منصّور

ماحدً جت له الدنيّا على مايريده

[منصّور @iuuu_7]

استغفرالله من كل ذنب استلذيت به ومن كل وقت أهدرته في ما يغضبك، استغفر الله من أمرٍ أغضبني تأخيره وكتبت لي الخير فيه.

[منصّور @iuuu_7]

أهلك لا يعرفون ما تخفيه خارج البيت ،
واصدقائك لايرون ماتحمله معك حين تذهب اليهم ،
القدامي لايعرفون من أصبحت ، والجدد لايعرفون ما كسرك من قبل ، كل شخص يرى نسخه واحده منك فقط ، لا الحقيقه كامله

لذالك قبل ان تعاتب احد تذكر كل انسان:

"يقاتل في معارك لايراها سوى الله ثم نفسه"

[منصّور @iuuu_7]

في صباح العيد لاتطلع ولا احد يشوفك
انت " صاروخٍ " ما يعترضه دفاعٍ جوي :)

[الحاكم @_alhakm]

كان ابو زيد الهلالي يتغزّل بزوجته عليا بشكلٍ يومي،

وفي أحد أيّام حروبه ومعاركه نسيَ أن يتغزّل فقال مُتحسّرًا:

"ضوى الليل ما قلنا بعليا مثايل
يقطعك يا يوم يروح بلاش"

[منصّور @iuuu_7]

قد لي ثلاث ايام . . ماني بهادي
راحت ملامح وجهي اشكال والوان

ذكرني القمري ظبيّ الحمادي
غروٍ سلب عقلي وجنني جنان

غالي وحبه نازلٍ في فؤادي
مستلزم قلبي بخـدرات الاعيان

ان ماحصل لي حل يابو حمادي
والا تراني رايحٍ في خبر كان

[منصّور @iuuu_7]

يقول ابو زيد الهلالي سلامه
الراس من لبس العمامه باد

لا بدّ من جوعاً ولا بدّ من ضما
ولا بدّ من حما عليه اوقاد

نعد الليالي والليالي تعدنا
وحنا نفنى والليال جداد

ياطارد الارزاق هون بطردها
الرزق من عند الااًله يقاد

عديت في المرقاب ٩٠ ليله
وعقبني ابو ليلتين وصاد

[منصّور @iuuu_7]

انتي احلامي وانا ماني مخليك
ماني ضعيف يوم اخلي حلالي

[منصّور @iuuu_7]

معربة منسب ، من أفضل طايفه
تقول ما فـ العالم .. أحدٍ قدها

لو جدها أرسى من الجبال النايفه
جمالها ، أجمل من جمايل جدها

والله .. ما كيّف قلبي الا ، الكايفه
اللي جميع الناس تخطب ودها

تمشي شوي شوي .. كنها خايفه
تطيح ، ( حبة خالها ) من خدها

[منصّور @iuuu_7]

ودي استأذن تركي الفين وأخذها منه و اسميها قصيدة عمر "الـ ٢٨ عام"

أزل واقول انا توي بسن الشباب
واليا نصحني محب اقول توي صغير

ما كنت احسب لوقتي والليالي احساب
ولاكنت افكر وش اللي في زماني يصير

الا بعد ما نصفت العمر والراس شاب
وفقدت من ربعي الادنين جمعٍ غفير

[منصّور @iuuu_7]

مردده ماشامت إلا لـ دندون
ومعربً ماحب غير المعّرب

أنتِ بتريوت المزاييّن بالعون
محدً يناطح زيّنك ولا يقرب

[منصّور @iuuu_7]

خاطري في سجةٍ ماهي قريّب
مع خويٍ مايخاوي كل ماشي

أبلجٍ راسه من الدنيا مشيّب
غاسلٍ راحة يده من كل لاشي

ياوجودي بس لو اقدر اغيّب
غيبةٍ تجلى الكدر ولاّ بلاشي

[منصّور @iuuu_7]

اصبر على ماجاك من وقتك اللاش
واستو على الشدات راعي عزايم

وأخف الضرر واياك تبديه للواش
يشناك عند الناس قاعد وقايم

وارفق على المال الذي منه تعتاش
خله عن العازات يغنيك دايم

والمرجلة لو هي على الهون تنحاش
حاشوا لها حتى العفون الخمايم

[منصّور @iuuu_7]

ان كان تنشد يابن عمي عن الشيب
الشيب عانه يابن عمي برأسي

ياما تحملنا برود ولواهيب
نبحث عن العليا ونكب الطفاسي

[منصّور @iuuu_7]

والله اني ما أتردى و لا أحب القصور
وأتجاهل كل من هو ضعيفّ ومبتلي

رافعتني عزة النفس .. لحد الغرور
الثقه بـ النفس لأعلى مكانٍ معتلي

لا دعو لي والديني .. بـ تيسير الأمور
ما علي من باقي الناس لو تدعي علي

[منصّور @iuuu_7]

الحياه اصل المشقّات و الدنيا ممر
تعطي الانسان ليله .. و ليله تحرمه

لو تعيش بدون ما تذوّقك دنياك مرّ
وقتها بيمرّك الحلو .. ما تستطعمه

[منصّور @iuuu_7]

البوك ما فالبوك غير البطاقات
والخشم ما فالخشم غير الأنافه

يالله بشيكٍ دون طلبه ولا هات
أصفاره أطول من رقبة الزرافه

أنا نظيف الا مع المال بالذات (:
دامه وصخ دنيا ما احب النظافه

[منصّور @iuuu_7]

عدو نفسه يحسب أنه عدوي
مسكين والمسكين ما نلحقه لوم

ما طالني ولا تطاول سموّي
يطيح دوني عشر مرات ويقوم

[منصّور @iuuu_7]

صباح الخير لكل طيّب،

أمّا بعد،

انا بديت يومي بأبيات مطحس بن حمد:

الضعافه وش ودت وجابت للضعوف
غير صبرٍ ما يواجر وهمٍ ما يزاح

الفشل لا تجعلونه ذريعه للوقوف
هو تراه أول مراحل محطات النجاح

ما يعديك المهونه و يلحقك الشفوف
غير ممشاك بـ شجاعه وعزمٍ من كفاح

[منصّور @iuuu_7]

أنت ياللي كل ما هزّ المحاني طيفه
جرّني طاريك من ربعي ومن جلاّسي

كانك اللي فالمحبه موجسٍ له خيفه
والله إنّي بين لوعة خاطري وعماسي

كل حبٍ غير حبك ينكشف لي زيفه
وكل طيفٍ غير طيفك مايهزّ إحساسي

وكل وجهٍ غير وجهك فالوجيه اعيفه
وكل صوتٍ غير صوتك ما يقنّد راسي

[منصّور @iuuu_7]

محدً لمح في عيني الضعف والياس
على كثر ما اقبل زماني ودبّر

ان زانت اوضاعي تواضعت لـ الناس
و ان شانت اوضاعي بديت اتكبّر

[منصّور @iuuu_7]

ماهي بدايم دوم سرّه وقرّه
لابد محورها على الكون يفتر