وانا الانسان وابقى انسان قبل ادل ولا اضيع
احس و كل حس احس به يرجع لي انتاجه
عميقات الرسايل مايجي من تحتها توقيع
عط الانسان وجهٍ غير وجهه يقدر يواجه
شعور المقتدر لامن بغى حاجة ماهي للبيع
تراها العن من شعور الفقير اللي يبي حاجه ..
كبار الذنوب تشيلها ذمّة المغتاب
مثل ماتشيل اعلومه العز من صيته
لا جات السوالف من منافق ومن كذاب
اخذت الحياد وساقط الهرج خليته
آجنّب عن الزلّات لو مالها مجناب
وطريق يودي للمناقيد ماجيته
على كثر ماني باتخطرا خطا الاصحاب
لو طويق واقف في طريقي تخطريته
قمت اتلفت فالسنين اللي غدت مني فوات
وامنت بان العمر مهما طال بالدنيا .. قصير
كلٍ يموت وينتهي والوقت يمضي هات هات
ولا عاد يبقى الا الذكر ان كان شر او كان خير
«يارب ما لي ملجأ من صكَّة الدنيا سواك
لو شانت وضاقت علي أضْيق من عيون الإبر
الأرض أرضك والسِّماء بأفلاكها العليا سماك
والمنكسر لا من دَعى بإسْمك من كسوره جبر
يارب أنا عبدك وابن عبدك وراجٍ في عطاك
وعبدك ليا ضاقت به الدِّنيا من إلهامك صبر»