🕯️

ملتاع ومثلي كل شيءٍ يلوعه

[🕯️ @mbnts__]

عن الموت يارب السماوات وين نطير ؟
و الأقدار حتى عن هل الشين ما عيّت

أبي دعوةٍ بـ المغفره من وجيه الخير
لا مروّا على صفحة حسابي و أنا ميّت

[🕯️ @mbnts__]

أحبك كلمةٍ حارت وزارت معظم الأوطان
ولا تبغي سواك أنت الوحيد اللي يشرفها

[🕯️ @mbnts__]

"يمكن ابي نجمه و ربي كتب لي قمر
احيان الاحلام تظلم حظ حالمها

ويمكن ابي قطره و ربي يبي لي مطر
يرويني اللي روى هاجر بزمزمها"

[🕯️ @mbnts__]

على عيدك مبارك تاقف امال انتظاري سيد
هي اللي كانها « ما جات منك » مالها شاغر

— عبدالله آل لزيوح

[🕯️ @mbnts__]

يا ليلة العيد ماني فيك طماعة
ماعاد عدتي ثمينة مثل ماكنتي

فازت على اسعد الليالي هالسنة ساعة
قد قال فيها حبيبي "مالي الا انتي"

[🕯️ @mbnts__]

" مرحبا والعيد عيدك يالمقام السامي
كيف ما أحبك وأحب مواجهك وأحسب له

كل يوم تكون فيه يكون خير أيامي
وكل عيد تكون فيه أحلى من اللي قبله "

[🕯️ @mbnts__]

عليك يتبارك جعل سود القلوب فداك
وجعلك .. من اللي كل عامٍ يصومونه

[🕯️ @mbnts__]

« عساك بأعمارنا مانت رمضان الأخير
و يقبل بك الله دعاي و طاعتي و جهدي »

[🕯️ @mbnts__]

بعد أيام قليلة
سيتغيّر إيقاع حياتنا
إلى الروتين الأجمل والأقرب للروح
نُحبّ الليل أكثر
ونجتمع بعد غروب الشمس
بقلوبٍ مطمئنة
نترقّب الفجر لنرتوي بالماء
وتعلو المساجد بأصوات التراويح
فتغمرنا الطمأنينة
وتسري الإيمان في أرواحنا
اللهم بلّغنا رمضان
يقلوب سليمة
ونفوس مطمئنة
وفي أفضل حال

[🕯️ @mbnts__]

«من يشوف المبتلى ويفصّل ثياب الشماته
ما يموت إلا الثياب اللي مفصّلها .. لبسها»

- للتذكيـر

[🕯️ @mbnts__]

لو تجوب البسيطة وتعبر ما بين دار ودار
ما تلقى مثل قلبي لو تشوف عيونك أشباهي

[🕯️ @mbnts__]

أعيشك حلم واحيابك طواري عابره و وصال
واموت بكل كلمة من شفاهك وانت ماتدري

[🕯️ @mbnts__]

عسى العمر و تفاصيله من أوّل حبه و تاليه
فدا ضحكة محيّا وجهك و تنهيدة إحساسك

ليا عاث الزمان بصبحك و نورك عجز يمليه
أخذني عن ليالٍ مظلمه بالحيل مقباسك

أحب اللي تحبه و أكره اللي يمكن تعاديه
ولا باقي سوا أحارب عن ظنونك و وسواسك

- سلطان الوسمي .

[🕯️ @mbnts__]

قضيت الثلث من عمري أحبك والعمر مشوار
دروبك ما تملّ ، و ضحكتك من عام سارقها

[🕯️ @mbnts__]

لقيتك على مفرق طرق والظروف تسير
حلالاه لُو إني —— مقابلك من بدري

[🕯️ @mbnts__]

تباهي في ذراي ولك يلين الخاطر الجلمود
جعل قلبٍ يوريك القسى ما يقبل إحسانه

[🕯️ @mbnts__]

أنت السنين الوافيه و أنت القريّب اللي بعيد
وأنت الحظوظ الصايبه اللي مشيت أسعى لها

[🕯️ @mbnts__]

مرّت رياحك و هبَّت كل شيء إلّا شراعي
و البحر غدّار وأنت أحلى مشاويرك عنيفة

[🕯️ @mbnts__]

تسامحت مع نفسي وهوّن عليّ دعاي
خصوصاً دعاي اللي دعيته وأنا ساجد

غمرني شعور من الرضا للزمان الجاي
ولا صار عندي خوف من عضة الناجد

اثر من عطاه الله !.. نزاهة ضمير ورأي
يغيب الغياب ، اللي يخلّيه !.. متواجد

لاتشره عليّ يوم أبتسم في وجيه عداي
محبّيني !.. أكثر من معاديني ، بـ واجد

[🕯️ @mbnts__]

يا ربي وأنت لا بعدك إله ولا انته بـ مسبوق
طلبتك وأنت تدري ويش مطلوبي قبل لابداه

أنا صبري كما بريقٍ عن الشعله ما هو مفهوق
غفل عنه المقهوي لين بيّح عقب فوحه ماه

[🕯️ @mbnts__]

الغيم مايحزن على موت الأشجار
والشمس تشرق لي وتشرق لغيري

والناس تتزاحم على شرب الأنهار
وأنا مكفيني عن الناس بيري

ماني لكل مضيّع دياره ديار
ولا هو ضروري كلٍ يذوق خيري

أنا فدى اللي ينتظرني على نار
إن غبت عنه مايعوّضه غيري