me and other things 💤🖤

مجموعه قصائد نالت على اعجابي✍🏻

[me and other things 💤🖤 @its_mtx7]

مع الوقت ستعرف حكمة الله في كل ما حدث لك، ستعرف انه كان ارحم بك من نفسك..

[me and other things 💤🖤 @its_mtx7]

يازين الحظوظ اللي رمتني على مرماك
عنودٍ تقود الصيد ، واليوم منصاده

لا تستغرب اللهفه على ضحكتك و رضاك
رضاك السحاب وضحكتك صوت رعاده

تمادى علي أكثر مدام الغلا ولّاك
لك القلب منقاد ولك النفس منقاده

[me and other things 💤🖤 @its_mtx7]

أنا في خاطري حاجه ولا ادري وش ابي بالضبط
و لاني قادر أكتمها . . و لاني قادر أبديها

متاهه داخل اعماقي بحـر حيره بليـا شـط
خذاني موجه العاني غـدا بي عـن موانيها

أنا مدري . . مكاني فوق ولا تحت ولا وسط
أسوق الرجل وأتبعها وأقول ( الله يسويّها )

[me and other things 💤🖤 @its_mtx7]

من محطات الليالي و دورات الفصول
أنتي أصلاً في حياتي محطه .. فاخره

مابقى للحب عقبك على صدري ميول
كل عرقٍ ينبض الحب لجلك .. ذاخره

لو يرد العمر والله يالظبي الجفول
لـ أعشقك من أول العمر حتى آخره .

[me and other things 💤🖤 @its_mtx7]

يكفيك .. من قلّة إحساسي وتعبيري
ما قلت لـ أنسان قبلك جعلني قبلك .

[me and other things 💤🖤 @its_mtx7]

تهادى على مدّ النّظر وجهك المآثور
تجوع العيون أحبابها، كيف ما أجوعك؟

تمنيت أشوفك لو وراك الدروب عثور
قبل لا يفزّز راكد الساهرة روعك

تفيض الصدور ويخلف الشّور راعي شور
ولا لي جدى في صدتك، أوْ فـ رجوعك

وتمرّ الهقاوي بين ليْل الحكي، والنّور
وأنا ما معي غير أنت، واسمك، وموضوعك.

[me and other things 💤🖤 @its_mtx7]

اتصدّد عن عيوبه وبالي مستريح 
كل غلطه تعترض لي منه صلّحتها

بس جاب مطمة ٍ ماوراها الا قريح
الهقاوي فوقها ، والسموحه تحتْها .

[me and other things 💤🖤 @its_mtx7]

كارهٍ قصيدي فيك .. لكن الغريب
ما تطاوعني يديني ، على تشقيقها

ليه روحي ماتعافك وظني ما يخيب ؟!
والأماني في عيونك .. طفى بريقها

ممكن أحيا بعد فرقاك وجروحي تطيب
لكن الدنيا ماراح أشعر بتشويقها

كيف أبادلك المحبة ؟ وأقاسمك النصيب
وأنت حتى ضحكتك لي .. ماعاد أطيقها

عبدالعزيز العبلان

[me and other things 💤🖤 @its_mtx7]

ختام السالفه ياطيب العشره كرمت ودمت
هذا حقك علي وحق شرهاتي على أوهامي !

[me and other things 💤🖤 @its_mtx7]

ماعاد فيني أوقف لجل أوقف وأطيح
عندي بقايا ملامح بحفظ أوقارها

أخطيت بس الخطا كان بعيوني صحيح
وكل الخطايا بريئه قبل تكرارها

[me and other things 💤🖤 @its_mtx7]

الخلاف كان بسيط بس في شي كان مدفوُن ..

[me and other things 💤🖤 @its_mtx7]

احياناً يكون الغلط منّك لأنك
عوَّدتهم انك دايمًا راضي بكل شي ..

[me and other things 💤🖤 @its_mtx7]

يعذبني شعور أن الشعور أحيان ما ينقال
وشعور إني على وعر الطريق أحيان منسيه

[me and other things 💤🖤 @its_mtx7]

مع ان المبادي مالها شي في مخباي
انا كل يوم .. "ادفع ضريبة مبادييّ "

[me and other things 💤🖤 @its_mtx7]

مداعبة وجهك امن و امان و أفراح و سلام
فيه لـ شتات القلب مأوى و لـ رحيل البال حِل
ㅤ
علمني إن بـ كل حاجة تستحق الإهتمام
أخذ و خل إلا بـ وجهك في أخذ مافيه خّل
ㅤ
مالك شبه و أشباهك أنت الأربعين من الغمام
في لفتتك كم غيمه تسافر و كم غيمه تطل :)

[me and other things 💤🖤 @its_mtx7]

مشاعر لها في كل موقف سلوك
غالباً كل لحظات القلق مُربكة

للهُدى درب ما حوله تدور الشكوك
أعْرف أنّه هُدى لكن عجزت أسلكه .

[me and other things 💤🖤 @its_mtx7]

من البارح وأنا بين الكلام وصمتي المعهود
أحرر لك عبارات المعاتب وارجع اسجنها

حبيبي يا أكبر أطفال المشاعر واخر العنقود
تحت عيني كبرت و وسط قلبي تامر وتنهى

ما حزّ بخاطري غير الكلام الجارح المقصود
لو إنها رميةٍ من غير رامي ماعليّ منها .

[me and other things 💤🖤 @its_mtx7]

"وزّعي عمري لك اخوان وقرايب
بس لا تشكين .. من قولة وحيده"
- سليمان المانع

[me and other things 💤🖤 @its_mtx7]

"محد قدّك إلا قدّك المترف الميّاس
وشقارٍ يدينك تجمعه وأرجع أثرّه

دخيل الوساع اللي تناعس بدون نعاس
ترفق علي إن كان ماهي بمضطره

وش أهديك غير الشعر وأنتِ عريبة ساس
ولك جدّ يُرجى خيره و يتّقى شرّه

ما أجيب القصيد الجامد اللي بدون احساس
أجيب القصيد اللي يخليك منغرّه"

[me and other things 💤🖤 @its_mtx7]

سولف فديتك وفضفض لي وانا منسجم
مع نبرة الصوت ذوبت أذني الصاغيه

يضيع الأسلوب و تصير المشاعر عجم
هداوة اجواك ما يسمع بها لاغيه

فرصة حضورك لها هيبه وثقل وحجم
قبل اتمعن مفاتن حسنك الطاغيه

ما أشوفك الا قمر ساطع ولمعة نجم
عليك بِسْم الله من الأنفس الباغيـه

[me and other things 💤🖤 @its_mtx7]

"ياربّ صحائف مليئة بالعفو والمغفرة
وصحائف مُطهرة من الذنوب.🤎"