قصـيد - موعـظة

هذا الحساب مختص بنشر قصائد والدي الشيخ : جميل بن سعد الذيابي .

[قصـيد - موعـظة @jamel2saad]

حساب والدي : جميل بن سعد الذيابي العتيبي
@jamelsaaad

[جميل سعد الذيابي @jamelsaaad]

الطيب ماهو بالسوالف والهدوم
فعلً يشرف في المواقف يشافي

الدين والوقفه إذا جات اللزوم
والجود والفزعه ولن قلت ��افي

ورايك سديد وعارفً كل السلوم
وتعطي الحقوق وتاخذ الحق وافي

وكل المراجل ماتجي الا بالعزوم
أما تجي من وجد والا أحترافي

أبيات من قصيده

[جميل سعد الذيابي @jamelsaaad]

طيب المشايخ ما نقيسه بالختوم
والا يقاس بكثر ماعنده رصيد

ينقاس بالفزعه وضدات الخصوم
وعز الصديق وللعداء خصمً عنيد

ورجلً يشيخ بفعل في كل العلوم
ورجلً مشيّخ بالكلام وبالنشيد

وثلاث من وجهة نظر خير القسوم
الدين والجوده وفي رايك رشيد

[جميل سعد الذيابي @jamelsaaad]

ترى المراجل ما تجي الا بالعزوم
والطيب قول بفعل ماهو بالقصيد

والقل ما يمنع كرام عن اللزوم
ولا كل من عنده رصيد أنه سعيد

ناس أغنياء وشيوخ ما تقضي لزوم
لا نافعً ربعه والا ناسً بعيد

وفقير لن جيته وقف قال مخدوم
ولو الحمول ثقال عنها ما يحيد

[جميل سعد الذيابي @jamelsaaad]

يالعبد مهما عشت في عز واعجاب
لك يوم تصبح فيه مرقدك خالي

وتمشي وراس المال مترين بتراب
ما معك من دنياك لوهو ريالي

وتسكن بدارً لا درايش والا باب
ما ينفعك مالك وكثر العيالي

[جميل سعد الذيابي @jamelsaaad]

ترى الرجال أصناف في كل الشعوب
ومتخالفينً في الرجوله الظفر

رجال فزاعاً وطيّب ومحبوب
وان قلت تكفى زاد بالنخوه صطر

ورجال لافزعه والا سداد نوب
وان جات للوقفات والفزعه جحر

فاوصيك بالتقوى ومن ذنبك تتوب
وتصبر إذا جات البلاوي والقدر

[جميل سعد الذيابي @jamelsaaad]

ياللي تحسب الطيب بالبشت والزي
وزود الكرم تصوير ضيفه وزاده

الطيب فعلً يوردك صافي المي
فعلً يجمل يوصل الرجل ماده

وثلاث في الرجال من طيب تكفي
الجود والفزعه وحسن العباده

فافعل فعولً تنفعك ميت وحي
حتى نهار تموت تجني حصاده

[جميل سعد الذيابي @jamelsaaad]

يامحمد الممدوح ياعز الاسلام
أنا أشهد أنك رجل حاكم قيادي

حاكم ولد حاكم والاجداد حكام
وانا أشهد أنك رجل مانته بعادي

حققت أمورً كلها كانت أحلام
وفي كل عام معجزاتك جدادي

وشعبك معك يامير والمجد قدام
وأنا سعودي وافتخر في بلادي

[جميل سعد الذيابي @jamelsaaad]

ياللي تسولف في المجالس وتغتاب
وتعد فعلً ماله أثبات واسناد

أوصيك خلك واقعي واحسب أحساب
ترى العرب فيهم عوارف ونقاد

فاحذر تميدح في المجالس بالاكذاب
وتخوض في أعراض الاجاويد الامجاد

المدح في اللي للمواجيب كساب
جديد والا في القدائم وينعاد

أبيات م ق

[جميل سعد الذيابي @jamelsaaad]

يارب عبدً ساجدً لك يسالي
شاف العمار مع الليالي مدابير

وقصرة خطاه اللي منول طوالي
واللي منول سود راحت مغاتير

وطالبك بالجنه وتحقيق أمالي
وفي كل مجلس دعوةً من هل الخير

وخسران رجلً ما يعشق المعالي
والا ذخر له في المراجل مواثير

[جميل سعد الذيابي @jamelsaaad]

ياعزيز النفس لا تطلب من الدنيا بخيل
كيف تطلب من بخيلً ما نفع قرايبه

أطلب الله ربك المعبود مداد الجزيل
والله الرزاق ربً ما يخيب طالبه

واحتزم باللي يحب الطيب كساب الجميل
مايحسب كل شيً يصرفه في واجبه

[جميل سعد الذيابي @jamelsaaad]

عليك برجال الكرم والشجاعه
اللي لهم بالدين والطيب مشهود

وأعلم يقين وخل عندك قناعه
مافيه رجل بخيل وضعيف محسود

فإن شفت رجل يعذربونه جماعه
تراه محسودً على الدين والجود

فاصبر وزيد الصبر والطيب طاعه
لو كان ما تجني من الطيب مردود

[جميل سعد الذيابي @jamelsaaad]

سبحان علاّم السرائر في القلوب
لو ما نطق عبده يعرف اللي نوى

أحد من أخلاقه ومن طيب محبوب
شيّ من الله فارضه ربي غلىّ

ورجال حبه لجل حاجات محسوب
ماهو�� لجل الله والا هو من حلىّ

وربي يعرفك تحب بقلب والا كذوب
والناس تحسب جميع الحب كله سوى

[جميل سعد الذيابي @jamelsaaad]

كل بابً ينفتح واجب عليك تسده
قبل بابً ينفتح من غير هذا ثاني

وكل حقً للعرب ثابت عليكم سده
لا تحاقر رجل صاحب حق مهما كاني

أطلبه بالطيب والمعروف والا ��ده
ماش حقً للعرب يروح بالمجاني

مايروح الحق غصبا لو تطول المده
دام قايدنا محمد والملك سلماني

[جميل سعد الذيابي @jamelsaaad]

طعن العدى مايعتبر عندي غريب
بيني وبين أعداي مرفوع العتاب

مير البلاء لن جات من رجلً قريب
اللي تجيني ما حسبت ألها حساب

هذاك جرحً ما يداويه الطبيب
يبقى مكان الجرح حتى لو طاب

دايم تشوف الاثر حتى لو يطيب
وخطرً على عضون يصيبه بالعياب

[جميل سعد الذيابي @jamelsaaad]

يالعبد خاف الرب في سر واجهار
وخلك صدوق ومخلصً في العباده

واحذر تباهي بالعمل قدم الانضار
ما ينفعك لو كان تعمل زياده

فعل الرياء ما ينجي إهله من النا��
راع الرياء تحرم عليه السعاده

[جميل سعد الذيابي @jamelsaaad]

يالله يالرازق الغفار
العفو واحفظ وطنا دوم

من دونها نرخص الاعمار
ومن مات من دونها مرحوم

ونحب قاداتنا الاخيار
عهدً قديمً وعهد اليوم

وبالدين نفخر وحب الدار
من خان وحده عليه اللوم

[جميل سعد الذيابي @jamelsaaad]

ياراقدين أصحوا ترى الدنيا خدوع
خدّاعةً تلعب على بطن وظهر

تغري البشر بالمغريات بكل نوع
وراحة عمار الناس في مد وجزر

أمن ورواتب في أخر الشهر مدفوع
والوقت يمضي والبنادم ما شعر

واليوم راح الشهر في حساب السبوع
والعام راح اليوم في حساب الشهر

[جميل سعد الذيابي @jamelsaaad]

المرجله كلً الخلايق تبيها
وتجارها وقت المواقيف قله

رجلً يسوق المال والجاه فيها
لو كان راس المال يروح كله

ورجلً على شان المصالح يبيها
ومن شان تطلع صورته في المجله

وصنفً من أجل المصلحه مهتويها
وهذاك حبه للمراجل جبله

[جميل سعد الذيابي @jamelsaaad]

عندي نصائح في بيوتً نظافي
نوصيك بالتقوى وتومن بالقدر

وأوصيك خلك في المواجيب وافي
وتوبه تغفر الذنب لو كثر الحجر

الا حقوق الناس لابد تافي
دون الوفاء والعفو مافيها عذر

فأوصيك ياللي من ذنوبك تخافي
نوصيك سدد زال باقي لك عمر

أبيات من قصيده

[جميل سعد الذيابي @jamelsaaad]

أيامنا مثل الرحاء يومي تدور
ولا فيه يوم الا وقيل فلان مات

فأخذ العبر من ربعك اللي بالقبور
صلى العشاء معكم وقبل الفجرمات

فاوصيك بالطاعه وفي النعمه شكور
والصبر في وقت المصائب والثبات

وان كنت رجل عندك أحساس وشعور
ماغير تقوى الله وطاعاته نجات