مُبتغى

هذا مكاني مرّني كل ما أشتقت

[مُبتغى @mobtagaa]

-سُبْحَانَ اللّٰهِ
-الحَمدُللّٰه
-لاَ إلَه إلا اللّٰه
-اللّٰه اكبَر
-لا حَول ولا قوة الا باللّٰه
-استَغفرُاللّٰه العظيم وأتوبُ إليهِ

[مُبتغى @mobtagaa]

يا حبيبي ما رضيت أعاتبك " على برودك "
ياكثر ما قلت لك طيّب و أنا مانيب طيّب

كل نسمه ساقها الرحمن من مربى جدودك
ما تنفّست بـ هواها العذب من غير اتطيّب

- عبدالله السراهيد

[مُبتغى @mobtagaa]

أحبك وان عصيتك من هوى دنيا وقلّة دين
تمثناني شعور الخوف من راسي لعرقوبي

دخيلك لا تخليني لحالي ، لـ الزمان الشين
أنا مالي صبر عن رحمتك، لو صبري ايوبي

تولّاني بـ عفوٍ ، ( يعتق رقبتي ) بـ يوم الدين
وهب لي من لدُنك اللي يبدّد وحشة دروبي

@mohmdalathbh

[مُبتغى @mobtagaa]

سلام يا ارض الكويت وشعبها بيت بيت
من الخليج ودوله الخمس وشعوبها

وانا سعودي ولك عهداً علي ماحييت
كلمة فهد عهد واخوانه تواصوبها

لاتزعلين انتي الاجمل مكانه وصيت
ياديرة ٍ شع نور الخير فـ دروبها

اول ماتشرق عليه الشمس وجه الكويت
تبسمت لين بان النور من صوبها
🇰🇼❤️🇸🇦

ناصر الحمادين

[ASK KUWAIT @AskAboutKwt]

شكراً أبطال الجيش الكويتي
شكراً أبطال الحرس الوطني
شكراً أبطال وزارة الداخلية
شكراً أبطال الصفوف الأمامية

[مُبتغى @mobtagaa]

بعد إعتزال الشاعر مشعان البراق عن الشعر
عوّد و كتب هذي الأبيات بعد ١٥ عام :

اليوم مرتني تخطى بالأقدام
عدت علي كنها .. ما عرفتني

ماكنها اللي خلت ضلوعي حِطام
ولا كأنها اللي قبل أسافر بكتني

مدري عرفتني بعد 15 عام
ولا إنها بعد ماكبرنا نستني !

[مُبتغى @mobtagaa]

متى تقبل وأعيد اجمل تفاصيل العمر حولك ؟
" اشوف إني وحيد وحولي العربان ملتّمه "

انا اللي عقب فقدك كل زولٍ احسبه زولك
مثل طفلٍ يحسب ان كل من تلبس عباه .. أمه

- مبارك بن وافي

[مُبتغى @mobtagaa]

إن جيت صار العيد عيد المحبين
وإن غبت صار العيد عيد الضحيه

_خالد مبارك

[مُبتغى @mobtagaa]

خفّي أحاسيسك وخفّي ظنونك
في حالي ومالي وزيني وشيني

ماجيت أحسّن صورتي في عيونك
أنا رجل من قبل … لاتعرفيني

@mynoanswer

[سبّيع . @subiie7]

غلاك أكبر على الواقع من الشرح و من التعبير
ليا شفت المشاعر ماتوصف قدرك !.. اعذرها

على طاري غلاك .. الله يمسي طلتك بـ الخير
ياحلو الليله اللي في ملامح وجهك .. اسهرها

- ناصر بن مفلح / @nassre_

عطوني وش تحفظون للمبدع ؟

- امتعونا ..

[مُبتغى @mobtagaa]

متى تقبل وأعيد اجمل تفاصيل العمر حولك ؟
" اشوف إني وحيد وحولي العربان ملتّمه "

انا اللي عقب فقدك كل زولٍ احسبه زولك
مثل طفلٍ يحسب ان كل من تلبس عباه .. أمه

- مبارك بن وافي

[مُبتغى @mobtagaa]

يا ربّ قبل العيد فرحة و نوماس
اقصى طموحاتي وغاية وجودي

اعايد الغالين و أهنّي الناس
على زوال الفارسي واليهودي

@3lipoet

[مُبتغى @mobtagaa]

عيّشت عقلي طول مسراها بـ سكرات البهوت
و حملت قلبي من شعور الحٌب مايستحمله

عقب انقطع حس المواصل واللقى صوره وصوت
ماكنت ادور حل .. كنت ازيد شر المشكله

عن الكلام اللي يرد الحب؟ فضلت السكوت
قد قالو ان الصمت لحظات الفراق الاوله

- خلف المسحمي

[فالح بن غشام @Faleh_002]

ثلاثة أيّام راحت بك ولا رجّعوك
يا قافي اللّي من بحور الخليل يغرف

يـ الله بـ عصماً مجانيها مجاني ملوك
في صدر الأبداع تقلط ما تقلّط طرف

لو ما اغنم من قصيدي غير لا فض فوك
شهادة المنصفين اكبر غناة وشرف

يزفّها الليل لـ الوجه البشوش الضحوك
بنتً لها القلب منزل و الحنايا غُرف

نجديّة المنسب اللي بـ السحاب أوجدوك
يا كم شقا بك خفوق و كم بكا لك طرف

اذهلتي انصار شعار النبط واذهلوك
في وصف عودن تمايل بين ضيق وترف

يا مطيّرة عقل مثل افعال جدّك وابوك
محاسنك حولها استفهام ما تنعرف

ان قلت عينً وسيعة فيك خصر محبوك
بـ المختصر لو بحصر اوصافها ما أعرف

غير انك أبداع مالك شبْه لو شبهّوك
ويحبك القلب لكن ما قوى يعترف

[مُبتغى @mobtagaa]

تجنّب هواجيس المفارق قدر الامكان
تراها تنزّل دمعتك و انت .. ما تدري

- علي مسفر

[مُبتغى @mobtagaa]

يفز قلبي كل ما تابعني حساب جديد
و أدخل عليه أربه المطلوب و أرجع في كمد

أما طلع من بيشه و شهراني و راعي قصيد
و إلا طلع مري و من دولة قطر أسمه حمد

- خالد مبارك

[مُبتغى @mobtagaa]

اللي تبينه على خشمي و جعله فداك
و الطعنة اللي تجيني من يدك جايزة

إن كان هذا تغلّي ؟ ما يغرّك غلاك
و إن كان هذا تحدي فـ أنتي الفايزة

_ سعود مبارك

[مُبتغى @mobtagaa]

لامن زعلت القى على الضيق هادم
هو حلو هرجك ولا يحلا لاجاء منك

حواء وطنها ضلع واحد من آدم
وانتي ضلوعي كلبوها مواطنك

@Piilz2

[مُبتغى @mobtagaa]

يامرحبا يا عجب عيني وإنا ويش ابي
إلا وجودك ياراع الوقفه الفارقة

هذا حزامي وأخوي حشاشة امي وابي
يجعلني ما اعدم زوله، ولا افارقه

- علي الدعية

[مُبتغى @mobtagaa]

وينك الحين ياللي صرت صوت وصدى
لـ البيوت القديمه .. و البيوت الجداد

كل شيٍ على حطّت يدك .. ما عدى
ضحكي شوي قل وحبك شوي زاد

- خالد بن مبارك

[مُبتغى @mobtagaa]

مرحبا كيفك؟بعدها وش نقول؟
تختنق كل العلوم .. الباقية

والسؤال اللي يدور لـ الحلول
فـ الغياب انتي وش انتي لاقية؟

- ناصر الحمادين