صعب المنال

شاعر لايشبة أحد

[صعب المنال @m__b91]

ياتابع المقفي ياعزي لحالك
مثل أسرب الي صعيبن لحوقة
وعزاز الانفس ماتبي من حلالك
وخلك عزيزان مايضيع حقوقة
#_صعب_المنال_✍🏻

[صعب المنال @m__b91]

@R_binsalem مبطين من ذا الابداع طول عمرك

[‏᷂عسر٨٨ @Qhta10ni]

صباح الخير أما بعد:

تعاف الرجال ضعيّف النفس والكذّاب
فلا ينوخذ رايه ولا تنوخذ بنته

[محسن بن مترك @aprvip]

عزمتني على زواجك ولا جيت
ولا تحسب اني يوم ما جيت راضي

حاولت ولا الله كتبها وصديت
ما اني بجاي لك ومخباي فاضي ):

[‏الشــٰآيـب✿ @Qatari_l]

طالت عليك الليالي يالقوي الشديد
اللي جروحك عتاق وذكرياتك شقى

لو كان قسمي من افراح الليالي زهيد
مسامح اللي يروح و قابل اللي بقى

الله عطاني مشاعر .. ماعطاني حديد
تستفقد الراحلين أهل الطهر والنقى

اللي عليهم حنيني كل مده يزيد
الله يبيح الفراق اللي ماعقبه لقى

[عبدالله آل لزيوح @87_a_]

مشا الركب يا صدرٍ حزينٍ على المقعاد
دروب الجفا من ديرة الوصل ممتده

بذلنا قصارى جهدنا والتعب ما فاد
اذا فيه حلٍ ما طرقته معك عده

تلفت على حلمك تلفات ابن عَبّاد
على ديرته يوم انهزم والزمن ضَدّه

يدنّيه حظ وصدق دعوه وجاه اسياد
ويبعده وقتٍ معطياته على قده

[لافي بن هنيدي المطيري @LAlmutairi83]

يازين بعض القصيد زيناااه.

[محسن بن مترك @aprvip]

لا حرك النسناس روس العناقيد
وقيف الطواري هيض الشوق صفه

جنبت منهاج الهجى والمناقيد
ورفعّت نفسي عن كلام المسفه

أرّد الى نشّت جمّام المواريد
وقّر ٍ نسانيس الهبايب تنفه

وشال غرا في غضارة جلاميد
تحته من صفوح الحجى كم طفّه

ظله سما وفراشة من الثرا حيد
كنه نحر رعبوبة يوم زفه

الشعر أدب ماهوب ساحة بواريد
ولا هوب رتب وزن بيتك وقفه

شوارده افكاره مثل شرّد الصيد
تسنبط اهدافه معى مستشفه

له غبه وغابه وعد ومواعيد
وله قمه وقامه وساحل وضفه

ارفى به خلول الصدور الملاهيد
الي من صدوف الزمن مستخفه

وادفر به الضيقه وخلّد به الجيد
وارضي به الي بين شيمه وعفه

خجلا غلاها ثابت وشوفها عيد
وكفّت غلاها ترجح بكل كفّه

لـ عيونها سويت للكل تحديد
من غاب قلت مقيط ولا مهفه

اتلا العهد بالتضحيه والتخاديد
ومعاتب عيونه وتلويح كفّه

ليلة وداع وذكريات وتناهيد
وبرق ٍ على مربى وقاف ٍ على افه )؛

[. @fi180]

السمعة يموت راعيها وهي ماتموت
و الطيب يعيش ذكره بعد عمره عُمر

-محسن بن مترك

[حزمي بن سعد @hazme20154]

تعـلـمـنا من الايات درس و من زمنـا درس
هذا في المصحف شهوده وذا في الواقع شهوده
.
الاول قد حصل لـ النمل والثاني حصل للفرس
مع سليمان وجنوده و مع سلمان وجنوده🇸🇦

[فـَهد . @iu81i]

ولا خذيت السوالف لبّ ومقارح
أصغي مع السالفه من حبّ راعيها :)

_ سعد بن جدلان .

[قرينيس @qrenees]

طيّب الراس ما يرضى يعيش مهيون
لو من القلِ تحداه الليالي حدي !

ودك ان السنافي لا اوجعتْه الديون
ياخذون الحكومه من حساب الردي

[معكاز شعر @M3kkaz]

الا يالله إنا تحت هيبة سماك ضعوف
ولا نعلم الخافي ولا نضمن الخيره

تدور السنين وغيبها ماهوب مكشوف
ومحاريفها مابين ضحكة وتكشيره .

[سبّيع . @subiie7]

بيت مليء من الثقه بالله وشموخ
عزة النفس :

ليه اعبد الوجيه و ليه , اخاف المصايب
كل حاجه على وجه البسيطه .. بسيطه :)

- ناصر بن مفلح .

[قروب شعر @Group_she3er]

على كثر الوجيه الغايبه عن راسي المزحوم
حضر وجهك .. نيابة عن عموم وجيه غيَّابي

يعسّ بـ قاع بالي فيضة جروح، ومناقع لوم
وينصب له خيام من السهر ويطيّر أسرابي

خذاك الحلم من نوم العوافي لين صح النوم
وخذاني ليل لا جيت أرقده وقّف على أهدابي

[☆ بتال ☆ @Bttal_15]

'

ياعذابي ، منك ياظبي ، الجفول
أحتويت الزين من كل ، الجهات
،،
من حلاتك تخلفين انتي ، عقول
والبلاء معروف من زين الصفات
،،
الخصر منحوت والجسم معزول
أنتي اجمل بنت في كل ، البنات

،،

#بوح_ياسين

[قروب اشعار @aShi3ar]

أثر الرياجيل تفرق بـ المدا والعزوم 
والطيب كايد وصكات المواقف محك 
ٰ 
احدٍ ع اتفه سبب م عاد يقدر يقوم 
واحدٍ لو تسكر الدنيا بوجهه ضحك .

[معكاز شعر @M3kkaz]

اذا عطاك الله وعن خلقه اغناك
لا تامن الدنيا تغرك وتحرمك

احرص على فعل الجمايل بيمناك
واكرم مادام الله من الخير مكرمك .

[معكاز شعر @M3kkaz]

يابوي ياتاج راسي جعلك الجنه
اي والله اني فقدتك يانظر عيني

من رحت صدري تلوج بداخله ونه
هزت معاليق صدري واثرت فيني .

[معكاز شعر @M3kkaz]

والله لو تملك من المال مليار
وانته قليل الدين مالك سعاده

إن كان تبغالك معزه ومقدار
خل اجتهادك في كثير العباده

ترا صلاتك هي نجاتك من النار
وعدوك الشيطان واصل جهاده

واطلب ولي العرش لا صرت محتار
هو الذي يغفر ويرحم عباده .

[سمان الهرج @fahad33931]

يا حسين ضعنا بين حانا ومانا
ضعنا بشرب الشاي ياحسين والماي

شابت شواربنا ، و شابت لحانا
و بار الصديق اللي عرف سر مخباي

يقول : عانوا خالي الجيب جانا
ما يدري إن الجيب تخليه يمناي

صالح بن جهز الدلبحي (رحمه الله)