#اقول:
قبل تستبدل ايدين الغرام الحانية بجروح
وتستسهل مدا صبري الحليم وتشتهي غدري
فقدتك صح لكن ما ترك لي جرحك المفتوح
حنين إلا يوريني مساومته على قدري
تهنى فالحياة الناقصة يالناقص المملوح
عليك أنت و على الأيام يا كثري ويا ندري
عَفى الله عن كلامٍ في حنايا الصدر ماينقال
تركته للزمن لو هو ثقيل و جمرته حيّه
وعَفى الله عن همومٍ ما تخلي مستريح البال
يعيش أيام عمره في صفا ذهن وصفا نيّه
وعَفى الله هواجيسٍ توقف بي على الإطلال
تعيد الذكريات اللي مع الأيام منسيه
درب المحبه في بداياته إعجاب
وياما من الإعجاب حنا بدينا
واثر الزعل ياتي ولا توجد أسباب
فجأه زعل وفراق ثم انتهينا
ودام المحبة كلها جرح وغياب
حناً عن دروب المحبة سلينا
ما نطق باب اللي قفل دوننا باب
يموت حب وبالكرامة حيينا
لإني أرفض اكون مَحطة عبور
ولا أفك شراعي في بحر ما فيه مرسى
تقول إني بارد .. ومافيني شعور
وتقول اني من الحجر .. أقسى !
ماني من اللي تمر عليه مرور
ولا اللي تجيه اليُوم .. وبكره تنسى
أنا الدايم أنا الحاكم أنا الدستور
أنا ومن بعدي كل من أصبح وأمسى
أصدق كلام اللي تقوله العين ، العين مَ تكذب
ولا تقدر تلف وتدور ، المشاعر اللي نخشهاا
بالكلام تفضحها العين .
على سياق ذالك اقول -
أنت لو تدري عن شعوري اتجاهك
تترك الدنيا على جنب وتجيني
لاتندفع مع شخص يشوفك بديل ' اللعوب لايستحق مشاعرك الصادقه
لذلك يجب عليك الاقتداء بفوضوي عندما قال :
من يوم ماشفت فيها ميلةٍ و إنحراف
خليتها للذيابه / والذياب تعوي :)
الايام ظلما و الليالي عديمة راي
مشاويرها حرمان ودروبها حرة
خذت مني أغلى ما تمنيت في دنياي
وخلت لي اللي ما تعوذت من شره
أنا بخير والله لو معي " ذاكرة نساي "
ماهي ب الحنين ولوعة الوجد مضطرة
تفاصيل ماترحم وقوفي ولا ممشاي
وجعها يجي ويروح و يعاود الكرة