Malfeliĉa Esperantisto

Mi, mia familio, mia lando kaj mia E-klubo dekadencas. Ve...

[Malfeliĉa Esperantisto @malfelichulo]

Ĉu ni vivas en mis(-)tero?

[Malfeliĉa Esperantisto @malfelichulo]

Preskribo

Ĉu povas vi preskribi, ho doktoro,
Ion por mia malplenega koro?
Certe, fraŭlino. Prenu revolveron
Plenigu per plumberoj la krateron.
Dankon, doktoro. Jes, vi havas saĝon,
Sed mia kor’ ne havas kuraĝon.

Marjorie Boulton

[Malfeliĉa Esperantisto @malfelichulo]

Reutao

Surstrate pikis
min vespervent' frosttrema,
elteno vekis
defian forton eĉ en mi
denaske rezignema.
La adoleska
aspiro jam senspuris,
en viv' krepuska
ankoraŭ mi vegetas,
destina frost' min torturis.

Kuroda Masayuki

[Malfeliĉa Esperantisto @malfelichulo]

Stelo falanta

Eliris mi el pordo de l' domo splene,
atendante homon sentis malĝojon ene,
kaj mi rigardis al ĉiel' vespera.
Jen, falis al tero steleto hela,
forlasis sian lokon en bela nubo.
Ĉu ĝi sopiras mondon de homa rubo?

Shimazaki Tōson (tradukis Miyamoto Masao)

[Malfeliĉa Esperantisto @malfelichulo]

Humuro en kriza tempo

La temp' terura estas, ve!
Sed optimisto restas mi ĝisoste.
Konsolas min konstante, ke
pli bone estas nun, ol iĝos poste.

Piet Hein (tradukis Poul Thorsen)

[Malfeliĉa Esperantisto @malfelichulo]

@eobbl Mi loĝas en Malfeliĉujo! 😉

Sukceson pri la ekspozicio!

[Malfeliĉa Esperantisto @malfelichulo]

@eobbl Koran dankon pro la traduko! Mi ĝojas pri la okazonta ekspozicio!

[Malfeliĉa Esperantisto @malfelichulo]

La Lumo de Kandelo

(8)

Meznokta splen' sen fin'
narkote lulas min.
Ah, mortis for la lum'
kun stria, pala fum'.

Ekzistas
nenio en obskur',
persistas
mia korbato nur...

Ueyama Masao

[Malfeliĉa Esperantisto @malfelichulo]

Hajko

Je unu ismo
Mi tutsincere kredas -
Je la abismo!

D. Lister

[Malfeliĉa Esperantisto @malfelichulo]

Kiam ĉesos...

Kiam ĉesos la lasta tremeto
de la kordo post lasta akord',
kiam time formortos la eĥo
sub la kava rigardo de l' Mort' —

Tro malfrue jam estos sopiri,
Tro malfruos dolora pripent';
vanos larmoj ... la tag' estingiĝos
kaj — peza, korŝira silent' ...

Nikolaj Kurzens

[Malfeliĉa Esperantisto @malfelichulo]

Kiel ajnan

Kiel ajnan
cigaredon,
mian vivon vi fumis;
kaj purema,
aŭ eble por eviti incendion…
surplanke
la stumpon
vi tretis.

Liven Dek

[Malfeliĉa Esperantisto @malfelichulo]

La tago estis tute bona, sed mi sentas min ege malfeliĉa. Damniĝu mi!

[Malfeliĉa Esperantisto @malfelichulo]

Pluvo estas bona nur se oni havas grandan pluvombrelon kaj iun por brakume paŝi kune.

[Malfeliĉa Esperantisto @malfelichulo]

Nur laboro tenas min viva. Estas terure, ĉar mi estas tre pigra...

[Malfeliĉa Esperantisto @malfelichulo]

@Stultisto Saluton! Mi ankoraŭ vivas. Dankon pro la demando kaj pro la laŭdo!

[Malfeliĉa Esperantisto @malfelichulo]

Omaĝo al Baldur Ragnarsson en la Festo de la Belartaj Konkursoj de UEA
https://t.co/SoRAiiebt9

[Malfeliĉa Esperantisto @malfelichulo]

@akcidentely https://t.co/nhaA5di4bS

[Malfeliĉa Esperantisto @malfelichulo]

@kalkuloporkatoj https://t.co/ipSnxi7U0P

[Malfeliĉa Esperantisto @malfelichulo]

Publiko

La foko levis la kapon
rigardis vin
parencokule

vi sidas sur la bordo
rigardas la maron
infanaj ridoj malproksime

publiko plej taŭga
por la silenta finalo
de rompitaj kordoj

Baldur Ragnarsson