‎ مــ؏ــٱنــد

مُجرد تفريغ مشاعر..

[‎ مــ؏ــٱنــد @m3and_12]

سؤال ، نصيحه ، نقد ، شعر ، دعوه ، مدح .
ستبقـى مجهولاً❤️.

https://t.co/eZwSXc4y4A

[‎ مــ؏ــٱنــد @m3and_12]

@974il هلا بك مسيت بمثله

[‎ مــ؏ــٱنــد @m3and_12]

@Hyb_Muluk مساء النور والسرور

[نوف 🦋 @noofbm1]

بكتك العّيون ، بدمّعه الوجّد والحّرمان !
وبكتك الضلوع بـ رجّفة الفقد والحّاجه🦋

[نوف 🦋 @noofbm1]

كن صدري باب بيتٍ من العام مهجور
دار فيه الحول محدٍ من الناس دخله🦋

[نوف 🦋 @noofbm1]

من هواك ، وغلاك ، ومن وفـاك
ماخذٍ قلبـي .. واخذ مـنـي وعد

جعل عيني لـ العمى ان حبت سواك
وجعل قلبي يضيق ان شاركك احد🦋

[نوف 🦋 @noofbm1]

الشعور اللي أحسّه .. مَا تحسه
والغياب اللي هلكني صار عادي
ٍ
و الخفوق اللي أحسّه مات حسّه
كم ينادي ، و لا حياه لمن تنادي !🦋

[نوف 🦋 @noofbm1]

المنادى ما يبطلك يا باب .. الغياب
والضماير يوم قلنا لها اصحي ماصحت
ِ
اص ياصوت الحسايف وياصوت العتاب
نفسي من معاتب الناس ملت وسمحت
ِ
كل مارفعت غالي على روس الهضاب
اتفكر بعد كم يوم واشوفه .. تحت🦋

[نوف 🦋 @noofbm1]

دورت في قلبك محبه وحصلت!!
قطعة غلا بـ اخر زاوياه / لكن !؟

أنا ورب البيت / وان كان ما قلت :
غـلاك ضاقت به جميع الأماكن🦋

[نوف 🦋 @noofbm1]

أسترح في خافق اللي يعشقك وامرح به
واخذ ما تبغي بصدري كل ما يحلا لك
َ
كان قلبي يقنعك يفدا يمييّينك رح به
ماخلقه الله من بين الضلوع الا لك🦋

[نوف 🦋 @noofbm1]

محبتك حرب .. وعيون الوداع الدمار
فلا تواخذني الليله .. ولا اواخذك

ركضت ماني خايف من فوات القطار
لكن .. خايف قطار العمر لا ياخذك🦋

[نوف 🦋 @noofbm1]

أحبه حب شايب لـ ابنه اللي به لطيف وبار
يداري خاطره قبل الحزن يبدي مواريه

وأحنّه من كلام'ن يوجعه من عاذلٍ ثرثار
دفعه الحقد وأهداف مقاصدها دناويه

وعليه أغار من هب النسيم وليلة المطار
ليا ذعذع هواه البارد ولمس عراويه🦋

[العديم @_3deem]

سنيني عجاف و لاح برقك وانا عسّاس
ولا الحايل الا الموت من دونك ودوني

انا كيف اشوفك مثل ماشوف باقي الناس ؟
وقلبي يشوف اللي مهي تشوفه عيوني

[العديم @_3deem]

على خبرك ليا شان الزمان وطحت تلقاني
حصان ٍ كل ما طال الطريق يْزين مركاضه .

[العديم @_3deem]

كيف اوصفّك يا وجه ٍ بحسنه سماوي ؟
وانت حسنك ملا سمع الحياة وبصرها

جادل ٍ يوم جات الريح في ثوب غاوي
كل ما جت اتعرّيها . . سترها شعرها

اوضح امن الحقيقه وابعد امن الهقاوي
واجمل امن البشاير عند من ينتظرها .

[العديم @_3deem]

متى كانت صحاري وابلك زهر وخضار وريف
و انا لا جيتها ما احصّل الا جرّة اقدامي !!

[العديم @_3deem]

من فتن في وجهك الفتان و انساق لجماله
الغزل و الناهيات العصم لا يمكن اتزلّه

فيه من شكل البدر لا تم في ليل اكتماله
وفيه من لون السحاب وفيه من رسم الاهلّه

ولّا انا بين التردّاده . . و بين الانفعاله
باعقل باتوب باسلى منّك ولا راده الله .

[العديم @_3deem]

الا يا عيون موحّش ٍ تايق ٍ لـ الحوم
يقرنس خلا ما دقّت المزرعه حجله

قطع وصلنا واقفى كذا بين ليل ويوم
على كثر ما درهم خفوق الغلا لاجله

وغدا القلب فيه امن الجفا والفراق وسوم
مثل ما يوسّم طارف الملزم الهجله .

[العديم @_3deem]

انت يا بو كلمة ٍ لا حلال ولا حرام
من يجي في طور سب الاوادم سبّته

يا رفيق ٍ تبترم به ذعاذيـع الكلام
كل ما هبّت هبوب القفيّا !! دربته

جعلك افدا اللي مايتبع خفافيش الظلام
الوفا مستوطنه .. و الحميّا منبته

[1996ًًً @1996_al3jmi]

.
.

والله اني ما اتردى ، و لا احب القصور
و اتجاهل كل من هو ضعيف ، و مبتلي

رافعتني عزة النفس .. لـ حد الغرور
و الثقه بـ النفس لـ اعلى مكانٍ معتلي

لا دعولي والديني .. بـ تيسير الامور
ما علي من باقي الناس لو تدعي علي

[1996ًًً @1996_al3jmi]

لا يغرك قلبي الأبيض وطول العشره
والله اني لا كرهت أصير جداً قاسي

بعد كنا في ملذات الليالي خشره ؟
مات حبك في عروقي والبقى لراسي

خلني لا عاد تلحقني عتاب وتشره
لا تذكرني غرامك " والله اني ناسي ".