« تركت الي نصحني عنك والفتك وانا منصوح
تمنيتك وجيتك مانصيت الي .. تمناني
وكان انك بعد هذا الشعور المنتثر بتروح
على شاني طلبتك لا توادعني .. على شاني
بيبقى جرحك المدمي ولو ان الجبال تزوح
وبقوى الناس لين تجيبك طاري وتقواني »
- هاني حمّاد
يالمترف اللي عليك انقى بيوتي تغار
عيد الفطر مر عادي في عيون الحزين
ما عندي الا قصيدٍ يجهل الاختصار
بالذات لا صار فيك يصير الاسهاب زين
عيد الضحية وصل والقلب بالانتظار
اخاف يصبح ضحية ذكريات وحنين
انا لو احلامي من اوّل بوصلك كبار
ما عاد ابي غير يا جعلك من العايدين
مشاعري ما لها غير المحبة شعار
والعقل عودٍ ماغير يردّد الله يعين
اهزم تغلّيك لا يشعرك بالانتصار
هزيمة الحب نصر وطاري البعد شين
خير الدعاء دعاء يوم عرفه ، وخير ماقلت انا والنبييون من قبلي : لَا اله الا الله وحده لا شريك له وله الملك وله الحمد ، وهو على كل شيٍ قدير )
حديث الرسول صلى الله عليه وسلم 🤍🤍
تغفين وانادم خيالك منادم
اعيش في حسنك واعدد محاسنك
سافي المزاعل ما حصل له مرادم
من ملح وجهك ولا من طيب معدنك
فالكون ياكثر الفرص والاوادم
ولامن ذكرتك ماحد ايسرك وايمنك
لامن زعلت القى على الضيق هادم
هو حلو هرجك ولا يحلا لاجاء منك
حواء وطنها ضلع واحد من آدم
وانتي ضلوعي كلبوها مواطنك
هاني حمّاد