ّ

جمّل الله حالنا و احوالنا

[ّ @l8enl]

يالله عساني على طاعتك متوّجه
الوجهه اللي على طاعتك ترضاها

[ّ @l8enl]

الحمدلله على تمام العمره🤍
اللهم لاتجعل هذا اخر عهدنا في بيتك الحرام

[ّ @l8enl]

أشوفك نور ما بين اليقين و عتمة التخمين
تجي مثل الصباح اللي يصادف موعد اشراقي :)

[جيم @jualraa]

« بين صمت الحليم و بين كثر الكلام
يغترب نادر الأفكار . . وسط بلده »

[ّ @l8enl]

انا على ما تشتهي نفسي و وين ألقى هواي
محد يحرك وجهة شراعي على السبع البحور

[ّ @l8enl]

لو أقدر أسرق نعمة النسيان من ذهن البليد
ماصرت في وجه الظروف القاسيه طلّاب ثار

[ّ @l8enl]

وصلت لاخر مرحله معك وبديت من الصفر
ولازلت اكررها ولا مليت من تكريرها

لو حاويات النفط من شط الجبيل اليا الحفر
طاحت على حظ بدوي مايعرف يديرها

ما اختار عنها الا مغاتير ومجاهيم وصفر
ذود مفليةٍ على مقهورها وبعيرها

لاتزعل الدنيا وتزعلك يالظبي العفر
ان كان ماجازت لك الدنيا ندور غيرها

[ّ @l8enl]

ما عاد ابي عقل الذكي والسياسي
اليوم ابي حظ الغشيم الموفّق

[ّ @l8enl]

اللهم صلِ وسلم على نبينا محمد

[ّ @l8enl]

ودي اجرب معك لذة شعور الضياع
بس اخاف القبله اني ما عاد .. ادلّها

[ّ @l8enl]

حتى الكلام الزين حظ وتوافيق
ما كل واحد في كلامه موفق :)

[ّ @l8enl]

تحت ظل الملوك نعيش نعمه مالها مقياس
ولا ننشد من اللي ناشدً ابوه عن خاله

فـ ظلك يا ملكنا تّزهر اللي فـ التراب يّباس
وتعيش الدار من رؤية ولي العهد مختاله
#اليوم_الوطني_السعودي_٩٦

[ّ @l8enl]

المحبه ماعلى خطها لوحة رجوع
كود لإسرائيل لوحه على خط ضرما

[ّ @l8enl]

شارد الذهن وافكاري تعيد المشاهد
في هذاك المكان اللي تمره وامره

جالس اجاهد الدنيا واهلها واجاهد
وصلك المنقطع وطيوفك المستمره :)

[ّ @l8enl]

ذكريات الراحلين أشد من فرقاهم
من فتح له خانةً فالقلب ماسكرها

[ّ @l8enl]

أستاذنت شمس العصير من النهار

[حمود بن فارس @bn_mq7s]

يا ميّاس من باب الأمل لا تطيع الياس
حبيبك رهن في طلتك حاله .. و ماله

ماجيتك غريب وتايه وطرقي وعساس
انا جيت عاشق حط لـ العشق معداله

لو أنك بعيد أشوفك أقرب من الأنفاس
ولا زال حبك .. فـ أيسر الصدر منزاله

على كثر ماعذبني مفارقك ؟ .. لا باس
مادام الغلا .. لـ الحين باقي على حاله

وصالك هو اللي يحمل الموقف الحساس
و غيرك ما يعنيني بـ فرقاه .. و وصاله

لا صارت عيونك سامحه من وجيه الناس
ملى عينك إللي ناشد ابوه .. عن خاله

ياجعل العواذل .. فدوة عيونك النعاس
و فدا صوتك اللي يعزف الحرف بحباله

وش اللي لعب فيني سوا عودك الميّاس
تثنايته تبري و الأنسام تبرا له

من يهيم عقله فيك يا شمعة الجلّاس
ما يطرد خوى راسه بفنجال و بياله

عذوبة ثلاث حروفك اعذب من النسناس
من الي قدر ينساك و تروح من باله ؟

لاتزعل لو اسمك يكتبونه بدون اقواس
على كثر الاسما مكتفي بـ اسمك لحاله

يموت العتاب بـ حضرة الود و الاحساس
و يعيش الشعور بـ طاري الحب و أطلاله

حدود التباهي بيننا ما لها مقياس
انا لاوصلتك مابعد طالتي طاله

ياطيب الكلام اللي يعبر عن النوماس
ليا قاله اللي لا وقف يدحم القاله

يعيفك من يعيف التنافس مع اكبر راس
ولا عافك الي جا لك " منكس عقاله "

[ّ @l8enl]

الصريح تحذفه العربان في سجن أنفرادي
تالي الأيام قول الحق نوع من الجريمه

يا زمن لا نيتي سودا ولا وجهي رمادي
أنا من قوم تشوف الموت أحب من الهزيمه

يفرقون أهل المبادي عن قليلين المبادي
مثل ما تفرق عن الأحجار , الأحجار الكريمه

[ّ @l8enl]

اللهم صلِ وسلم على نبينا محمد

[ّ @l8enl]

سلام الله وصلى الله على نبينا المرسول
شفيع الخلق في يومٍ يشيب الرأس من هوله

[ّ @l8enl]

كل ما جيت أبنسى معظم الذكريات
جات ذكرى السناب تعد طبلونها