ـ

[ـ @lladymeme0]

يالله إنك تعزز ديني وتغفر لشيباني

[ـ @lladymeme0]

تمر السنين و تجتوّل و القلوب تهاب
و تبقين فالعمر المحدد مثل ما أنتي

عزيزة نسب و أطهر من الديّن التواب
رفيعة مقامٍ هان عمري و لا هنتي

تمرين و يصير السماء خيرها صبّاب
و تزين الأراضي كل ما أنتي تزينتي

فداك الشعر و الناس و الحلم والأحباب
و أنا و السنين المقبله وين ما كنتي

[ـ @lladymeme0]

ماعلى الفايت من الايام والدنيا حسافه
عقب مالاحت لي بْروقه وسلهم لي بعينه

خشف ريمٍ مستقلّ بْذاته وعنده انافه
مايِجارى في وصايفْه وجواهرْه الثمينه

والله انّي دون وجهه لو تطول بْنا المسافه
المسافه عُمْرها مافرّقت بيني وبينه

[ـ @lladymeme0]

ولاتحب من كل الديار إلا عفيف
لو يزعلون أهل الحفر وأهل الرياض

[ـ @lladymeme0]

قبل الموادع نحسب انا قويين
وعند الوادع اثر أضعف الناس حنا

[ـ @lladymeme0]

من رافق الروسان ما عين خلاف
دواهيٍ دايم بعيدٍ مداها

[ـ @lladymeme0]

رفعت العتب وأقفيت عن غايبٍ موجود
يوم ان الغلا شفته بدا يرخي ستاره

[ـ @lladymeme0]

لو يحتضن شوفتك صبح الدوام الملول
يسعد صباح الدوام اللي عليه الكلام

[ـ @lladymeme0]

يا بنت ياللي عينها عين شيهان
حرّ قطامي فعوله عطيبه

والقرن ذيل اللي تشعشع للاكوان
بنت الاصيل اللي طويلٍ سبيبه

و الردف يطوي الثوب و العود ريّان
والخد بارق مزنةٍ مستجيبة

أسايلك بالله خلاق الانسان
الله عليتس انتي من أيّا عتيبة ؟

[ـ @lladymeme0]

ودّي بشوفه والسنين عجاف
واطلال وصله خاويات عروش

والقلب لاقفى عن مُحب وعاف
ما رده الساحر ولا الدنبوش

[ـ @lladymeme0]

فيك زين الغزال وفيك طبع المهار
وفيك نورٍ سوات البدر لا من بدى

[ـ @lladymeme0]

مرني لا تاه دربك من زحام الحياه
الغلا اللي رحت منه على حطت يدك

[ـ @lladymeme0]

خل في صدرك على الدينا قبول
واعرف ان الشمس تشرق لو تغيب

وعود لسانك ليا ضاقت يقول
الأماني في رجاء اللّٰه ما تخيب

[ـ @lladymeme0]

معي قلبٍ لو تْشوفه بعينك مالقيت الّاك
تزاحم كل عرقٍ به على دمِّي ونبضاتي

ترفَّق به ليا كسَّر عشانك كبْرياه وْجاك
دخيلك لا تبادله بْبرودك كل ما ياتي

[ـ @lladymeme0]

تزل إيدي برقمك مثل ما اللسان يزلّ
مع اللي تحدّه كلمتينٍ على صدره

تورّيني أبواب المفارق وأنا ما أدلّ
مثل من يورونه قبل موتته قبره

تغلى بكيفك لو تصير المحبة غلّ
لكن لا تساوم من يحبك على قدره

تراي الفقير اللي غناته بكلمة ذلّ
تساما وهو لو جاد فيها دفن فقره.

[ـ @lladymeme0]

تصّد القلوب من الغلا والنفوس تملّ
ياهون الجفا لا شافت العين ما تكره

على رمح صوتك ماتو المشكله والحل
سراب الدروب أصدق من الحرف والنظره

أحبك طواري بس ما عاد أحبك خلّ
ولا زلت أحب العذر بشفاك وانتظره

على رمشك تسيل المحابر وينبت ظلّ
أنا تحته المحتار واللي غريب أمره

[ـ @lladymeme0]

الصبر سجن الرجاء وسلومي قيود

[ـ @lladymeme0]

يا سلامي على الدوادي …

[الحاكم @_alhakm]

مما قاله شاعر عتيبة الأول

نجر @njr_56 الشيباني اثناء فترة حمل محبوبته:

الورع في بطنتس رفس
كنته اتمناه ولدي

يا مرحبا يا اجمل نفس
جيتي مشي جيتس عدي

وقاا بعد بعد ولادتها:

الورع في جنبتس هرج
سمعته و عقباً بكيت

ليته نشب ولَا خرج
ياليت اي والله ياليت

[ـ @lladymeme0]

عساكم من عايد العيد والنهار السعيد 🤍

[ـ @lladymeme0]

اللهم اسقِ قبور من رحلوا بفيضٍ من جنّتك
اللهُم أرحم موتانا وجميع أموات المسلمين