5ald

اللهم احفظ هاذا البلد من كل شر يارب العالمين 🇸🇦

[5ald @kl707_d]

@aymakanSa خاص لو سمحتوو

[5ald @kl707_d]

ليش مهملين الخاص ومحولينا على بوت مايفهم على العميل ؟ @Mobily1100

[5ald @kl707_d]

@mcgovsa_care تم

[5ald @kl707_d]

والأغرب أن الموضوع مو حالة فردية. فيه أكثر من 50 شخص في X تكلموا عن المشكلة، غير المنصات الثانية، وغير العملاء اللي ما تكلموا أساسًا.

وهنا أتساءل: كيف ما يكون فيه تدخل من هيئة الاتصالات ووزارة التجارة للتحقق من اللي قاعد يصير؟
يتبع 👇
@Mobily1100 @mcgovsa_care @CSTwithU

[5ald @kl707_d]

الشي الي مصدوم منه للامانه هو ان وزاره التجارة مقدرت تسوي اي شي لموبايلي ! ولا تحل المشكله بس نشوف هل هيئة الاتصالات بتحل موضوعي مع موبايلي وموضوع كثيررر من المستخدمين والا لا ياخي الموضوع بسيط جداً خل الي طلب الجوال يستلمه من الفرع @mcgovsa_care @CST_KSA @Mobily1100

[5ald @kl707_d]

الله يعز STC من تجربتي معهم ما كنت أفتح شكوى إلا ويتم التواصل معي، وما تمر 48 ساعة إلا والموضوع محلول.

أنا ما أبي اعتذار ولا تم التصعيد للمرة السادسة.

أبي حل فعلي ومعلومة واضحة عن موقع الجهاز وموعد استلامه هل هاذا موضوع صعب ؟؟
@Mobily1100 @CSTwithU @stccare_ksa @mcgovsa_care

[5ald @kl707_d]

أكبر غلط سويته إني حولت على موبايلي، وليتني جلست في STC

وأعرف الرد المتوقع على هذا الثريد:
“نعتذر عن الإشكالية، نرجو تزويدنا برقم الطلب على الخاص
أو
“يوجد لديك شكوى قائمة

وحاب أطمنكم من الآن: سبق ورفعت أكثر من شكوى، وتم تصعيد طلبي أكثر من 5 مرات
يتبع
@Mobily1100 @stccare_ksa

[5ald @kl707_d]

يعني شركة الشحن ما استلمت الطلب، والعميل ما يعرف وين طلبه، والشركة ما تعطيه معلومة واضحة عن موقع الجهاز!

حتى تغيير موقع الشحنة ما قدرتوا تسوونه، رغم أن الشحنة - حسب إفادة شركة الشحن - ما تم تسليمها لهم أصلًا !!
يتبع 👇@Mobily1100

[5ald @kl707_d]

طيب والناس اللي طالبة مسبق ودافعة ومرتبطة بأقساط معكممو هم أولى بالأجهزة؟
والرد في كل مرة واحد:
تم تصعيد الأمر.

إلى الآن تم تصعيد طلبي أكثر من 5 مرات، ولا شفت نتيجة ولا حتى تحديث واضح على حالة الطلب.

ولما أتواصل مع شركة الشحن أي مكان يكون ردهم
لم نستلم أي طلب
يتبع
@Mobily1100

[5ald @kl707_d]

إذا عندكم مشكلة داخل الشركة، العميل وش ذنبه يتحمل نتيجة أخطائكم؟

⸻

وفوق مشكلة الطلب، الإنترنت سيئ والاتصال غير مستقر، والآن أواجه مماطلة وتطنيش في موضوع الجهاز.

لكن اللي قاهرني أكثر أنكم إلى الآن قاعدين تبيعون نفس الجوال في الفروع!
يتبع 👇
@Mobily1100

[5ald @kl707_d]

وودي أعرف وش معنى الطلب المسبق عندكم؟

خلوني أقول لكم وش يعني “طلب مسبق”:

إنك تطلب الجهاز مسبقًا عشان تكون من أوائل الناس اللي يستلمونه.

مو إنك تطلب من بدري، وبعدها ناس ما طلبوا مسبق يستلمون الجهاز من الفروع قبلك!!
يتبع 👇
@Mobily1100

[5ald @kl707_d]

أنا مشترك بباقة 400، ومشترك في تطبيقات الأفلام، وكذلك مشتري جهاز، يعني أسدد قرابة 600 ريال شهريًا، وفي النهاية ما أحصل أي اهتمام!

وفوق هذا كله أنا طالب الجهاز “طلب مسبق”

يتبع 👇
@Mobily1100

[5ald @kl707_d]

السلام عليكم ورحمة الله وبركاته،

هذا اليوم الثالث من المشكلة، وكذلك اليوم العاشر من تاريخ الطلب، وإلى الآن لم يتم حل المشكلة.

كل اللي أبغاه أعرف موقع الجهاز، وأنا بنفسي أروح آخذه، والله لو أسافر له. مو معقول اللي قاعد يصير، وهذا شيء ما يرضي أحد

يتبع 👇
@Mobily1100

[ali @rogu098]

@Mobily @Mobily1100
طلبت ايفون 18 ولا وصلني
محد تواصل معي اخر رد رفعنا شكوى ولا تواصلوا معي حتى الغاء مو قادر

[ali @rogu098]

@Mobily1100 محد تواصل من 3 ايام حتى الغاء مو قادر اسوي يعني تقنعني عشان الغي طلبي لازم شكوى

[Bin Matar @Bmatar]

@mcgovsa_care @DHS190 هذا (قد) يعني ان موبايلي تسحب كل هذه المبالغ بلا مخزون حقيقي يوازي الطلبات المستلمة

لو ان المخزون فعلا يطابق عدد الوحدات المباعة كما يدعون فلن يمنعهم شي من تسليم كافة الطلبيات خلال ٤٨ ساعة اين ما كنت داخل المملكة.

لابد ان يتم فتح تحقيق واسع من قبل الوزارة و كشف ما يفعلون

[Bin Matar @Bmatar]

@mcgovsa_care @DHS190 أرجوا التعامل مع شركة موبايلي بحزم

شراء الجوال على صفحتهم سهل و الاسهل من ذلك سحب الالاف الريالات من حسابات العملاء في تواني بعدها الخدمة تتحول الخدمة من سرعة الطلب الى أسلوب مذل للعميل بالانسلاخ من المسؤولية

الطلبية تاخذ شهر أطول من مدة طلب الجوال من المصنع و هذه مصيبة

يتبع

[. @DHS190]

يوم ١٣ بلا اي مستجدات
تم شراء جهاز ايفون من (((( الواجهه والجهه((( الرقمية )) اللي متجرها سهل وبسيط التعامل معه اللي ياخذ طلبات العالم ولا يصدر لا فاتوره ولا موعد توصيل الا بالاشهر!
نأمل اغلاقه
@McitGovSa @MCgovSA @nazaha_gov_sa @Mobily @Mobily1100

[. @DHS190]

@ahmed3zzi @Mobily1100 مستمرين باخذ الطلبات بلا اي حل يذكر من متجرهم الالكتروني السهل الاستخدام والسريع المميز @nazaha_gov_sa @bainah_sa @CST_KSA

[ssss @ssss40784590]

@mcgovsa_care
السلام عليكم
عندي مشكلة مع متجر موبايلي حيث اني طلبت جهازين ايفون متفرقه وتم خصم المبلغ من بطاقتي الائتمانية ولم يتم حتى الان تاكيد الطلب او إرجاع المبلغ كما اني تواصلت معهم ورفعت شكوى ومضى خمس ايام عمل بدون اي رد ارجو مساعدتي أنني متضرر جداً وشكراً