mohmdsamir

Architect | Engineer | Student | where there's a will there's a way | نشوف نص الكوبايه مليان اولا بعدين النص التاني نملاه ازاي | Zamalek 88 | Liverpool 98

[mohmdsamir @mohmdazzaz]

١٥ سنه هنا حصل فيهم كتير...ثورتين و تغيرات كتير لدرجه مرعبه .. حلو و وحش .. لو لسه حد مش شايف عجله التغيير بتتحرك و ماشيه لقدام..يرجع ١٥ سنه كمان قبل ال ١٥ دول و يفكر بهدوء يمكن يحس..
#MyXAnniversary

[Sami @Muneeb1111111]

الله ورسوله بريئين من هذا اللباس،، ،،لم يأمر الله بتغطية الوجه والشعر في أي آية من القرآن ولا حتى في اي حديث صحيح ولا ضعيف...

[Premier League @premierleague]

There are 265 Premier League goals and 213 Premier League assists in this photo.

[mohmdsamir @mohmdazzaz]

@MokhtarGeo1981 @AhmdAlish كلام سليم و الدوله مدركه ده و بتعمل الصح و المراجعه دي من سنوات تدريجيا..

[mohmdsamir @mohmdazzaz]

مشكلتنا دايما كانت التذبذب اللي بيحصل في الحاله الذهنيه و الاستعداد النفسي للاعبين من مباراه للتانيه..اي حد هايعرف يسيطر علي ده و يحافظ عليه هانشوف افضل اداء من منتخبنا..

[mohmdsamir @mohmdazzaz]

@__H_A_L_A__ بجمله باءه..!! 😀

مابقيتش طايق موجه توقعات حديقه الحيوان اللي اجتاحت العالم دي..!!!

[Loay Alkhteeb @LoayAlkhteeb]

عايزك تتخيل لو واقعة زي سرقة معدات منتخب إنجلترا، حصلت في دورة رمضانية في مصر مش في أمريكا اللي بتستضيف كاس العالم.. كان هيتقال ايه؟

طبعا ده شيء وارد يحصل في أي دولة، بس لما أي حاجة واردة في أي دولة بتحصل في مصر، لازم تتحول لفضيحة ومكايدات وشرشحة، علشان تقتنع إن انت كمواطن عايش في مزبلة مش في بلد لحد ما تفقد الأمل وتنزل تطربقها..

بس الحقيقة، إن العالم الواقعي فيه حوادث من كل شكل ولون، والحقيقة بردو إن ترامب شخصيا لما جه مصر كان بيشيد بالحالة الأمنية وشايف إنها أحسن من الدولة اللي بيديرها كمان، فمن حقي ومن واجبي كمواطن إني أبروز ده من غير ما أي مختل يتهمني بالتطبيل، أو يطلع عليا عُقدة الخواجة اللي بتخليه يشوف كل حاجة برا مثالية.. اهي ماطلعتش مثالية.. اهدى بقى وعيش معانا على الكوكب!

[mohmdsamir @mohmdazzaz]

@abosalaharena التبديلات

[mohmdsamir @mohmdazzaz]

@eltwell_7 بلاش الزمالك يتحط ف اي جمله غير مفيده 😅... مستغربين الاختيارات و فكر المدرب و دمنا بيتحرق ف الماتشات من مدربين كتير و اللي بيعملوه ... بتوع بنكره مصر و مش هانشجع مصر دول ٩٩٪ اخوان مالهمش ثالث..!!

[Habiba @HabibaAzazy]

يعني لما تقولوا انا مش بشجع المنتخب وتدعوا نخرج بفضيحة انتوا كده روشين؟

[شيري @TrueXela]

دي فكرة سيئة جدا ! بافتراض حسن النية ✋ ما ينفعش تبقى كل محاولات توفير بيئة آمنة للبنات في الفضاء العام يبقى الرد عليها بعزلهم عنه ! لو قدرنا نوفر عشر ميكروباصات بينك هتبقى بتحرض على البنات اللي بتركب الخمسميت ميكروباص عادي عشان هيبقوا يستاهلوا عشان اختاروا يركبوا مع الرجالة !

[mohmdsamir @mohmdazzaz]

السؤال الاستفتاحي ده لوحده مع الجمله الختاميه الاخيره بتمني الخساره...يغنونا عن قرايه باقي الموضوع..!!! ايه كميه الكراهيه او المبررات اللي تخلي مواطن مصري مايشجعش بلده في اي منافسه عالميه !! رياضيه او سياسيه او اقتصاديه او بيئيه او حتي في صناعه المهلبيه ؟!
هل ده كره الوطن و الفرحه لمده ٩٠ دقيقه مثلا لمجموعه ملايين من المصريين ؟!!
ولا كره للمه البيوت حوالين التليفزيون و علم مصر ف الشوارع و حجم الفرحه لو جبنا جول ؟!
المصريين فاهمين و عارفين يفرقوا بين حبهم العام المطلق لبلدهم و كرههم لباقي المشاكل اللي بيعانوا منها
ولا دي كراهيه للحدود و الاوطان و مواطنيها بشكل عام ؟

[كريم بيدريستا @yl3nkosomaraujo]

ايه اللي يخلي واحد مصري يشجع منتخب مصر؟
هل اللاعيبة دي مننا؟ لا كلهم بيلعبو كورة واسطة و بفلوسهم ومحدش فيهم قريب من الجمهور
هل الطاقم الفني و اتحاد الكورة بيحترم الجماهير دي؟ لا برضو ولا عاملهم اي اعتبار بيختار لاعيبة من دماغه و قرارات متخلفة محدش راضي عنها لارضاء ناس بعينها
هل طيب المنتخب ده شبهنا؟ لا خالص ده كل اعلاناتهم في للعاصمة الادارية الجديدة مفيش حاجة تلمسك و تاثر فيك كمواطن في الشارع و بتعاني زي اغلب الشعب
هل تحقيق مصر لأي حاجة ف البطولة هيفيدك كفرد؟ لا بالعكس هيتحسب انجاز من انجازات كتير عبيطة و مش بعيد تصحى تلاقي البنزين غلي ٢ جنيه ولا حاجة

عشان كدا من كل قلبي اتمنى خسارة منتخب مصر ال٣ ماتشات بفضيحة اسوء من بنما ٢٠١٨ باذن الله و تبقى اسوء مشاركة عربية افريقية في تاريخ المونديال و ميسجلوش ولا هدف ❤️

[Lina @Alina1er]

واحد ارائه كلها داعم فيها التحرش بالبنات وبيتكلم علي لبسهم ويقول "ما لازم يتحرش بيهم و أنه هو نفسه بيعاكس البنات" ممسكينه مدير الكرة النسائية؟!!!

[mohmdsamir @mohmdazzaz]

@RedPoseidon1958 @AhmadMHany اول حاجه جت في بالي و اقرب شكل بس ده اثنين ذيل !
هو ايا كان مين شايف ايه بس التكوين كله و الخطوط و الشكل المبعجر ده كان يستحق شويه تأمل و تفكير قبل ما حد يعتمده..!! غالبا ماحدش بيبص علي حاجه و كلها ماشيه بالواسطه او المحسوبيه حتي لو علي حساب اي حاجه و اولهم الجمال و الذوق !!

[mohmdsamir @mohmdazzaz]

@Sabraham__ مابقاش فاضل كتير ف ال common sense او الذوق العام او معرفه الفرق بين العام و الخاص و الحلو و الوحش..!! في حاجات كتير زي كده بقت تحصل بتضرب اي منطق !! هو مافيش حد بيحس باحراج طيب !!

[ماهر فرغلي @maherfarghali]

اعترف أحد المتهمين واسمه محمد رجب أنه استلم قرابة 30 مليون جنيه عن طريق شركة بالكويت تعمل في مجالات تجارية مختلفة، وهي إحدى الكيانات الاقتصادية التي تعمل بمجالات الاستيراد والتصدير وصناعة العطور والدواء، مضيفاً أن عناصر الإخوان انضموا إلى جمعيات خيرية، ومكاتب استشارية هندسية ومحاسبة تابعة لهم في الكويت، متخفين حول نشاطاتهم لجمع معلومات اقتصادية وسياسية لدراسة متطلبات الأسواق العربية اقتصادياً، ودراسة المؤشرات لعدد من الدول.
يقول عضو الجماعة السابق (طـ. أ) في تصريح خاص: إنه صدرت لهم أوامر صارمة من الجماعة بعدم تحويل أي أموال عبر البنوك لأسرهم في مصر، وأن يسلموها إلى رجال أعمال مصريين في الدولة التي يقيمون فيها، على أن يقوموا بصرف قيمة تلك الأموال لأسرهم بالجنيه، وذلك للاستفادة من فارق تحويل العملة.
وتوصلت الأجهزة الأمنية إلى وجود 3 شركات كبرى تستحوذ عليها الجماعة وتستخدم عائداتها في الإنفاق على أنشطة التنظيم وعناصره، وأنهم داخل مصر اتبعوا 3 مسارات معقدة للنشاط السري للتمويل، تمثل المسار الأول في استخدام شركة الصرافة العاملة بإحدى الدول العربية لتهريب أموال التنظيم القادمة من الخارج لعناصر الداخل، عبر تحويل مدخرات العاملين المصريين المنتمين للجماعة، وأما المسار الثاني أكثر تعقيدا من عمليات التحويل المباشر عبر البنوك وشركات الصرافة، إذ تضمن تجميع أموال من بعض الشركات العاملة داخل مصر الراغبة في استيراد سلع عبر وسطاء التجارة، وتسليمها إلى عناصر الإخوان الهاربة داخل البلاد، ومن ثم استبدالها بمبالغ مالية يوفرها الإخوان بالخارج كمعاملات تجارية لصالح هذه الشركات في بعض الدول العربية والأجنبية، وبالتالي تدخل قيمة البضائع المستوردة لصالح التجار المصريين في خزينة الجماعة لدعم الأنشطة.
كما تضمن المسار الثالث إجراءات لاستثمار الأموال المتحصلة من عمليات التهريب من الخارج، عن طريق شراء مجموعة من المحال التجارية، وتخصيصها في مجالات تستخدم غطاء لغسيل تلك الأموال، مثل مجال تجارة العطور الذي يتم عبر دول مختلفة، وامتلاك العقارات والوحدات السكنية وبيعها بأسعار أعلى ضمن نشاط تجارى لإحدى الشركات الإخوانية.
وقد استهدف الإخوان من تأسيس هذه الشركات في الخارج التغلب على إجراءات الأجهزة الأمنية، في مجال رصد وتتبع مصادر تمويل عناصرهم، واختراق منظومة الرقابة على الأموال المتدفقة من الخارج، عبر تحويل هذه الأموال إلى رجال أعمال غير منسوبين للجماعة، عبر عمليات تحويل مالية بنكية، وأنشطة تتخذ الطابع التجاري عبر دول مختلفة للتمويه، والعمل على توفير غطاء مالي لدعم أعمال التنظيم.

[mohmdsamir @mohmdazzaz]

عندي سؤال في نقطه ليه بنقول (نصب) و ضحك عالناس و اشتري منهم بسعر قليل و رجع باع اغلي و كسب ؟ مش دي تجاره و شطاره ولا بيضربهم علي ايدهم ببلطجه و يبيعهم تحت اكراه السلاح ؟ فكره النصب فين ؟ او مخالفه القانون...؟

بغض النظر عن لو كان عمل بلاوي سوده تاني غلط بالفلوس اللي كسبها..

لكن نقطه الشراء و البيع دي فين الجريمه اللي فيها ؟ محتاج افهم بجد

[mohmdsamir @mohmdazzaz]

من الناحيه التانيه الناس بتخاف هاتتضرر لو التضخم زاد و سعر البضاعه غلي و قيمه الدعم فضلت ثابته.. الموضوع حله بسيط ان القيمه تزيد و تتربط بسعر الزيت و السكر و العيش ف السوق.. عشان تفضل النسبه ثابته..

[mohmdsamir @mohmdazzaz]

فكره تحويله لدعم مادي ان الناس تاخد بدل فلوس الحاجات دي تشتري بيها اللي هي عايزاه
الموضوع اولويه و مهم و بيدرس من ايام الثوره او قبلها بس كان بيتأجل عشان في ناس بتزعل و بتدبدب منه و الحكومه كانت بتخاف تزعل الشعب ف الحته دي

[mohmdsamir @mohmdazzaz]

@Sabraham__ @karimshokry66 الدعم المعنوي حاليا ف مصر حاجتين علي بطاقه التموين :
( ازازه زيت ٨٠٠ مللي و كيلو سكر ) بقيمه ٥٠ جنيه للفرد
و العيش ١٥٠ رغيف عيش للفرد ف الشهر

[mohmdsamir @mohmdazzaz]

من ناحيه اقتصاديه هو ليه مزايا وعيوب حسب اولويه القرار عند اللي هاياخده...
ان الناس تاخد الفلوس هايوفر عالدوله مصاريف نقل و تخزين و توزيع التموين و تهريب السلع و ااسوق السودا ( زي الدقيق مثلا ) و يقطع طريق الفساد شويه