لاخاب العشم لا ترجع تحاول تداريه
يموت العشم من يوم ندفع تكاليفه
شعور الوجع يوم الغلا طاح من عاليه
ماهو شي وانت تطيّحه من مشاريفه
مهو كل جرح تمرّ الايام وتداويه
ياليت الليال تخلي الجرح في كيفه
نضيف الفرح بس الفرح ما تجود يديه
بخيلٍ يشوف الضيف ويصدّ عن ضيفه
أنا لا نفسي عصيّه و لا قلبي قطوع
أجفي الدنيا و أعوّد و أصير صحيبها
عن مشددة اللواحظ و مرخية السموع
قافلٍ بيبان ودّ العلوم و جيبها
ما درى باللي تكنّ الضلوع إلا الضلوع
وش تبي تنفعني الناس لو تدري بها
سامح الله من خذا مني هدوي وإرتياحي
لين حدني على بعض الأمور اللي مابيها
مرحلة مدري متى تعتقني وتطلق سراحي
ما قدرت أعيشها ولا أنتقل لـ اللي يليها
لو تساعدني خطاوي رجلي بحزة مراحي
من يساعدني على روحٍ يدب الشوق فيها
- عبدالله السراهيد .
على مفرق طريقين الرجوع و سكّة الغيّاب
تخيّرت الطريق اللي عسى ما يشبه الرجعة
تبعتك لين ما جفّ الحنين و ماتت الأسباب
و لا باقي سبب عندي يحرّصني على الجمعة
تعبت من الوعود من الكلام اللي يجي جذّاب
عرفت أميّز الواضح من المبني على خدعة
تملّلت الشروق اللي يصوّر لي أمل كذاب
قدرت أوصل لساعات الغروب بلا أثر دمعة
سبقت الوقت لا يسرق هناي و لـ الزمان أنياب
و قاومت الشعور اللي يدوّر لـ الوصل شمعه
فمان اللي كتب بعد العمر هذا نصير أغراب
و لا به شي يعطيني على وصلك أبد دفعة
فمان الشوق والذكرى و أماني لمّة الأحباب
فمان الله و خذ حبك معاد الصدر يتّسعه
- فيصل القاضي بتصرّف
يا بحر علّم موجك اني عزيزة
ما هزني صد البشر وانقطاعه
احب من حبني بصدق وميــــــزة
وأصون نفسي عن رخيص الطباعه
ما كل من نغليه نعطيه حيزه
ولا كل قلب يستحق ارتفاعه
أنا كرامة خاطري مـــــا أبـــيعها
لو كان أغلى من سكن في ضلوعي
سمحت من حبك ووصلك ورجواك
ومن بعت وصله يريش العين باعك
وحاسبت نفسي كيف اضما على ماك
وانا الغدير اللي ترس بطن قاعك
واخطيت في نسيان مجمل خطاياك
ولمت الخفوق اللي على الوصل طاعك
من قبل مده جيت من ضيق دنياك
ومن ضيم وقتنٍ عقب فرقاي لاعك
ورديت ضامي من عنا البعد لي جاك
ولقيتني مصغي غلا لأستماعك
وحلفت ما تخلف على الحب مسعاك
وشاكيتني عن ضيعتك و التياعك
والله ما انسى بسمتك يوم لقياك
يوم انت مبدي رغبتك و اندفاعك
ورديت في طبعك على الطبع ممداك
والي كرهته فى المحبه طباعك
وانا طبيعي ابتعد عنك واجفاك
لو كان يفرض غيبتي وانقطاعك
وعزت علي قبل اوادعك فرقاك
وقفيت واستثقلت حتى وداعك
أبي الوضوح ولا لقيت له مسير
كل الدروب اللي مشيتها انفرادي
أسمع صدى قلبي بين حيرة وتخيير
وأدور على لحظة صفاء في مداري
أبني الأمل وسط ليل همومه طوابير
ويا كثر الأفكار اللي مالها طاري
أثبت يقيني لا يتهاوى ويطير
وأحلم بصباحٍ يزيد انبهاري