محمد بن ماجد الدويش

[بندر الجلعود @Bandaralgaloud]

💚 الله يحفظك سيدي 💚

[بندر الجلعود @Bandaralgaloud]

الله يحفظك سيدي
💚💚💚💚

[بندر الدويش @bdweesh]

عيون الامة على محمد وريث الشداد
اللي مع المجد له سيره وحبلٍ جويّد

اللي زرع حبه الله في قلوب العباد
عليه الامال والله يفعل اللي يريد
#ولي_العهد_الامير_محمد_بن_سلمان‌

[محمد بن ماجد الدويش @mmf_210]

#الرياض_إكسبو2030

[بندر الدويش @bdweesh]

#عبدالعزيز_بن_سعود_بن_نايف
#وزير_الداخلية @AbdulazizSNA

اصوك الراس تامن بك شعوب وطوايف
ومابه سعودي الا في سموك يماري

قيمتك بالصدور وهمتك بالنوايف
وجدك اودع مناعير النشاما حباري

اخو نوره وجدانك معزي ونايف
مايهزك كلام اللي من الطيب عاري

[بندر الدويش @bdweesh]

#كعبة_العشق

[بندر الدويش @bdweesh]

تباهي وغني واضحكي لايهمك شي
لامالت ظروفك فيك لك من يعدلها

بتلقين لك في جوف قلبي براد وفي
هنا منزلك والناس تعرف منازلها

ماتقدر تزعلك الليالي وراسي حي
لو تزعلك سود الليالي بزعلها

[سعود الشطيطي @s3ud_500]

'

لو احرقتك الذكريات
ولاعاد لـ اغصانك ورق

انا من الاربع جهات
في كل الايام أحترق
'

[بندر الدويش @bdweesh]

#نصف_الليل

[هداج @iiHADAG]

هذا مزاجي .. وهذي بصمة ابهامي

[سعود الشطيطي @s3ud_500]

'

تقهوا من المجد وتراكا على الامجاد
وشعبيته فالشرق الاوسط وفالعالم

يقود التطور مثل جده يوم إنه قاد
خيول المعارك لين طوّع بها الظالم

يدير الامور ببيته المبني المنقاد
مثل ماعليه يدور فنجاله الوالم
'

#مجلس_الصياهد

[سعود الشطيطي @s3ud_500]

'

الرزق والتوفيق ماهو بالسلاح
في يدين من حمل السحاب يفيّضه

والحظ تلعب به ذعاذيع الرياح
ياتروّضه باللعب ولا تريّضه

اليا انسدح حظك ف لا يمك نجاح
واليا وقف لو معك ديك يبيّضه
'

[جرّاح العتيبي @AL___9999]

والله ان بعض المداهيل للعاشق دمار
ذكريات ٍ تشلع القلب و تـكّ النسم

كل ما سجيت عنها ذكرت وجيت مار
ورحت منها دمع عيني مثل وبل الوسم

يتمادى صوبي الضيق و افك الزرار
و اتنهّت و اتذكّر و اهوجس و ابتسم

اقنعي يانفس بالبعد و اللي صار صار
ودي انها تزين لكن ربي ماا قسم :)

[بندر الدويش @bdweesh]

الله كريم وراح خير ويجي خير
ومانشتكي والقل ماينتطرى

نجابه الدنيا سواة المناعير
وجيوبنا منها الدراهم تبرى

نستر وجيهٍ ماضرت للمعاذير
ويلومنا اللي منسدح ويتزرى

[جرّاح العتيبي @AL___9999]

قامت الدنيا تمادى و تعطينا عروض
يالله توفيقك و عفوك وسترك والنجاه

ندري ان العمر محدود والدنيا حظوظ
وثمرتها السيره المستقيمه و الصلااه

وانت ياللي بارق الحزن في عينك ينوض
العرب ما من وراهم لا فقر ولا غنااه

خل في شخصيتك لو شي من الغموض
لاتصير كتاب مفتوووح من مرّه قراه :)

[بندر الدويش @bdweesh]

احسبوني صف ثالث مهو ضمن الصفوف
انا لاواقف معاهم ولا واقف معه

ماترجيته وانا اعاني من اقسى الظروف
خل عاد ارجيه هالحين والدنيا سعه

[هداج @iiHADAG]

نطحنا الحياه بكل قوّه بدون سلاح
واهنّا جباروت الزمان بـ كرامتنا

علامة رضانا بسمةً كنها المصباح
وزعلنا .. حمَار عيوننا هو علامتنا

لنا الارض مفرش والسماء والسحاب وشاح
على العز غني واطربي يا حمامتنا

انا نوب اقول الله خلقنا بعشر ارواح
على كثر ما جانا من الوقت ما متنا

[هداج @iiHADAG]

يعيش الحب ويعيش الولَه ويموت كل فراق
لنا الله ، ما انتهينا يالغرام .. وحبّنا ، باااااقي

صباح الخير من قلبً لحوح وخافقً مشتاق
انا مع كل صبح اقوم .. واعبّر عن اشواقي !

[مزيد الوسمي @mzed_9]

عطني جديد شعورك أنا دايماً عندي جديد
ترى الملل يجرح تفاصيل الحياة الفانيه

إلى متى وانا اتصدد كبر وابادر قصيد
واشتاق بالساعه، وبالدقيقه، وبالثانيه

طحت بخطا مرّه وتبت وتوبتي توبة بليد
في شرعه يجوز الخطا مرّه ومرّه ثانيه

[سعود الشطيطي @s3ud_500]

'

اللي ماهو رجال ماهو برجال
حتى لو انه من شيوخ القبايل

'