رَ

الحمدلله

[رَ @maybeehuman]

اللهم أمطر على قبور موتانا وأروي قبورهم برحمتك يا أرحم الراحمين

[رَ @maybeehuman]

" الله خلقها حشيمة من سلالة حشام
تاخذ من الصمت عزّ ومن الحيا فالها

كريمة شعوور لو ما بعض الأوادم كرام
لو طالو الغيم محدٍ منهم طالها

مرّت عليها ليالي ما تمر بسلام
تقدر بوجه الليالي توقف لحالها "

[رَ @maybeehuman]

على الله لو يروح اليوم كله بين حزن وياس
وأنا ماحب كسرة نفسي وماداني خضوعي

وأنا أتعبني السهر وأرهقني التفكير والهوجاس
مضت حول الثلاث أيام دمعي مغرقٍ كوعي

بلاني ربي بقلبٍ صخر وبخاطرٍ حساس
مابین أمسح غلا الغالي وأمسح دموعي

[رَ @maybeehuman]

"المقبلة لو هي عقب عشرة سنين
أقرب من اللي فايته قبل ساعة"

[رَ @maybeehuman]

عيوفٍ مايملا عينها إلا أبلجٍ مدهوش
يحط القمر والشمس في راحت يداها

[رَ @maybeehuman]

لا ارضٍ تاسعه
ولا شمسٍ تظله
ولا صدرٍ يضمه
وعاده ضحوك

[رَ @maybeehuman]

عزيزة حزن ما تشرح وش اللي في خواطرها
تخاف ان حزنها ينقال على صدرٍ مايستاهل

[رَ @maybeehuman]

يابقايا جروحي وهمي اللي اشيله
من يلوم الملامح ذابله من سهرها

وين زهرة شبابي والحظوظ الجميلة
ماضحكت لي حياتي ولا شملني رغدها

وين اروح بهموم فوق صدري ثقيله
وين اروح ودياري تشتكي من وطنها

اسفه للمشاعر وكل هقوة أصيله
خابت ظنون طفله كم تبعثر املها

[رَ @maybeehuman]

تركت امنياتي لـ النهار الطويل و نمت
وذرفت آخر دموعي على خيبة ظنوني

ياجعل الكلام اللي مايقدر عليه الصمت
فدا لـ الشعور اللي تسولف به عيوني

[رَ @maybeehuman]

أنا ودي اني من ربع صحتي محروم
ولا إنه يضيق صدرك وينشغل بالك

[رَ @maybeehuman]

يحزني الطيب إذا بيّن رداه
ويفرحني الطيب إذا قال وقدر

ترا غناة النفس هي أصدق غناه
وترى جمال الشي ما قلّ و ندّر

وترا البعاد أحيان نوع من النجاة
والسكوت أحيان من باب العذر

لا تكبرون إلا على ظروف الحياة
ولا تحزنون إلا على غالي قدر

[رَ @maybeehuman]

الحمدلله

[رَ @maybeehuman]

واللي جعل عصرية الجمعة جواب السائلين
إني فقدتك فقد مايوصف و لا يلحق مداه

عسى قبرك أوسع من حدود القسى واللين
وعسى الله يسقي ترابه بوابل - غيمةٍ ترعاه

[رَ @maybeehuman]

أحترم الصادق ولو كان عدوٍ لي "ماني بمتهيب ولاني بمرتاب الصدق منجى و التزلّف معابه"

[رَ @maybeehuman]

عساك مخلد بجنةٍ تنسيك الزمان الشين
وعسى رحمات ربي تحفّ ميامين قبرك ويسراه

[رَ @maybeehuman]

" غلطتي كنت متراهي ومتمادي
كنت أحسب الزمن والوقت يمديني

وأثر من لا تغانم فرصته غادي
آه يا فرصةٍ ضاعت من سنيني "

[رَ @maybeehuman]

سج ياراسي من الدنيا ومن صافاك صافه / الوداعه للمودّع والهلا للمرحباني

[محمد الحربي @Mo94H]

من افضل الادعيه يوم عرفه
(لا إله إلا الله وحده لا شريك له، له الملك وله الحمد وهو على كل شيء قدير)
اللهم ارحم عبدك محمد وارزقه الجنه يارب

[رَ @maybeehuman]

هواجيس قلبي كل ماقلت راحت؟ جات
تخالف علي باليوم تسعة عشر مرة

[رَ @maybeehuman]

عسى الله يبيحك ذا محلك وذا مركاك
وانا ماهقيت ان المراكي تبكيني

[رَ @maybeehuman]

كل دربٍ تحسب أن مافيه غيره ، فيه غيره
لا تعلقها على شورٍ عطاك الله بداله