يامعتبر ماعاد اعاين لك بـ عين الاعتبار
حتى اكبر امآلي معك يمكن تطير امع الهوى
احيان للخذلان طعمٍ مثل طعم الانتصار
انا مريضٍ في هواك وصار خذلانك دوى
#عادل_القثامي
ياسلامي ! والكلام اللي على بالي بقوله
بس وين اللي بيسمع كلمةٍ مرّت فـ بالي؟
من يحبه خالقه .. فـ قلوب خلق الله قبوله
شيٍ تشوفه عيوني من قبولي في قبالي
ادري إن الحب لو طاوعته و عشت بْـ فصوله
إن تمادى قلبي بـ غيّه .. تماديت فْـ ظلاَلي
لا دخلته بالسهوله .. ما طلعته بالسهوله
كنّي اللي داخلٍ مجلس معازي��ه خوالي
من صغر سنّي وانا عايش على دور البطوله
لين غنيت الطروق .. وعشت في دوري الحالي
الدروب المجدبه تزهر بـ نظرات الطفوله
ما عرفت إن المحبه طيش قبل البس عقالي
أي خطوه في سبيل القلب ما كانت عجوله
كانت أحلى من وصولي له قبل يصبح حلالي
ليت لذّة فرحتي فـ الشي قبل اوصل وانوله
تتفق مع وقفتي دايم مثل وقفة ظلالي
جعل يسقى يوم احبك تفرحك وانتي خجوله
من كثر ما انتي خجوله صرت احبك في خيالي
كنت اشوفك شي ما يوصف وحلمٍ في وصوله
مجتهد واشيّد آمالي على حالي ومالي
كل ما قيل “ العنب حامض ولا تقدر تطوله ”
قلت ريقك ما بعد ذقته .. واعرف الطعم حالي .
دلال المقام المخـملي .. والجمال الخام
تراود خفـوقي .. شاهرة سيف فتنتها
من اول لقا قبل اربع اشهر وخمس اعوام
وانا خابرن قلبي .. غدا رهن اشارتها !
مظاليلها تسحر .. "بالاغضاي" و "السلهام"
[ وتراقي نحرها .. ي��قع الما بـ حنوتها ]
جـدايل شـعـرها اللي تعطر بها .. الانسام
يـصـيب الـتـعالي "كل نسمة تمثنتها"
مثل ما تـبـيّ�� في يـدين النـسا .. الاوشام
تبيّن "عـروق خـدودها" من نـعـومتها
الاكـثـر غـواية في فـتـنها .. بـ شكلٍ عام
أثر روجـها اللي في طرف "كوب قهوتها"
معاها عـشـقت الليل الاسـود مع الايام
على شان لـونه يشـبه .. للون شامتها
على كثر مالي بـيـت مـشـهور فـ الاعلام
ما صرت افتخر بكتابتي .. لين حبتها
من غـيـابها .. حتى الامـاكن .. ولا تنلام
تضايق ليا قالت : بـجـيها ولا جـتـها
لا شلّت دماغي "فكرة الهـجر" يا زمّاام
من يـديـن همي تنتشلني بـ نِشدتها ..
"علامة غلا" تنهي "علامات الاسـتفهام"
وتحسب "علامة فارقة" في مسيرتها
تحت ضغط شوقٍ يصنع من الحياة احلام
ونـغـم ذكـريات�� .. حيّها شال ميّتها
يطل القمر ولا يغيب .. الظروف احكام
ما يجذب عيوني .. طلةٍ غير طلتها
على الجمرتين اللي ��واقد سلام اسلام
هي اللي بجوف القلب قامت قيامتها
انا مسـتـعد اطيب "شماغي البسام"
لو احط كسرة عود .. من فوق شفّتها ..
على كثر مافي خاطري ياوسيع العرف
ذبحت الكلام بصمتي وثقل خطواتي
تعديت لو ان ظرفي اشوفه اكبر ظرف
تعشى من اعضاي الكريمه معاناتي
هذا غير دمعٍ يغرفه من عيوني غرف
وهذا فوق شيٍ دمره من علاقاتي
تحطم ضلوعي كل ليلة تحطم ، رف
مكانه قديم وفي مهب الهوا ال��اتي
جميل الزلامي
يابوك لا تقلقين من انتفاض الحروب
وانتي شقيقة رفاهيه _ حديثة مهد
تدللي في كنف بشت الحياه الطروب
ما في وطنا لا متخوف ولا مضطهد
حنا ملاذ الدول حنا كعام الخطوب
حدودنا ما تناش ومجدنا ما يهد
لا يمكن نشيل هم الحرب بين الشعوب
مادام قايدنا مسيرتنا ولي العهد 🇸🇦
ان كان مالك في مجال المفخره غير القصيد !
ما اقول غير الله يزيدك .. في مجال المفخرة
حنا فخرنا (بالفعول البيض ) و( المجد التليد )
ولا القصيد يقوله ( العبد ) وتغنيه ( المره )
( اصناف الرجال )
قبل نظم القصيد وقبل بدأ السلامي
ذكر ربي مبدّى والله اللي وهب
وحي ربي مفصل واضحً للأنامي
والاحاديث تروى ف امهات الكتب
عروة الله وثيقة من لزمها لزامي
ما لحقه المشقة والندم والتعب
قالها شاعر الحكمة رشيد الزلامي
آخ من قلب يحمى فوق صال اللهب
فيه امورً كثيرة غايبه ع العوامي
لو عرفت ��لسبب يزول منها العجب
علم اللي مسوي للسوالف درامي
لا يطيل الخصام ولا يزيد العتب
الحرامي حرامي لو لبس له حِرامي
اشهد أنه ضعيف الدين فيه العطب
ما يعزز لفعله غير رجلً حرامي
حتى لو كان دقنه واصلن للركب
به رجالً كرام و به رجالً هلامي
بعضهم راس وأما البعض الاخر ذنب
ما يجيب المكاسب غير رجلً عصامي
ولا يحذف الرجال إلا قليل الأدب
الكفو معتلي شانه رفيع المقامي
لا يحقر الرجال ولا يذم النسب
الدني ما بيثمر فيه شرب وطعامي
لو تشيله بكفك ماء وجهه نضب
مايعيب الجمل سمحان كبر السنامي
مضرب امثال عند البادية والعرب
خصها الله بذكره وضحها والجهامي
والحمر والصفر تش��ه ل لون الذهب
الرتب تحترم مير البلا بالاسامي
ناس تشتالها وإلا تشيل الرتب
من يحوز المعارف للعلا هو يرامي
ما يهمه مديح ولا يهمه لقب
تشرق الشمس ويزيل العتم والظلامي
نجم ساطع و نجمً لا تهاوى غرب
واللي يقرا القصيدة لا يشخّص كلامي
الجرباء ماتصيب الا كثير الجرب
كلمات / صالح الدوسي.
قصيده الشاعر الجزل جميل بن صنيدح الزلامي ضمن حفلنا المقام لتكريم الوزير مبروك مبارك الرشيدي في مدينه #الطائف مساء #الجمعه بحضور وجهاء ومشايخ القبائل بالمنطقة @jem_511
https://t.co/3D5CAqXCVA