عزاز النفوس تعيش ما تقبل التهميش
و لا عاشت نفوس تحاول تهمشها
من يعيش عمره بالمهونه حرام يعيش
نفوسٍ تروم الهيّنه وش معيّشها
ما يمشي بدرب الطايلة من مشى بشويش
و لا يرجع لـ روس الظبا و يتعرّشها
ما جينا على الدنيا ندنّق و ناكل عيش
ليا جات ساعة للظفر و الفخر عشها
سعد السبوق
آتهيّا .. لـ الهبوب الباردة وتهبّ نودك
وانت نودك ماتهب الا بعدها رش صيّب
كل نسمة ساقها الرحمن من مربى جدودك
ما تنفّست بهواها العذب من غير اتطيّب
ماتجود الرايحات من المزون الّا تجودك
مع ذعاذيع النسيم ومع نسانيس الهبيّب .
- عبدالله السراهيد
لو الانسان فالدنيا مخير
ربحنا فأولتنا وآخرتنا
ولو الأرزاق توخذ بالسوالف
قضيتا العمر كله ماسكتنا
ولو الأرزاق توخذ بالغصايب
عصانا في يدينا ما عصتنا
تدابير القدر خيره وشره
تحت من بأمره اصبحنا وبتنا
#خالد_بن_مدعث@5alidmd3th
جابك الله من بعد طول إنتظاري
مثل !.. ما كنت " أتخيّل و أتمنّى "
إبتسمتي لي !.. و جيتك إنتحاري
لين مدري ويش صار و وين كنّا
عن هوى داري معك مانيب داري
كل دارٍ ؟.. نجتمع فيها ( وطنّا )
حدّدي مستقبلي و إخذي قراري
و طوّقيني ( بـ الغلا ) منّا و منّا
القصيد العذب في زينك يماري
ينكتب بك : و يتلحّن : و يتغنّا
و كل ما غنّو " و هزّتك الطواري "
لوّحي لـ الحب : بـ الكف المحنّا
و إنثني على اللحن و الليل ساري
من .. يلوم ( الخيزران ) ليا تثنّا ؟
و إن بدا لـ الشوق في وجهك مواري
و إفطنو بك !.. من دروا فينا و عنّا
كان قالو ؟.. لـ الهوى بايع و شاري
قولي أصلاً وش على العذال منّا ؟
و كان قالو ما بقى لـ العشق طاري
قولي .. أدري " آخر العشاق حنّا "
- محمد جارالله السهلي
يا حلو مدري يا حبيبي يا حبيبي يا حلو
من باب دافع الاشتياق اللي تبي منه اختره
أي والله أحبك و صايبني على حبك غلو
أشد من غلو التزام الدين عقب الهسترة : )
– سعد بن جدلان
يا حلو مدري يا حبيبي يا حبيبي يا حلو
من باب دافع الاشتياق اللي تبي منه اختره
أي والله أحبك و صايبني على حبك غلو
أشد من غلو التزام الدين عقب الهسترة : )
– سعد بن جدلان