-

( لا للرجوع )

[- @llbyk]

أعلن الاعتراف انك ختام الحب وانك نعيم وعذاب
والتجارب مثل هذي تراها تبطي الايام بانجابها

مالي الا اتناسى السالفه واكثّر الصبر والاحتساب
واعتبرها رميم عظام ولاّ ديرةٍ ماتوا اصحابها

[- @llbyk]

غرابيل بقعا شرّبتني عناها صرف
تجيني هجيج بدون راعي ولفّيها

انا ماشيكت أم الغنج والغضيض الترف
شكيت الزمان وحاجةٍ عند راعيها

عسى الله يهوّن شدّتك يا شديد الظرف
توكل على الله ، والله اللي يسوّيها .

[- @llbyk]

مرات اقول الخطا مني وانا السبه
ومرات اقول السبب قسوة مقاديري

وياعيني اللي تهل الدمع وتصبه
على فراق سرق فرحة تباشيري

تقول سامح زمانك والحزن خبه
واقول منهو يعوضني مخاسيري؟

وشلون اسامح زماني واللي احبه
خذاه غيري وانا اولى فيه من غيري

[- @llbyk]

الا ياحب قل حلاك ، لو قد جاز لي ماضيك
وجعل امحق دروب اللي على دربك توديني
ㅤㅤ
والا ياخل ياللي ميزك بد العرب باريك
وصب فـ هيكلك حسنٍ عليه الشوق طاويني
ㅤㅤ
عسى الله لايبارك فالضما كان الضّما طاريك
ولا طااااري فراق كل ما يطري يسرّيني

[- @llbyk]

بدا يعيش الخوف في قلب الشجاع
وبديت امل من الحياة الفانيه

والمشكله مدري متى يوم الوداع
ومدري متى يوم القطوف الدانيه

لكن على طاري ضياع وماضياع
انا بديت اضيع .. مره ثانيه !

[- @llbyk]

من كثر مانيب فاقد : لذة الماضي
مشتاق لـ الغايبين أكثر من اللّازم !

[- @llbyk]

وأن شانت النيّه وشان التعامل
فارقت وفراقي مفارق رياجيل

أصد صدت من يبي الموت صامل
مفادي بـ روحه على فوعة الخيل

[- @llbyk]

تهادي بالحرير المخملي يا ناعم الخدّين
وميلي لين يرجع كل غايب حرف لاوطانه

على منتوقك اللي فاهق حدود الغيَا شبرين
يصير صغيّر حروف القصيد اكبر من اخوانه

عيونك موطني عن كل تغريبة ولوعة بين
وصوتك مرفأ حطام الشعور وساحل أمانه

[- @llbyk]

الا ياحب قل حلاك ، لو قد جاز لي ماضيك
وجعل امحق دروب اللي على دربك توديني
ㅤㅤ
والا ياخل ياللي ميزك بد العرب باريك
وصب فـ هيكلك حسنٍ عليه الشوق طاويني
ㅤㅤ
عسى الله لايبارك فالضما كان الضّما طاريك
ولا طااااري فراق كل ما يطري يسرّيني

[- @llbyk]

اشتقت للي يذوب بوسع صدره زراره
ومن وسع عينه يذوب الكحل في حوره

اخر هداياه لي ساعة و نظارة
و جرحٍ لهالحين نفسي منه مخطورة

سبحان منهو رفع بالقلب مقداره
يخطي وكل الخطايا منه مغفورة

اسلي النفس في نوره و في ساره
ولا عاضني فيه لا ساره ولا نوره

[- @llbyk]

كان في صدرك من الشوق شيٍ شب فيه
وش يقول اللي ضلوعه من اشواقه جمر

من فقد مثلك ما يعتاض في باقي الوجيه
لو يمرونه هل الارض من بيض وسمر

ما على وجه البسيطه من اشباهك شبيه
طينتك من مسكٍ ابيض ومن تربة قمر

[- @llbyk]

للحسن سطوة وللقلب لحظات إنهزام
والله إن ما كل غيبة خفوقي قدها

انبلج مثل الضياء وانهمر مثل الغمام
كل ما نالت يديني ملامس يدها

لا قصيد إلا قصيد توليه إهتمام
ذايقتها ماهو أية قصيد يشدها

لو عيون الحب تبصر مغبات الغرام
ما وقف قلبي معاها وعقلي ضدها

[- @llbyk]

ليه اترك الحلم واذرف من وراه الدموع ؟
واحلام الانسان توخذ غصب ما تنعطى
.
تشكّلي يا ظروف الدهر ومن أي نوع
بجيك هادي ومتوازن وواثق خُطى
.
القلب ضد الكسر والراس ضد الخضوع
والمتن للشيل واليمنى لبذل العطا
.
يا اللي شعارك مع الايام ( #لا للرجوع )
كل الاماكن ترحّب فيك غير الوطى

[- @llbyk]

صرخة الخذلان هزت ضلوعي من جديد
تنتخي بي لا تشاليت . . و أقضي نبّها
ㅤ
السعاده حلم و الحلم في الواقع بعيد
و السنين جروووح ! لكني اجهل طبها
ㅤ
ليتني حبيت نفسي على شان استفيد
ضعت بين الانفس اللي ملكني حبها

[- @llbyk]

يا أبو ضحكةٍ كنْها على أحزاني تويق
لا تغارب حزن قلبي بعد حبّ وغوى

ما لمست أحلامي يديني ولا بلّيت ريق
ولا نمى عرقٍ سقيته دمْي حتى روى

تثاقلت روحي مسيري وضاق الطريق
يالله لا تتركني على جال الطريق أخوى

ومْن الهوى وش عاد لو صدري يضيق؟
ماهوب دايم على شفّي يهبّ الهوى

[- @llbyk]

لاتشب النار وتزعل من دخانها .

[- @llbyk]

ماكف من العبره لاكف من البوح
واللي قتلني عشق لله دره

ياعين حرً برقبه عالي سفوح
شم الجبال السود فيها مقره

ياعنق ريمٍ بين وديان وسيوح
قاعٍ سقاها الوسم سبعين مره

انا انشهد فيك ميت ومذبوح
والعشق سنة الاولين مرره

عشقي شرف وابداع وجلال وضوح
مافيه من الهينات مثقال ذره

[- @llbyk]

بين الثريا والثرى قلب مجروح
فوق الخيال تصوره فالمجره

يا اعز من عيني والقلب والروح
تصور اللي من بعد هجرك يغره

ان قلت لك مسموح ماهو مسموح
واجب عليك انك حبيبك تمره

انسان ماله غير ماكتب في اللوح
حكم القدر مكتوب خيره وشره

اصبحت منزوحٍ وانا عنك منزوح
وابعدت وانا دمعتي مستمره

[- @llbyk]

الجرح جرحك وأعرف الجرح من وسمه
ياللي مزاياك كانت تخفي عيوبي

يتحمل الغصن ريح وتكسره نسمه
ياليت طاريك ما هب الندم صوبي

هو يوم فرقاك ولا مفارق البسمه ؟
حسبي على الشوق كان الشوق عذروبي

ما كنت أخاف انهي الموضوع واحسمه
خايف تكون انت عند الله من ذنوبي

[- @llbyk]

يا عين غضي مدام أن السماء عسمه
قد قلتلش عن مطاريش الهوى توبي

كلِ من الفقد في الدنيا خذا قسمه
يا كبدي انفطري من اللهفه وذوبي

نفسي ما بين الألم و الكبر منقسمه
في ظهري الرمح والسكين في جنوبي

من اول أشفق على روضٍ نبت وسمه
واليوم ما اطيق لا روحي ولا ثوبي

[- @llbyk]

قالت وش أخبار الغلا قلت روحي
قالت تراك تحبني قلت ما أحب

قالت وش اللي تذكره من جروحي
وجروحها اللي فالحشا مالها طب

لاتاخذين الا بقايا صروحي
دموعي اللي تنحنيلك لها رب

بحاول أنجا من غرامك بروحي
وافتح ضلوعي للهوا كل ماهب

رميت قلبي وسط نارً تفوحي
قال اللهيب يضرني قلت له شب