جميل العبدان

‏‏‏‏‏‏‏‏‏‏من عشاق الشعر الشعبي ومتذوقيه وعاشق للاتحاد حتى النخاع

[جميل العبدان @jaf511]

هل تتذكر متى انضممت إلى X؟ نعم أتذكر! #الذكرى_السنوية_لانضمامي_إلى_X

[فارس السميري @vv_851]

من مروَد الاثمد على خدّر الخود
ليل(ن) يزيّنه القسا بالنعومه

يا ليت لي قلب(ن) مشبّب ومسعود
ويصدّ عنه و لا يجدد همومه

طاويه سرحيّ(ن) له ايام مفقود
تعد له دورات الايام يومه

ينفخ هوا داره مثل نار الاخدود
وتبين في وجهه لفايح سمومه

يا ما تعشّا بنت ناقه ومفرود
واخلا مراحين الشواوي هجومه

يضوي على الحاشي وراعيه موجود
وام الحويّر تنفره ما ترومه

تفصيل حال اللي من الهم ملهود
عنه القلوب مرسّنه و امخطومه

ان قمت قام الحظ مع كل مجهود
وان طحت لـ عيال الرياجيل قومه

على ضياع العمر مانيب محدود
مادام لي في ساحة الحرب هومه

ما كذّب سلاحي من الماص عبرود
قبل الغزال اللي رمتني سهومه

من علّق الهقوه على عيونه السود
ما ذاق منه الا عذاب(ن) يسومه

عدّيت له صايد و حوّلت مصيود
منه الضماير والضلوع امهشومه

ابغاه يرفا الحال لـ علّه يجود
ومن العطا يمنى البخيل امحرومه

الطيب في سلم المحبين مجحود
واللي يحب الغيد محدن يلومه

انا طليق يدين في قلبي قيود
ماعاد له عن وحشة الصدر حومه

ادق سلف الجيب والدرب ممدود
والنفس صلفه والهقاوي حدومه

جيب(ن) دفعنا له من المال منقود
بـ اسراف و يدين الكريم امخرومه

اليا نشب في سعره قليّل الفود
حنًا نخلّص قيمته ما نسومه

نبا نوسّع به مدى خاطر العود
ينساح باله لين ناخذ علومه

اما ربيع(ن) بين حايل وابا الدود
والا مصيف(ن) فالنماص وتنومه

ولا نصينا به مداهيل و عدود
لا مرّها المكسور قوّت عزومه

يسري بـ ليل(ن) تنقره نسمة النود
تنزل ملايكته و تطلع نجومه

يصبّح الظهران والعالم رقود
ضلع(ن) على سيف البحر فيه زومه

يلقى اعلوّ الرابيه بيت داوود
ماهوب بيت الا وزارة حكومه

ينصونه الشرهين زوّار و وفود
ويمره المحتاج يقضي لزومه

يقبل عليه امن الزعل غيضه يزود
ويقلّطه على كرامة قدومه

شيخ(ن) طويل ذراع و معرّب جدود
تلوح ف ارقاب المواقف وسومه

ورّد ضماي الجم و الجم قرهود
كنّي من المعروف لابس هدومه

ان كان لـ الطاله مواثيق وعهود
ما تعتمدها الا مضارب ختومه

ابوه قدامه على الطيب محسود
عود(ن) يديه اعن الرخوم امعصومه

الله يطيّب قبره ب جاوي العود
دعوة ملبّي في نهار(ن) نصومه

#فارس_السميري

[محمد دخيل القثامي @mda9595]

انتي خليط مْن التّرف ومْن القراح السلسبيل
ومْن الشّموخ اللي تسامى بك وكفّك تزرعه

وانتي قصيده مابَعَد مرّت على بْحور الخليل
البَحْر مالح وانتي مْن اعذب نَهَر متفرّعه

وانتي وريثه من تخطّ المجد بالسيف الصقيل
وانا وريث اللي على عرش الفخر متربّعه

اخذيني اللي لو تميل الناس روحه ماتميل
الاّ لِوجْهتك الوحيده فالجهات الاربعه

واخذيني اللي ماذخر دونك كثير ولاقليل
يدرى غلاك مْن العيون وحافظٍ سرك معه

#بس_اقول
#فضفضه
#بوح_آخر_الليل

[خالد عون @khalid_oun]

ألا يالله وان تغفر ذنوب اللي عصاك وتاب
كسيرٍ عند بابك وأنت راعي الجود والمنّه

قصيدة وأداء مؤثر الله يصح لسانه ويتقبّل دعاه..

[بالفُـصحى @Blfosha]

حملتُ حبَّكِ في عيني كما حَمَلَت
دفءَ النعاسِ وعُمقُ الليلِ عيناكِ

كأنّكِ الكونُ، لا شمسٌ ولا قمرٌ
إلا يدوران في آفاقِ دُنياكِ

[ساره الجهني @s_aljehanii]

مهما بنيتوا أسواركم عالي السفح
ما تمنعون الشمس تشرق عليّه ..

[محماس @Al_ruwqi_511]

ياحبيبي يوم اسج مع العرب و ادوّج
غبت عني و التهيت ولا حسبت حسابي

صاير وضعي بعد ماغبت وضع مروّج
لو قدرت امسك دموعي ما مسكت أعصابي

تدري انك بـ افخم أنواع الوصوف متوّج
ومتربّي بـ الدلال و بـ الجمال و رابي

من نحرك المستقيم لـ خصرك المتعوّج
والعيون الخادره والمبسم العناابي

والشعر على علو الردف يوم يموّج
كنّه امواااج النصي في موقع ٍ متغابي

نظرتك تخلف مسار العاقل المتزوّج
كيف ما تخلف مسار الجاهل العزابي :)

- جراح العتيبي @AL___9999

[د محمد المقرن @DrMohmdAlmogren]

وتُراقُ في #الأضحى الدماءُ تقرّبا
ودمي بحبك في الضلوعِ يُراقُ
.
قد كان تلَّ إلى الجبين حبيبه
فأتاهُ بالذبحِ العظيمِ يُساقُ
.
وكذاك قلبي إن أرادَ فراقكم
يأبى الهوى أن تُنحرَ الأشواقُ
.
إنْ كان تُهدى في الصباح لحومُها
فهديّتي في صبحك الأحداقُ

[جميل العبدان @jaf511]

@khalid_oun @mo7amed_3odah @nasser_manqarah استضيف ذا المجرم ترى لا يقل ابداع عن اللي قبله 👆👌

[جميل العبدان @jaf511]

السلام عليكم
هذا المعرف في التكتك يقوم بفتح بثوث يومية لاشعال فتيل الفتنه بين ابناء الوطن واثارة النعرات القبيلة بين ابناء القبائل ببث سموم العنصرية المقيته والزمن الماضي الذي قبل تاسيس الدولة واتمنى اتخاذالاجراءات اللازمه معه
@ppgovsa
@kamnapp
@media_ksa

[نــوت .. ! @11noot111]

..

يبلّ الرّيق وَصـْلك .. يا عدّو الضيق
و بِك تِزْهر .. مَرَاتع قلبي الخَجْلا

..
@11noot111
..

[العنود الواصليه @anoudfaraj]

الناس منهم مخاوف وانت منك الآمان
تشبه شعور السكينة و انشراح الصدر

بين الشهور الطويلة مثل شهر رمضان
وبين الليال الفضيلة مثل ليلة قدر

[عتيم @ciiz67]

يامجمول .. فـ بحور الشعر ماني بـ كداد
انا من يحفظ الشعر مثل ..  اسمه السامي

اشوف القصيد اسمى من إنه يكون مراد
اذا ماكتبته ؟ .. لجل اخلدك فـ ايامي 

ليا جبت لك ! .. فرديةٍ من خيار الضاد
ماجبت الكلام اللي يوصف لك هيامي

دوافع محبتنا لازاد " الوله " تزداد
سببها اشوفك : وين مارحت قدامي 

ماحصلت من يشبه وصوفك فـ كل بلاد
لو احصل ابهامٍ .. مثل بصمة بهامي

مزاياك ، ماتنعد . . لو نعدد الامجاد
فتاريخ ( ربعك ) يوم صيخ الوغا حامي 

طبيعة جمالك .. دايمٍ يملك استعداد
يطور من ابداعي قبل .. ينعش إلهامي

تكبر على غيرك .. وذا غضتهم وش عاد ؟
يحامي " جمالك " منت محتاج لـ محامي

سواد ( الوساع ) يشتت الحزن لامن ساد
هو اللي يقديني .. ليا ضعت : بـ اوهامي

عسى الله يجمعنا !.. قريّب بلا ميعاد
مثل ماجمع في وجنتك " نجدي وشامي "

ترا العاشق اللي : ينتظر ساعة المعواد !
هو الضامي اللي " لاذ"  فـ مورد الضامي

لاتجرح فوادي .. صار جرحك على المعتاد
تبي تجرح صيامي ؟ .. تعال اجرح صيامي

مع إن نظرتك لاجيت : لك نظرة استنجاد
اشوف إندفاعي .. يجعل وصالك إلزامي

لو نقول : تحقيقك .. مايسوا تعب وجهاد
اجل ليه ؟ خدك " وردي " اكثر من احلامي

- عتيم

[سداح العتيبي @saddahalotaibi]

القريحه ملّت وخاطر الشاعر معيف
شابت لحونه ومن شاب مايرجع صبي

دافن ٍ في مقبرة صدري الحسّ الرهيف
يا عسى يبعث ويشهد لصبري وتعبي

ويش اسوّي في طواريك يالقلب النظيف
طيعني واستغفر الله .. وصلّ عْلى النبي

كل ما صادفت لك ريم في وادي ثقيف
همت بالوادي وغنّيت لعيون الضبي

ما ذبحني غير من كان لي نعم الوليف
يا الحسافه دوك دمّي وسمّي واشربي

من رمى ملحي وعيشي على حيد الرصيف
حافظ ٍ له عشرته مثل حفظي لشنبي

ادري ان الكحل ما ينفع عيون الكفيف
ليه اعاتب مذهب ٍ ما يشابه مذهبي

وادري ان المجتمع فيه خلق الله لفيف
ترجح بفرق المبادي ماهو فرق العبي

المصالح ترفع اللاش وتعزّ الضعيف
كبّرت للناس حجم المغفّل والغبي

رجّعت روس المطاليق للصفّ الرديف
والمهابيل احجزوا مقعد الـ V I P

وحدتي في بعض الاحيان ناتجها كليف
من يعوّضني تكاليف ماهي بسببي

كيف اهاجر عنك يا كوكب الارض المخيف
ودّي ارود الفضاء واتخيّر كوكبي

[جميل العبدان @jaf511]

@hamad11199 @mbinaltheeb لله درك ياحمد ليتني قريب منك واسلم على خشمك كفو ثم كفو

[رزان 🇸🇦 @AlRazanKSA]

تشرّبت الغياب إلين في وجهي نبت أغراب
ودلّيت الدروب إلّا دروب أشاركك فيها

تعنّيتك وشرهاتي بسيطة والأمل كذّاب
رسمني معْك في صورة أهل والضحك ماليها

على شبّة وله ناديت : يا أول وآخر الأحباب
بموت إن جا على بالك حياتي فيك تنهيها

كأن سادس حواس الناس فيني دقّت الأبواب
وصحّت خوفي وخوفي صدوق ايعرْف تاليها

ضمر زولك بعد ما كان فارع يشبع الأسياب
ودقّت ساعة العسرة يارب استر خوافيها

أحسب إني تداركتك واثرك سيّد الغيّاب
سحابٍ مرّ ما أمطر نسته الأرض ونْسيها

#alrazan

[بالفُـصحى @Blfosha]

ما ضَرَّ سَاكنُ قلبي حينما بَعُدا
لو أنّه في دمي أو في الحَشا رَقَدا
أَهاجَهُ البَرْقُ مِن أشجانِ مَوْطِنِه
مَنْ يَسْكُنِ القَلبَ لا يَبغي بهِ أَحَدا
ما ضَرَّ لو هَجَروا فينا مواطِنَهُمْ
وا لوعةَ القلب! إنَّ الصَّبرَ قد نَفِدا
ما لِلأَحِبَّةِ لا يَرْعَونَ وُدَّهُمُ
لِمَنْ تَعَلَّقَ حُبًّا دائمًا أبدا

[سيف السعدي @_saifalsa3di]

يَا رَبّ جَنِّبْنَا دِرُوْب الْخِطَايَا
وِاجْعَلْ مِسَاعِيْنَا إلَى قِرْبِكْ دْرُوْب
وِاسْتِرْ عَلَيْنَا يَوْم نَاتِيْ عَرَايَا
لاَ بِرْدِةٍ تَسْتِرْ عَلَيْنَا وْ لاَ ثَوْب
سيف السَّعْدي

[ضيدان المريخي @dhmuraikhi]

البارحه حل النهار آخر الليل
في بارقٍ على محيا سحابه

تقول مافيها على دربها حيل
يوم اقبلت ترزم بثوب المهابه

يرجف رعدها مثل ماترجف الخيل
حزت طلبها في نهار المجابه

ارخت على الوادي مطرها هماليل
لين امتلى بطنه وفاضت شعابه

كن الشجر يرفع ثيابه عن السيل
مايدري ان السيل كسوة ثيابه

#مباشر
#مركز_جراب

[حميدي الثقفي @HamidALThaqafi]

#النار_فاكهة_الشتاء

محتاج بعض من الحطب هات حزمة
ومن القصيد اللي على شفّ بالي ..

[﮼وارِفَة @warefah1990]

سقى الله ديرة الغالين مزنٍ وابلٍ مدرار
كثر ما ديّمت عيني من الشوق و سقت كمّي

يقولون السما جادت ، يقولون الرياض امطار ..
و احس العشب ينبت في عروقي لا ارتوت أمي

2021🌱