ليان

IT student at @CCIS_IMAMU ||

[ليان @ishelayan]

@Andatine فعلًا يقهروني بالحركة هذي، مره طلبت وجبه وما جابوا البطاطس، لما ارسلت لهم على طول رجعوا المبلغ كامل !

اما جاهز مره طلبت مجموعة جسم ونقص الكريم فكلمتهم وعوضوني بسعره لحاله لكن خلوني اضطر اطلب مره ثانيه وادفع سعر التوصيل ب ٢٠ مره ثانيه بعد، لذلك زين وموب زين 🤣.

[ليان @ishelayan]

@Andatine جيتك خاص 🏃🏻‍♀️‍➡️🏃🏻‍♀️‍➡️

[ليان @ishelayan]

بنات احتاج وحده سريع سريع بستشيرها بأمر !

[ليان @ishelayan]

@Florist_Ha ماشاءالله تهبببللل 🥹🥹.

[ليان @ishelayan]

مير الي عندهم خبرة ب linkedin، أحتاج مساعدتكم 🫣.

[ليان @ishelayan]

في شيء بخاطري جدًا،
وعارفة إن ما راح يهدأ لي بال إلا إذا صار معي !

أبغاه بشدة لدرجة اللوعة، مستعدة أثور وأكسر وأدمر كل شيء لأجل الحصول عليه، لكن شكله مو مكتوب لي…

خيييرة يا ليان خيييرة !

[ليان @ishelayan]

@eveeye_e يا حلوك حلوااه يا إيلاف 🥹،
أدام الله محبتكم وألفتكم 🤍🤍.

[ليان @ishelayan]

ياشين الشخص إذا تعدّى حدوده 🫠.

[ليان @ishelayan]

@babitybo 🤣🤣🤣

[ليان @ishelayan]

@Sarah_Early_Ed والله لاحظت الامهات الي حولي لما اطفالهم يسوون هالتصرف يرفعون الشيء وخلاص اذا ما تبيه كذا طق راسك بالجدران 😬.

[ليان @ishelayan]

@ll00bj البني، دايم الكبار يحبون الكلاسيك.

[نورا الطوالة. @Ladynour_]

أجدُ في إقبالِك انشراحي من دون أن تلفظ لفظةً واحدةً، فنظرة منك كافية لتُوقظ شعور الانتماء بيننا كأننا بحرٌ لا يتجزَّأ، فسبحان الذي جَنَّد الأرواح من دون اجتهادنا.

[ليان @ishelayan]

يُضاف لهم أيضًا (غُصن الزعفران)

طبعًا الزعفران ما له غصن، لكن خال ماما خانه التعبير ما لقى إلا هالاسم يدلعني فيه، وصدقًا جاز لي! 🤣🌷

[ليان @ishelayan]

مهما كثر دلعهم لاسمي أو وصفي، ما ياخذ قلبي إلا ليون وأم العيون الكحيلة !

ويضاف لهم الآن سيدة اللين 🤍.

[ليان @ishelayan]

@MeToMePriMa عندهم اجازه بس يذاكرون !

[ليان @ishelayan]

@Andatine ياحلوهم حلوووواه 🥹🥹، الله يسعدهم !

[ليان @ishelayan]

أكثر ما يؤلمني أن أكتشف أن أحد أحبّتي حزين،ولا يشاركني أو يفضفض لي،لأنه يعرف مدى حساسيتي واهتمامي،ولا وده يزعلني.

وقتها أشعر بحنق شديد، وتزداد ضيقة صدري؛ لأني أدري أنه يعاني،ولا أقدر أسوي شيئ،ولا أعرف حتى وش السبب،

طيب تعال واجلس معي ونصيح سوا،خلني أحس أني أحتوي الأمر ولو شوي !

[ليان @ishelayan]

قبل فترة كلمت صديقتي وقلت لها إني مشتهية وبخاطري أجرب الدولمة العراقية !

وتعبت وأنا أدوّر أحد يضبطها مثل العراقيين، فقالت إن خالتها تسويه فطلبنا منها، لكن للأسف اعتذرت بسبب ضغط الطلبات،،

من بكرا أرسلت لي خالتها ورق عنب، عشاني أحبه 🥹🥹.

[ليان @ishelayan]

كل ما أكبر كل ما أستوعب إني نسخة أنثوية مصغّرة من والدي، حتى الجانب المهني اكتشفت إني أرجع لمهنة والدي، رغم إنه ما كان يتحدث عنها،لكن طلع شغفنا واحد، واهتماماتنا وأفكارنا حتى طريقة إدارتنا للأمور، سبحان الخالق فعلًا اللي ورّث ما مات

دعواتي إن أطفالي أيضًا يكونون نسخة مصغرة مني !

[ليان @ishelayan]

كبرت وأنا دائمًا أسمع مدى التشابه الكبير بيني وبين والدي، وصدقًا كنت أحسب مقصدهم تشابه الملامح، لكن طلع تشابه الصفات والتصرفات أقوى بكثير !

أحد أفراد العائلة جاء واستشارني بموضوع حساس قليلًا وأبديت رأيي، إلا أشوف وجهه كذا 😳 وقال: أنتِ متأكدة ما سمعتي كلام ابوك بالموضوع ؟

[ليان @ishelayan]

لا والله أصلًا ما دريت إنك فتحت الموضوع معاه!
طلع كلنا أنا ووالدي قلنا نفس الجملة تمامًا، رغم غرابة وجهة نظرنا، بمعنى إن رأينا ما كان يخطر على بال أحد آخر 🤣.

ضحكت كثير لأنه فعلًا لما جيت وقلت هالجملة كنت متأكدة إنه بيستغرب وجهة نظري وشلون فكرت كذا، لكن طلع والدي مثلي تمامًا !