,

[نـوير @305ise]

أنت ياللي كل ما هزّ المحاني طيفه
جرّني طاريك من ربعي ومن جلاسي

كانك اللي فالمحبه موجسٍ له خيفه
والله إنّي بين لوعة خاطري وعماسي

كل حبٍ غير حبك ينكشف لي زيفه
وكل طيفٍ غير طيفك مايهزّ إحساسي

وكل وجهٍ غير وجهك فالوجيه اعيفه
وكل صوتٍ غير صوتك ما يقنّد راسي

[شعييل @0ickk]

«ولو يجون خلق الله معك في الطريق أفواج
مايسوون عندي رمش عينك وحجانك»

- عبدالله بن شايق

[, @lliwal7]

جيتي وأنا ادور مجيك من زمان
لا يا بعد كل الوجيه النيّره

وشلون بعطيك السلامه والأمان؟
وأنا فهد .. وانتي غزالٍ مذيّره

[, @lliwal7]

دام تملك كل هذا الزين .. كيف آخونك ؟
روعتك ما تعطي الواحد " مجال يفكّر "

العمر ويّاك جنّه !.. و العمر من دونك
موتً مصفّى .. و تنهيده .. و جو معكّر

إن طلعت الصبح قلت الغيم ماخذ لونك
و إن طلعت الليل قلت الشمس جات مبكّر

[, @lliwal7]

@Not_today_10 صوت صوت

[, @lliwal7]

تماديَت بغلاه ومن تمادى بالغلا خسَران

[, @lliwal7]

صاحبة عرش الجمال وصانعه دستوره
سيّدة عذب الوصوف معربن مجناها

ساكنه بأرض القصيد وسابحه فبحوره
كل خصله من خصال المترفه تزهاها

🙊

[, @lliwal7]

يحق لها التباهي بالجدود و عودها الريّان
و أنا مالي حقوق .. إلا محبّتها و ضحكتها (:

[, @lliwal7]

أحنه من الدنيا وأحبه . . . وأغليه
وهو بالغلا عندي يجي بعد شيباني

وأداريه حتى من النسانيس لا توذيه
وأخصّه بدعواتي لاصليت وأنساني

له عهود قلبي تالي الوقت وماضيه
ما أبدل مكانه لو يقفي ويجفاني

بعوّد على العزلة وأردد قصيدي فيه
وهو لو يقسى وقته بيرجع ويلقاني

[َ @veteranskyz]

انا ما اخترتك من الناس لاني ما نويت اختار
وجابك حظي اللي يوم جابك .. جيت متباهي

تخيّرت احفظك مثل الوداعه واحفظ الاسرار
و لكنّك تخيرت الوداع .. و خاطرك ساهي !

لو اني ما تساهلت الامانه .. في يد البوار
ما عودت و حسايف كلمتي تشره على فاهي

تغيب ولو تغيب من العدم عن ساير الانظار
تردك للتـفاصيل القديمه .. نظرة اللاهي !

توقعتك معي .. لو الزمان يدور لكن دار
وشفتك تختلق من كل زله موقف واهي

حصل ما تطلبه واللي بغيته يا حبيبي صار
حبيبي ! كلمة ما احبها لو مرت شفاهي !

عساني كل ما زل الكلام .. وضاعت الاشوار
ما اقول الكلمه اللي ما تكبّر قدري وجاهي

لو تجوب البسيطه وتعبر .. ما بين دار و دار
ما تلقى مثل قلبي لو تشوف عيونك اشباهي !

[, @lliwal7]

وشلون اشوفك و أعامل لهفتي بـ أعتدال
والداهيه ــــ لو يشوفك يروح في داهيه .

[, @lliwal7]

قيل عن الندم على عدم
اكتمال الفرص :

والله إن اقسى ليال العمر واكثرها ندامه
يوم أرتب لي معك فرصة وصال ولا تهيا :)

- ناصر بن مفلح .

[, @lliwal7]

وانا لا سمحت أقفيت واللي وراي أجفاه
اخليه في فاله وانا اروح في فالي

ما كني عرفت اسمه ولا عشت وياه
هذا طبعي الاول وذا طبعي التالي .

-عبد الله بن شايق

[, @lliwal7]

عندما يتاكد الطرف الاخر من مكانته لديك يبدا في العبث في مشاعرك مرارا وتكرارا وهو على اتم الثقه بانك عائد في كل مره وعندما يحين هذا الوقت افجعه ذات يوم ولا تعود ابدا (:

وقيل على سياق ذلك :

انا القاسي اللي ماغفر ذنبك
انا المكابر اللي يحبك ولا جاك

[, @lliwal7]

يابو علي ماشفت مرعى الشياهين
من ساحل الروشة ماهيب جبلية

ام الخدود اللي تهاوش بها الزين
وسحر الهوى بعيونها الساحرية

- عبدالله بن عون

الزين واجد بين كل الملايين
لاشك قلبي مايريد اجنبية

انا هواي بنت ربعٍ مسمين
من لابةٍ تلحق خوي بخويه

- الأمير نايف بن عبدالعزيز

[, @lliwal7]

وبديْت أحب اللي تحبّه على شان
أصير أَعاف اللي تعاف وخَلّصنا (:

[دمــث @v80r_1]

البـارحه مرني طيـفك بنـص الكـلام
أشتقت لك لين قالو : كمل السالفه

محمد بن حمد

[, @lliwal7]

هو يدري إن الغلا له سرّ وإجهار
وإن الفرح ممكن يجي من رساله

[, @lliwal7]

ما يسلم غريب الدار من لوعة الحرمان
لو انه يسج و ياخذ الليل من بدري

حبيبي فداك البعد و الهجر و الفقدان
شعورك وصلني واتصالك شرح صدري

احس اني ادف السماء وافرد الجنحان
ما كني على رجلي ولا الارض من حدري

واذا طلة القمرا وشفت الغصن ريان
هذا عودك الناحل وذا وجهك البدري
- علي مسفر