يعرب .

الروح رااحت معاكم لاتخلوني .

[يعرب . @ll6_nn]

خَدَعوا فُؤادي بِالوِصالِ وَعِندَما
شَبّوا الهَوى في أَضلُعي، هَجَروني.

[يعرب . @ll6_nn]

لا صار حظك ردي و الوقت ما يأوي
مناطح الروس خير من مصافحها .

[يعرب . @ll6_nn]

الحقيقة الغير مرئية :

الحب ما زينه غير . . . الوصل والفراق
لولا الوصل والفراق الحب ماله طعم :)

- فراج بن عبيد

[يعرب . @ll6_nn]

و أهني بك عيوني ي ضياها .

[يعرب . @ll6_nn]

كان ذنبك عزت النفس تكفى لا تتوب
جعل ربي مايذل العزيز من الرجال

[يعرب . @ll6_nn]

قادني قلب شاب و ردّني عقل شايب
قبل لا أتوّه فيه .. و قبل لا أروح كلي .

[يعرب . @ll6_nn]

ارشيد عبدالله

لاحتجتني بتشوفني متواجد
انا مسامح غيبتك والصده 

غيري بتلقى في حياتك واجد
وقت الرخا ماهو بوقت الشده .

[يعرب . @ll6_nn]

لاراض بـ عرضها والسما بـ آفاقها
بـ اختلافات الخلايق تفيض وتمتلي

و اخطر انواع البشر بـ اختلاف اذواقها
الوضيع اليا بطر .. والرخيص اليا غلي

كل ما شفت الاوادم .. تخلط اوراقها
ارتفعت وقلت نفسي هي الزم ما علي

مستحيل اعامل الناس حسْب اخلاقها
العرب .. فيهم ضعيّف وفيهم مبّتلي :)

[يعرب . @ll6_nn]

وعلى قطعة الفرجة أحب الدروب جداد
ما أحب أتبع الجره – أحب أطبع الجره

ولكن قلبي من عرفها وهو منقاد
رهين أمرها من حيث ما تبغي تجره

عليها سلام الله وأمانه من الحساد
ومن فزة اللي إن شافها عاود الكره

هزمني غلاها كيف! وأنا وريث شداد
طلع من ظهر حر وطلع من بطن حره

[يعرب . @ll6_nn]

ياقلبي ليّا وقف لك الشوق بالمرصاد
ولا عاد فادتك المشاريه .. بالمره

تخيل وخايل فالسما البارق الرعاد
وشف عينها النجلا وشف مفرق الغره

تفاصيلها اللي كل ليله علي ، تنعاد
ليّا أقبل علي الليل صرت أتقي شره

لا شفت الدلال مصطره والجمر وقاد
وطرت لي طواري تبهج الصدر وتسره

[يعرب . @ll6_nn]

أخاف اللهب لا يحرق الدله أم قناد
مثل خوفي مْن القلب لا يحترق حره

على اللي تساوي في عيوني وطن وبلاد
ومعها يا زين العمر في حلوه ومره

على كثر ما مرت عيوني وجيه عباد
ما عينت لعيوني قبل وجهها قره

أنا صعب أحب الدارج العادي المعتاد
أحب الفريد اللي ما شفته ولا مره

[يعرب . @ll6_nn]

صباح الخير آما بعد :

من لايصبح حاجته .. لابغاها
اقفو بها اللي يعشقون المغابيش

[يعرب . @ll6_nn]

القلب ماهز ثقله كل مزيونه
الا الجمال المثير المُغري الفارق

كان الشهاده لغرقا الحب مضمونه
فأنا شهيد الوساع النعّس الغارق

ذهانة الوجه والحجان مقرونه
وخدٍ شعاعه كما شمس الضُحى الشارق

وليا انثعى الخمري المسدول من دونه
ليلٍ تبدد ظلامه نجمة الطارق

[يعرب . @ll6_nn]

يا أبو ضحكةٍ كنْها على أحزاني تويق
لا تغارب حزن قلبي بعد حبّ وغوى

ما لمست أحلامي يديني ولا بلّيت ريق
ولا نمى عرقٍ سقيته دمْي حتى روى

تثاقلت روحي مسيري وضاق الطريق
يالله لا تتركني على جال الطريق أخوى

ومْن الهوى وش عاد لو صدري يضيق؟
ماهوب دايم على شفّي يهبّ الهوى

[يعرب . @ll6_nn]

عزم الرجل مايظهر الا عند زرقات السهوم
ولا السعه حتى الهنوف تهوش دون اخوانها

[يعرب . @ll6_nn]

لو حظوظي ماعطتني غير حبك
والله اني طول عمري لـ احترمها .

[يعرب . @ll6_nn]

في زحمة الهرج تلقي للحقيقه مقام
يوم المجالس مدارس والاسامي سمت

سلم على اللي ليا جر الكلام الكلام
أما تكلم بـ بكلمة حق ولا صمت

[يعرب . @ll6_nn]

شدّ حيل الخطاوي فالطريق الطويل
لين الأيام تضحك لك و تضحك لها

[يعرب . @ll6_nn]

روابع الناس بين الخيط والمكره
وحاجات ما تنشرح لجيت افصلها

ارسم حدودك مع من ترغب وتكره
ولا تنزل الناس الا في منازلها

[يعرب . @ll6_nn]

عيني على الإرتفاع ماتشوف النزول
وفكري مع أهدافي ومستقبلي منشغل

ومجامل الناس ومدارى خفاف العقول
يبيلهم واحدٍ فاضي ،، ما عنده شغل .

[يعرب . @ll6_nn]

ما تضيق الا بروس الهلايم والرخوم
دندني ياطبلت الراس لحروف النشب

حالفٍ مارافق الا قويين العزوم ..
والضعوف اللي تصدد لخليها مطب .