عبد المجيد عوض

شاعر احياناً

[عبد المجيد عوض @mffkr2]

نعرف الكفو باله طويل وطويل يمين
لا نفرح ليا طاح ولا يفرح ليا طحنا

ونعرف الردي بارد سوالف وبارد عين
ياكم مرةً زلل وسفهناه وافلحنا

[سلطان بن عباس @su_abbas]

ماهو بحقي عليك تغيب من لازمي
ياذخر من تاقف الدنيا على صيتها

يالـيتني مثـل طـير حبيّب العازمي
لابـارت الارض ولا الناس خـليتهـا

[مبارك بن رادعه @MBnradah]

بنتنا عزوة ولدنا ، في الامور المفصليه
من يحاول ينتقص من قدرها ،ماهوب رابح

ماعليها من كلام، اللي روابعهم رديه
والـ…. اللي تناهق والـ…. اللي تنابح :)

[فراج بن عبيد الغصن @fraj2253]

يوم قمت اعدل الراس من شاهي خدير
قلت خلو عني البن الاشقر .. والبهار

في ضميري شي واجد بقوله من ضمير
اسمحولي ي المطاليق واطوال العمار

يارفيقي كسرت الذات مجهولة مصير
تودع الرجال مابين .. نار وبين غار

الزمن لادار خلا الاوادم تستدير "
يوه يا مقسى الزمن يارفيقي يوم دار

ما يحس الجمره اللي على الضلع القصير
الا من خابت هقاويه والخيبه دمار "

ممتلي صدري من الياس والحزن الكثير
والصغار اللي امن اول نحسب انهم اكبار

ودي اسري لين اجي في هواء بنت البعير
واحذف اشماغي لياء جيت وافك الزرار

واهني اللي من الأرض لا ضاقت يطير "
من عقب ما طار طيري ورا شبك المطار

لي ثلاث اسنين واقف على الاطلال مير
ماكتب لي ربي .. انه يعوّد يوم طار

ولا بقى عقبه ابـ عيني كبير ولا صغير
البقى لله … جلا جلاله بختصار

فراج بن عبيد

[عبدالمحسن العتيـبي @ABDULMOHSEN1379]

الشاعر الكبير ، عبدالله بن نايف بن سطّام بن عون

من العونه من المقاحصه من الروسان من برقا من عتيبة

الله من قلبٍ رمع فيه رماع
واخلف يمومه عن طريق التسانيع

هجسٍ رمع ماله عن القلب فراع
علّي غاراته تشن المفازيع

مركز بنوده بين محنّي الاضلاع
لا ناموا العربان سوى مشاريع

يشري بقلبي طول ليله و يبتاع
وله الجوارح خاضعاتٍ مطاويع

اسباب ورقٍ بـ التغاريد سجّاع
طربٍ على هاك الغصون المهانيع

ورقٍ غناك من النياحه به انواع
صوتك يزيد ملّوع القلب تلويع

ياورق كف اغناك مال الطرب داع
ياشين مالك في عذابي منافيع

ان شفت من قلبه جزوعٍ و مولاع
على النياحه لا توريه تشجيع

هو ليه يوم تروجع الصوت روجاع
قصدك تزيد موّلع القلب توليع

اسهرت عيني و المخاليق هجاع
و ذكرتني خلٍ بعيد المرابيع

راعي جديلا فوق متنه ليا انداع
كنّه شليل اللي تتل المصاريع

لا جاء نهـارٍ فيه صايح و فزاع
و الخيل بـ اطراف الجهامه شواريع

بـ يومٍ مثل يوم الرحى عجه امزاع
نهار اخو نوضا يفّك المجاميع

مخلي سروج الخيل من كل صعصاع
عقايره سرد الرمك و المداريع

يدلي بهنديٍ لـ الارقاب قطاع
في روس ضده غادي له لعاليع

سيفٍ شقير و يامره قلب و ذراع
ضربه يطوع مخطي الدرب تطويع

كم راس شيخٍ دق به روبه القاع
خلّي عشاء لـ ذياب نجد المجاويع

بـ يومٍ على ضده مخاييله اتباع
نهار يفرق شملهم عقب تجميع

غيمه عجاج الخيل غاره و مرجاع
وشمسه بواريق السيوف اللواميع

يشيب منه اللي على الصدر رضاع
يوم العذارى ذاهلاتٍ مفاريع

لا والله الا صاحبي شـدّ نجّاع
بيني و بينه يهرف الذيب و يريع

عنه اتحرى العلم مع كل ذعذاع
انشد و لا عينت لـ العلم تسنيع

عليه اصابتني عواريض و اوجاع
و نار الغرام تميّع القلب تمييع

اتلى العهد به يوم مظهورهم زاع
جلع ضعنهم طلعت الشمس تجليع

بدوٍ يبون بـ شرقي النفد مرباع
لهم على اطراف الصداوي مراميع

راحو بعد حطو على الكبد مرقاع
عسى لهم من عقب الاقفاء مراجيع

لا حق زملوق الطواليع و انصاع
و اقفى خضار النبت حتى الطواليع

و الارض صفرا عودها و الثراء ضاع
واستبدلت عقب الخضار البلاقيع

و جونا تباريهم زعازيع الاقطاع
كنه يقلطهم عقيد الطماميع

اقفى الربيع و عودو للشفاء ارياع
لـ علّو نجد اللي هبوبه ذعاذيع

لا من نبت الصيف جاله تمرياع
و ضفا على هاك العبال المصاليع

اللي طويل عدودها عشرة ابواع
و قذالها مثل الطيور المواقيع

يزمي بهم طافح سرابه ليا ماع
كانه من القصدير ياخذ تلاميع

دار بها تركي و محسن و هزاع
من حبها مال الثلاثة مناجيع

ما كفت البره و جزعا و جزاع
واجنب جنوب ليا القهب والمجاضيع

و لهم على منثورة العرق مرماع
هاك النفود اللي غضاها مهانيع

اظني اضرب للغضي درب الاسناع
واشوف زوله عقب صد و تمانيع

من غير شوف العين ما نيب طماع
اذا حصل لو هو سلام و توديع

[جرّاح العتيبي @AL___9999]

أخذك الغرور لـ سكة الهجر لين أغراك
و طال الغياب و عن خفوقي تنكّرتي

لا يلحقك شك ويتعبك قلبك الشكاك
يا ملح الحياه و ملح قلبي و سكّرتي

أنا أسج مع طاريك وأسهر على ذكراك
متى أسجلك من كرت شايبك في كرتي

عشان أستعيد شعوري الحلو الاول ذاك
يوم ارسم خيالك و اكتبه في مذكّرتي

تبين الصحيح اللي على خاطري وعفاك
تسكّر طريقي فـ الهواء يوم سكّرتي

قرار إلجفاء صعب ويبي له وعي وإدراك
وانا أشوفك اخذتي قرارك ما فكرتي

وانا لو فقدت الذاكره مستيحل انساك
سكنتي بـ قلبي ماسكنتي بـ ذاكرتي :)

[الحاكم @_alhakm]

يقول خالد مبارك:

"من تهاون في صلاته ما تهنا في حياته
أنشد اللي ما تهاون وانشد اللي ما تهنا"

ويقول بعد:

صل الفجر و الظهر و العصر و المغرب
حتى يقول العشاء والله ان تصليني

#صلاة_الفجر

[العوازم من عتيبه @awazm_com]

عطر المجالس بـ قال الله و قال الرسول

قصيدة للشاعر : حسين بن عوض بن مفكر العازمي

[عبدالله السراهيد @Alsraheed]

لا حظّي شحيح ولا عزومي قليلة فود
لو آقصّ كفّي - ما تعذّرت عن ضيفي

على المنهج اللي وارثه من حياة العود
آوصّي شتاي يسلّم العهده لـ صيفي

تمرّ الظروف اللي تلاحي هبوب النود
وآوقّف لها " من غير " لا ينثلم سيفي

قدرت آنتصر والوضع ماهوب هاك الزود
أجل ( كيف ) لو إنّ الليالي .. على كيفي

[جرّاح العتيبي @AL___9999]

اخذ بي معك مشوار ياللي تبي مشوار
أنا ضعت و أزريت أتعايش مع ظروفي

نطّحني ذعاذيع الهواء و النسيم الحار
ما تفرق معي وانا أونس النار في جوفي

ولا تنشد علوم اخبار مابه علوم اخبار
ترا لي أسبوع أشيل قلبي على كفوفي

جريح المحبه ما يباعد مريض شهار
من يشوفه يقول يتعاطى و هو صوفي

حبيبي بعد ماغبت عني وش اللي صار ؟
تراني كثر شوقي عليك و كثر خوفي

عليك أتوجد وانجرح وانكوي و أغار
يا ويلي عليك و ياوجودي و يـ لوفي

من آخر لقى فالكوفي اللي ورى الدوار
شوفيني لي أسبوعين مااطلع من الكوفي

جمالك مهيب و طلتك تلفت الأنظار
في وصفك يضيع الفكر و الشعر ما يوفي

لو شفتك عليك الموفي اللي بدون زرار
يمديني تشافى خاطري و انطلق شوفي

وأخالف فهد قطنان فالذوق والأفكار
الزيتي ماهوب السيّد السيّد الموفي :)

[عبدالعزيز العبلان @azizalablan]

غلاها من غلا راعيها

[فارس عمر @Fares_Otaibi_]

مشاعر العشاق دايم من صراع الى صراع
لو ينتهي عمر المحبه ، ما انتهى مفعولها

اللي عيونه يمكن توصّلني .. لـ حد الضياع
صوته يحسسني بأمان من الليال ، وهولها

عذروبه انه يطوي احلامي مثل طي الشراع
وعذروبي إني ما اترك الأحلام ..! لين انولها

في كل يوم اثبت له ان الحاجه ام الاختراع
يوم اخترع لي سالفه عنده ، عشان اقولها

[بندر الدويش @bdweesh]

ايا قلبي اللي فيك غصه متى بتتوب
وتستوعب ان اغلى النعم منك زواله

مصيرك مصير الورد تظلّم بدون ذنوب
مع انه مهو باياة مخلوق يهدى له

تعجل بموته من ترده مع المندوب
وهو كان عقب ايام بيموت من حاله

@flowardCo

[عبد المجيد عوض @mffkr2]

ياحبيبة شاعرك درب الهوى مافيه خيره
والمحبه تجعل القلب الشجيع يجيه راعه

انهزم قلبي بعد واجه مفااتنكك الكثيره
والعرب قد قالو ان الكثره تغلب الشجاعه

[ظافر بن فرحان @zafr_frhan]

بان وجه الحفيف وقمت تتبع مراده
عندك مجامل الاخصام شي اعتيادي

انت من وين اخذت الدنفسه والقراده
وانت جدانك اللي يلطمون الاعادي

ماكذب من يقول النار ترّث رماده
واشهد انك رماده واشهد انك رمادي

لكن ليا استوت عينك وعين الجراده
فالعدو اللدود ؛ ولا الرفيق الحيادي

[سلطان بن عباس @su_abbas]

بسيطه طيحتك من عين شخصً مايعرفك زين
الاصعب والمصيبه لا عرفك وطـحت من عينه

[هايف بن ناجم @haif5]

عليك شوقي زاد يا سيـد الاحباب
ومعك شعـور الوصل ودّي اعيشه

استقبليني و افتحي قدمي الباب
و ان مافتحتي بدخل مْع الدريشة

[خالد عون @khalid_oun]

فرق عقليات.

[صالح النشيرا @saleh_neshaira]

بشرونا يالعسوس من العلوم الزينه ..

[بندر الدويش @bdweesh]

لو تشرق الشمس عقبك ماحسبته نهار
لو للجمادات نبض وللطيوف ألسنه

من طوّلت غيبتك مافــ الليالي قصار
كل الليالي بعدْك أطول ليال السنه