ولٱدة

اقتصادية نحب السينما وماركيز وغادة السمان..مهتمة بالأفكار مش الأشخاص..#فيمنست..#الجنسية_لأبناء_الليبيات..
#يسقط_النظام_المركزي

[ولٱدة @mona9ze]

التويته هذي حنخليها ثابته في حسابي..أنا نسوية (فيمنست) مؤيدة للفيدرالية وياسلام لو كان إنفصال ضد القبيله وضد طبقية المدن الوهمية نكره معمر والقومية والأيدلوجية الدينية وضد كل المليشيات وضد سيطرة الجيش على مفاصل الدولة...حبايب أنا وياك مايعنيش اني نراعي مشاعرك قبل ما نكتب رأيي♥️♥️

[ولٱدة @mona9ze]

اظن اني السنة خذيت جرعتي من الخسائر ومن الهزائم برضو...فقدت ايماني بحاجات واجده إلا ايماني بالكلمة...
ابهظ شي يدفع ثمنه الانسان وتبي مخزون هائل من الجهد والمقاومة و القوة...يعوين اللي ربي عطاه لهم...

[ولٱدة @mona9ze]

@IdrisBasit4 معاش تستبعد شي...
13 سنة علمتني مانكذب شي ومانصدق شي و ان أحقر حقبة مرت ع الأرض هذي عايشين فيها توا

[ولٱدة @mona9ze]

ابادة لجبلنا...
يمسحوه بناسه بهويته بتاريخه بآثاره و يخلوه فاضي تمهيداً لمشروعهم الجاي...

[منصور عاطي Mansour Atti @MansourAtti87]

@mona9ze والحكومة ما تبيش تعطي تصاريح لفرق الخبراء الدولية التابعة لليونسكو ، عشان يقيموا الأضرار ، ويقدموا مساعدات

[ولٱدة @mona9ze]

مياه النبع اختلطت عليها مياه الصرف الصحي و الشغل بمجهودات ذاتية ومصلحة الآثار ما وفرتش حتى بالة و مكنسة للعاملين بالموقع... الاحجار الرومانية والاغريقية اختلطن ببعضهن و محتاجين شغل دولي لإعادة الترميم و حفر مسارات جديدة لمياه الأمطار قبل ما يفوت الآوان...

[ولٱدة @mona9ze]

حجم الأضرار في المنطقة الأثرية (نبع أبولو) رهيبة ومخيفة..
شارع الوادي طوله 400م جميع المواقع الأثرية الواقعة في مساره (15 موقع) تضررت بشدة..
السور الروماني انهد، وحمامات اغسطس وترجان غرقن بالطين، وقنوات التسريح الرومانية انسدت يعني المطره الجايه حتكر الأثار وتدردحهن م الجبل..

[ولٱدة @mona9ze]

@MansourAtti87 عصام المنفي قال المطره الجايه حتاخذ الآثار وتعزقهن من الجبل... مسارات الميه كلهن متصكرات يعني الميه حتغرق الدنيا و مسؤول مصلحة الآثار جا تباوعهم و طلع يجري حتى باله ومكنسة ما وفرها وهم يبو كواشيك صغار وشغل ترميم

[ولٱدة @mona9ze]

@MansourAtti87 يارب

[ولٱدة @mona9ze]

المطر قعد ايخوف...

[ولٱدة @mona9ze]

@GenderObs تمام حذفته
وان شاء الله ربي يفرجها معاش عندنا جهد لشي

[ولٱدة @mona9ze]

@BMajbry يديروا تحقيق دولي والتحقيق حيوضح اذا الكلام حقيقي ولا لا

[ولٱدة @mona9ze]

دمروا جبلنا..قتلوا هلنا و شردونا و يتموا عيالنا..
ضنا الجبل امطوحين ف البحور والوديان وهم ايتقاسموا في عقود الاعمار و يدسوا علينا في عدد ضحايا فسادهم..
إدارة ازمة هلبت مرحلة الفشل و وصلت لمرحلة القذارة والانحطاط..قمع و تضييق وتغييب وتبونا نثقوا فيهم؟؟
#نبو_تحقيق_دولي

[Noura Eljerbi | نورا الجربي @noura_eljerbi]

طافي يادرنه قنديلك .. لو نحكيلك .. عالسيل االي شال عويلك ...

طافي قنديلك يادرنه ... وين اخسرنا ... ناس عليهم ياما درنا ....
انكسرن بالحيل خواطرنا ....
شدي حيلك .... خلي ديما الله وكيلك

طافي قنديلك بكانا ... دمع خذانا ... مالحزن اللي طال معانا ....
لكن ندعو في مولانا .... اينور ليلك ... تزهي يادرنه بعويلك

طافي قنديلك ما ضوه... لكن توه ... صبي يادرنه بالقوه ... خلي كل احزانك جوه .... وانسى سيلك ...وابدي في خطوات سبيلك

الشعر / نعيم الزوي
الصورة للمصمم / علاء بودبوس

[ولٱدة @mona9ze]

#نبو_تحقيق_دولي
#We_want_an_international_investigation

[مُنضِر @MontherElwani]

عشنا وحضرنا الكارثة، وفي ناس بائسة تطبل لأسيادها، وناس تزوّر في الأحداث، وناس تخفي في الحقائق، وشيوخ يدافعون على المجرمين، ويحسسوك أن الكارثة عبارة عن شيء حدث من 100 سنة وليس عليه دليل.
ما دامت اللا دولة حاضرة وما طالبنش بتحقيق دولي؛ فهذه القضية ملفها شبه مُغلق.

[Κυρηναϊκή Ο Ίντρις @IdrisBasit4]

@mona9ze درنه والجبل وبرقه بصفة عامة تبي وقفه جاده من سكانها مانعبوش عالحكومات
رأب الصدع الاجتماعي و حصر الاضرار الماديه والبشرية والحيوانيه والنباتيه

[ولٱدة @mona9ze]

قبل 77 سنة درنة أنقذت برقة بميثاق مازال ماشي لعند اليوم..
واليوم مافيش حد عنده الشجاعة يطرح الميثاق من جديد و يقطع الطريق ع الأطراف اللي تبي تعزل درنة عن محيطها..
طرف يبي يضرب خصومه بفصل مجتمع برقة و طرف يبي يفرض سيطرته بتحالفات وتأليب مكونات المجتمع البرقاوي على بعضهن...

[History of Cyrenaica @HCyrenaica]

"حتحات علي ما فات"...
*ميثاق الحرابى/برقة 1946م..
ثريد:
#مرور_75_عاماً_على_ميثاق_الحرابى

[زينب الحسن @AgilaZainab]

@mona9ze برقة تلزمها مصالحة اجتماعية وخاصة في بنغازي ودرنة وخليج السدرة، لازم ما تلملم شتاتها وتنهض من جديد بعيدا عن الإقصاء ولازم وقف نزع برقاوية عيالها.

[باتوس @HussainBattus]

برقة بحاجة لميثاقٍ ثاني،مكمل لهذا الميثاق التاريخي ومتمم له،يجمع بين مدنها وبلداتها وقراها ومكوناتها الإجتماعية،بعيداً عن كل دخيل دخل إليها بعد العام2010،لنضمن إستمرار تضامننا وسلمنا الإجتماعي للأجيال القادمة.

[ولٱدة @mona9ze]

في الثريد هذا تفصيل عن "ميثاق الحرابي".. اللي نظماته ورعاته درنة لجمع الشمل البرقاوي و اصلاح أضرار الحروب و المعتقلات بين جميع مكونات برقة و مدنها ومناطقها...
محتاجين ميثاق جديد ايلم وايرقع آثار الانقلاب المركزي و حرب 2014 اللي ضربتنا في مقتل..
https://t.co/XqmaIVKziw

[ولٱدة @mona9ze]

بعد نهاية الحرب العالمية وقيام دولة برقة؛ تأسست برقة الحديثة على ميثاق اجتماعي نظماته ورعاته درنة سنة 1946م تحت اسم "ميثاق الحرابي"..
وكان بداية صفحة جديدة بين جميع مكونات برقة...

[ولٱدة @mona9ze]

@Palm_Rodi ❤❤❤

[ولٱدة @mona9ze]

الثريد هذا دسم شويه...يعطي نظرة على الأنثروبولوجيا الاجتماعية للجبل الأخضر..صورة ع اللي فات وع اللي صار وع اللي جاي...و كيف ممكن نحنا كعرب الجبل ننقذوه وننقذوا انفسنا وننقذوا الأجيال الجايه...