᷂مّ

[᷂مّ @lvcoui]

الله يطول عمر ثنين على العز ربوني ..

[َ @UsernameHaa]

هلا مرحبا و إقلط على ماتريد وحِلّ
بصدرٍ ياسع الأجناب وشلون الأقرابي ؟

[ِ @5ilQ__]

زين وجه وزين مبسّم وزين منطوق
واحدٍ لا لمحته ذكرت اللّٰه مية مره .

[ام جخدب @r5o5l]

« اشوفك في طرف كوبي
تملي قهوتي المره » .

[َ @UsernameHaa]

إيه أحبك وأدري إن الحب قطّاع الرقاب
طالبك خذني وخلف الضلع الأقصى خبّني

[َ @UsernameHaa]

مع إني المهرة اللي ما تهاب الدروب
في وعرها الموحش و غربة متاهاتها

لا زال درب المفارق فالعيون مهيوب
يثّر على موقها .. و تهلّ دمعاتها

أنا أذكرك لا بكت عيني تلوب و تجوب
والله ما ترتاح لين تكفّ عبراتها

أنا أدري إنك لا يمكن عن غرامي تتوب
و أنا أدري إني مُنى نفسك و مشهاتها

[᷂مّ @lvcoui]

يا أبوي🤍

[ِ @5ilQ__]

من محاسن حظنا إنا على الطيب نتشارك
بالمكارم بالمشاعر بالقلوب وبـ الحميا .

[᷂مّ @lvcoui]

حفيدة هل الوقفات من ماضي الأزمان
من الحسن و الأمجاد و الصّيت روّيانه

يميز وفاها هيبة جدودها الفرسان
و يجمّل حلاها طهرها و صادق إيمانه

أصيله من الجدّين و سنعه و بنت حصان
و أخوها لا صاح بـ إسمها جنّت جنانه

[᷂مّ @lvcoui]

الرفض حرية مستحيل يفهمها اللي يستصعب كلمة «لا»

[᷂مّ @lvcoui]

١٤٤٦/١١/٥ هـّ

[᷂مّ @lvcoui]

3 مّايو

[ِ @5ilQ__]

يصبرني على ثقل الليّال إن الأمل ما زال
ينسيني شقى النفس . . ويضوي لي متاهاتي .

[⊹ @daiilyreminderr]

انـي حـظيـت بـخيــــر أم وأب
ربـي أوصـــيك بـهم
♡

[᷂مّ @lvcoui]

يوم عمرنا الغلا وارتفع سوقه
جاه هامورٍ يدحدر بالأسواقي

ثم اخذها شرع ماهي بمسروقه
وسجلو له صك ملكه بالأوراقي

اشهد ان حظي معه ماسلم عوقه
باقين كم يوم ياشين الافراقي

الوكاد ان مت من حبه وشوقه
اكتبو عندي شهيد من الاشواقي

[᷂مّ @lvcoui]

آه من كبدٍ لها ايام محروقه
وآآه من دمعٍ يحول من أحداقي

وآآه من قلبٍ تواقد مع عروقه
نار (همٍ) تحرق اعروقه إحراقي

لاتذكر فقد وأفراق معشوقه
ون له ونة صويب من الأعماقي

عادكيف اللي عشق له من الروقه
بنت شيخ صيت جدانها باقي

كامله والكامل الله ومرموقه
اسمه في صفحة المجد براقي

[᷂مّ @lvcoui]

كل زين مأخذه منه ماثوقه
غير زين الطبع يازين الأخلاقي

فارقٍ في جسمه الغض وفذوقه
وفالكلام العذب واسلوبها الراقي

راكده ماهيب عجله ومطفوقه
جعل يفداه ادميٍ ما ينطاقي

حبها يومي بقلبي ومعلوقه
علقتني في هواها بمعلاقي

لين اخذ له عهد فالحب ماابوقه
وعاهدت قلبٍ ملكته ماينباقي

[᷂مّ @lvcoui]

ان كان ما جابت الايام راس النصيب
يكفيني انه ( خذا فالعمر قلب بقمي ) !!

[᷂مّ @lvcoui]

ماني ولد عم يا محمد و لاني نسيب
لكن ( حبه ) تغلغل في خلايا دمي ..

على النقا ما وطينا درب شي ن يعيب
في وقتنا اللي به عيون الاوادم عمي !

الله عطاه المحبه لين حطه قريب
و الناس تقراه ف اشعاري و خط قلمي

غنيت له من صفا نيه و راس ن عريب
لو جارت ظروف وقته ما يشوف ندمي

[َ @UsernameHaa]

" أحبّك و العمر صبره سجين و سطوته سجَّان
معَ غيرك حدودي ثابتات ، و معك متمادي "
— صالح بن حمد