايا كل ما هرفت شمس المغيب
واهجٍ لا أحتلت أقوله ولا أحتلت أفهمه

"عن شعور الهقوه تخيب ولا ما تخيب
سامحٍ من ساير الناس طيّب ورخمه"

[لا شيّ @injbrt]

لاشفت عيني قاصره دونك الشوف
لاتحسب اني بالفعل ما اشوفك

انا لاشفت الخطأ منك مكشوف
ألدهاا ماودي انها تشوفك

قل للزمن لامن بغى يدحم كتوف
يدحم كتوفي قبل يدحم كتوفك

وشلون تبغاني أخليك وأشوف
كف الزمن يلوي أصابع كفوفك

لاصار جيبك خالي وعندك ضيوف
حرمت نفسي لجل اعشي ضيوفك

[لا شيّ @injbrt]

باقي على عيد الفطر عدة ايام
ياللي غرامك داخل القلب بارك
كل عام وانت بخير يا خير كل عام
يا عيد قلبي جعل عيدك مبارك

[لا شيّ @injbrt]

« من شدة حبي له وكبر قدره وكثرة غلاه »

ودي كل ماشفته اقول :
" يمرحبا يامبتغى القلب ومناه
يمرحبا يا اغلا العرب وأطيبهم "

وفي صيغة أخرى :
مرحبا بك في مداهيل قلب ما وطاه إلا أنت
يا أغلى من وطى حُبه جالَ قلبي وشريانه

[لا شيّ @injbrt]

باقي على عيد الفطر عدّة أيام
متشفق لـ شوفتك لو هي بـ صورة

العيد لا يعدي مثل عيدي العام
عيد ما أشوفك فيه باهتٍ شعوره

[لا شيّ @injbrt]

حبيبي .. تطمن لا يجفلّك عوق الدرب
أنا درعك الأول عن المدفع الطايش

لا تبكي علي لامت دونك ضحية حرب
أنا قبلها .. ميت بِحبّك و أنا عايش

[لا شيّ @injbrt]

فنجال بعد الفطور يقول :

من يوجعه راسه ترا الهيل .. طبّه
واليا تقهوى غاية . . الراس طابي :)

[لا شيّ @injbrt]

حبيت أبارك لش على شهر رمضان
كل عام وانتيي بسعادة وتهاااني

يازين العمر وياش ياسـيّد الغزلان
غزالةً ذابحتني بصوتها الجاااني

ارفع الصوت واجره وانا حيل طربان
لمن سمعت صوتش لو انه ثوااني .

[لا شيّ @injbrt]

كم شجاعاً ينطح الموت لاثار الغبار
وان دعاه اللي يحبه تجيه ام الركب ..

[لا شيّ @injbrt]

مع اقتراب شهر رمضان حبيت اقولك :

شهرك مبارك يارفيقي والغلا لا زال
والسموحه لاحصل تقصير ولاخطاء .

[لا شيّ @injbrt]

حتى هداياها " هدايا رياجيل "
ماتعرف الا العود الأزرق هديه

_ محمد فلاح القرقاح

[لا شيّ @injbrt]

أنا نجم لكن لي متى والنجوم تلوح
قبل غيبتي لابد ما أستثمر افاقي

عشقت التميز والتميز عمل مسموح
واللي يعذربني علي أنت وش لاقي ؟

إذا جيت اجي وأترك حضوري لا جيت اروح
لجل سمعتي تنوب في فترة فراقي

[لا شيّ @injbrt]

" يروح عام وتنقضي بعده أعوام
ولازال حبك في المعاليق ثابت "

[لا شيّ @injbrt]

"جعل كل سنيني ما تعدا خطاك
جعل عمري الباقي ما يعدي بدونك
أحبك في ختام السنة وفي بداية
العام الجديد .. وحتى نهاية العمر "

[وهّاج @_3jim]

أحاول إنّه مايفصل بيننا فاصل
حتى ولو " ينفصل " راسي من متوني

أشّر على ماتبي ؟ و اللي تبي حاصل
حتى و لو تطلب عيوني " من عيوني "

_ جابر النشيرا

[لا شيّ @injbrt]

اللي معي وأعافرك به "حلالك"
واللي معك: أدري بك بتسفطه ليّ

مدّيت لي عمرك، قبل مَدّ مالك
ولاذخرت من المحبّة ولا شيء

ياما سهرت ومظلِم الليل حالك
كم ليلةٍ ماغمّضت عينك شوي

والله لو أصلّي صلاتك بدالك:
ما أوفيك حقك بالغلا ميّت وحيّ

[لا شيّ @injbrt]

الحالة السكيولوجية:
"حايرٍ كنّي - الـ تكفى - بفم الحياوي
لا غدت حاجته مع شلقةٍ ما بخصها".