عبدالمجيد بن شداد💙.

[قروب شعر @Group_she3er]

ماعاد نبغى من العالم تسد اللزوم
ياكبر معروفهم لا سدو حلوقهم

[معكاز | شعر @M3kkaz]

من عطاه الله محبة فـ القلوب
أشهد أن الله معطيه .. الكثير

جعلني لاجيت للناس محبوب
وجعلني لاغبت .. مذكورٍ بخير .

[معكاز | شعر @M3kkaz]

شعر عن نكران الجميل

ياما بذرنا الطيب في راعي الطيب
وفي جاحد المعروف ياما بذرنا

ولا عندنا للي جحدنا مطاليب
قد جاه من جوداتنا ماعذرنا

ياما غديناله قصور ومعازيب
وبظلالنا ياما عليه انكسرنا

نشب ضارين على الطيب ونشيب
متجملين ولا الجميل يعسرنا

واليا وردنا صافيات المشاريب
في جمة الماء مارمينا حجرنا

وان طاحت الهقوات مثل المشاهيب
حنا مثل ولد الكحيله طمرنا

اما سرحنا وانتشعى المضاريب
ولا سرينا تحت غرة قمرنا

والى بدى اللازم فلا يمكن نغيب
ونجمل اللي ماحضر لي حضرنا

عسى سبايل لحيته للعراقيب
اللي قصر عنا وحن ما قصرنا

واليوم قد الاوراق تحتاج ترتيب
عقب العلاقات الكثير اختصرنا

بذر الوفاء بالنذل ينبت عذاريب
لا ياخسارة بذرنا اللي بذرنا .

[قروب شعر @Group_she3er]

اسمها دنيــا ولا فيها كـبير
والكـبير الله . . ولا غيـره أحـد

في نهايتها الغنـي مثـل الفقيـر
كلهم نفس الكفن نفس اللحد

[معكاز | شعر @M3kkaz]

راس مالي في الحياة الطيبين
الي على وضح النقا دستورها

النهج واضح لا يسار ولا يمين
والوجه واحد لو تشين امورها .

[جابر النشيرا @jaber_nshera]

لو بينك وبين بعض الناس عشرة عمر
ماتسلم من الظنون اللي يظنونها

الشجرة الطيّبه لو هي قليلة ثمر
اخير من شجرةٍ ماتثمر غصونها

يـ اصحابنا كان فيكم من يهمّه لـ امر
لاتفتقون ( الجروح ) ولا تخيطونها

تجاوزو كل شي الا الخطوط الحمر
مهما تكون الميانه لاتعدّونها

[شعييل @0ickk]

لو ان خساراتنا: اكثر من مكاسبنا
كل الخساير « تهون » الا مبادينا .

- عبدالله السراهيد

[شعييل @0ickk]

«لا تدور كريم ،، ولا تدور شجاع
دور العاقل ويطلع شجاع وكريم»

- محمد المقحم

[معكاز | شعر @M3kkaz]

الرزق عند الله .. و انا ماني بـ قلق
ما دام ربي .. كافلٍ لي مصيري

يالله برزقٍ اسرع امن الهوى الطلق
من كثّرت ابركته اشوفه بغيري .

[قاف @Qaf_96]

"مثل ما للخصومة شان يبقى للفضيلة شان
مانيب اللي تخونه شيمته لامنّ نقص وده "
- عويد النجود

[ᵂᴼᴴᴱᴴᴬᴶ @3ijx_]

بشّرو راعي الصبر حلمه قريب
لو يطول الوقت لا يفقد رجاه .

[𝓐𝟔 @ii26ic]

~ مسآء الخير

مثل مايمر الطيف في سجة الساهين
تمر أجمل أحدآث العمر دايماً عجله

[شعييل @0ickk]

«اللي عليّ الأجتهاد .. أما القبول
سبحان من يعطي القبول لمن يشاء»

- عبدالله السراهيد

[جابر النشيرا @jaber_nshera]

لاعاد تشكي علي من جرحك الدامي !
واحلامك الي عجاج الوقت دافنها

شفني لازلت ابتسم واجدد (احلامي)
مع انّها ماتحقق / واحد منها !

[معكاز | شعر @M3kkaz]

نعيش الحياة .. ومانبي الإ : سلامتنا
لنا بالظـواهـر .. مالنا في : خـوافيها

لو الناس في بعض القناعات لامتنا
ترى آهـم حاجـة فـ الاوادم : مباديها

على كلّ حاجـة نصبـر .. الإ كرامتنا
هي الحاجـة اللي ما نساوم حدٍ فيها

[شعييل @0ickk]

«انا اللي مخليني ما ادقق على الرديان
اخاف اتحرص واتردى مع الطيب»

- محمد المقحم

[عويد النجود @owaid_123]

" بساط الحزن "

مستحيل ترجّع الدنيا مكانة شخص غالي
ساعة انه طاح من عيني مثل ساعة وفاته

[محمد عايض ابن هندي @m7an1]

معرفة بعض الرجاجيل بنك ورأس مال
عندي احسن من التجاره وروس اموالها
عايض بن هندي

[عايض بن هندي @abinhndi]

ياللي تجيني كل يوم بقصه
ماني على شذب المقفين ضاري
على طريقك كل غصن تقصه
واصل وتلقا لك ملف اجباري
لو ينشغل لانسان فيما يخصه
ماشفت كل في ضميره طواري
انا عطيتك كل يومين حصه
درس رواه الترمذي والبخاري
متى تعدل والعمر راح نصه
والنص لاخر فيه بايع وشاري
عايض ابن هندي