مزارع كويتي

مزارع كويتي يحب التجارب وتوطين النباتات

[مزارع كويتي @moozar3]

@Yasser16h @g45g44 ههههه انت تحسب هذا عنده اجنده وغرض .. هذا طفل لم يتجاوز ال١٥ سنه ويجرب طرح سياسي 😂😂

[مزارع كويتي @moozar3]

@Juve_Mohd يبن الحلال هذا نصف حل … والنصف الآخر مستمر بنفس المشكله لان مرور المواد الغذائيه والبضائع والأساسيات لازال يمر من المضيق .. وان تم إنزاله بالإمارات وانتقل بري زادت تكلفته وانعكس هذا علي المواطنين لذا .. فالحل يجب ان يكون شامل ومستمر ويضمن حقوقنا بالمرور الآمن

[مزارع كويتي @moozar3]

@WafaBYounis هذا اللي اقصده ..

[مزارع كويتي @moozar3]

@WafaBYounis شفت اللقاء .. الحقيقه لم تكن موفقه بلون اللبس عند الصدر .. كان يشبه لون الجلد الطبيعي وتعرجاته بالشاشه أعطتنا منظر لم يكن موفق

اما من ناحيه كلامها فكان كله طيب

[مزارع كويتي @moozar3]

@najimabdulkarem الفراش .. و .. البوي … كانت من الوظائف المحترمه اللي تحتاج واسطه حتي تتعين فيها

[مزارع كويتي @moozar3]

@t950t خله يستأنس
ليش من أولها يخش تحت الكاشيه ..

بالعكس سافر واستانس واصرف عدل وتمتع ومتي ما حسيت ان مدخولك فايض عن حاجتك ادخر واستثمر .. لان حرمان النفس مبالغ انت محتاجها .. يعيشك في ضنك في أجمل فترات حياتك ، الزواج والشباب

[مزارع كويتي @moozar3]

@ahmad_alshbat @nooq8 اللايث كلمه تستخدم لوصف الشي الضايع وبضرب لك مثل ، يعني مثلا لو طراد مربوط وافتلت وسمّر بحر بدون اتجاه وماعليه احد ، هنا نطلق عليه كلمه لايث ..ويقال (طراد لايث) .. وتقدر تستخدم الكلمه في اي شي ضايع ،فلان لايث ،سالفه لايثه ،كلمه لايثه

وتراها هالكلام من اساله الجنسيه بالسابق 😁

[مزارع كويتي @moozar3]

@Abdulrahman_q00 @SJehail لالالا فرق كبير بين اللي يتعطي من معارفه وأبناء عمومته وله حق انهم يعطونه ومن لم يعطه يعتبر مقصر .. وعن من يمد يده ويشخذ او يطر ممن لايعرفهم !!

[مزارع كويتي @moozar3]

@nooq8 الله يهديه … ماكان له ماله داعي هالتصرف

هو بلا شك مستأنس ..ونيته طيبه و بحسب ما يعتقد ويظن انه بهذا التصرف ينقل للأجانب مظاهر الكرم الشديد وايضاً من خلال ذكره قبيلته الكريمه ومدينه سكنه فهو يحاول يؤكد ان الكرم راسخ عنده وأنه يعتبر نفسه نموذج يجب للاطلاع عليه !!

هكذا يعتقد 🤝

[مزارع كويتي @moozar3]

@abuNounou @RD_turk الاتفاقيه تنص علي الدفاع عن من ( يتعرض لهجوم) يعني ماتهجم انت وندخل حرب انت مختلقها … لذا فهي دفاعيه بشكل كامل .. وهذا يدل انه لا احد ضد ايران ولم يعاديها احد 🤝

[مزارع كويتي @moozar3]

@abuNounou @RD_turk هو موجه لايران ومحور الشر التابع لها 😁😁

[مزارع كويتي @moozar3]

@alrougui توقيع هذه الاتفاقيه بالنسبه لباكستان .. تعتبر ردع للهنود … وبالنسبه للسعوديين فإنها ردع لمحور الشر الايراني … اما الأتراك لمن يوجّهون هذه الاتفاقيه ؟؟

اعتقد ان الأتراك يحاولون صنع دور واهميه كبري بالمنطقه من خلال تشكيل ميزان قوي جديد وتري باكستان استفادتها اكبر من السعوديه!

[مزارع كويتي @moozar3]

@ieflq2 @sssdbe877 @salehalaradahh القبايل مجتمع اقتصادي متحرك … كان انتماءهم يُعرف ويتحدد من خلال مشاركتهم بالحرب و تسليم الزكاه للحاكم … و مبارك الصباح المتوفي سنه ١٩١٥ .. كان يجمع الزكاه من قبايل أعدادهم أضعاف أضعاف سكان القري ، الكويت الجهراء الفنطاس ومن بينهم رشايده وعجمان ومطران وعوازم وقبايل اخري كثيره !

[مزارع كويتي @moozar3]

@SJehail هذا الهاون😁
وهي كلمه فارسيه دخولها قديم في اللغه العربيه !!

الوطن العربي منقسم علي كلمتين بتعريف الاداه التي يدق بها الطعام ، نجر وهو الاسم الشائع والاكثر استعمال والهاون وهو الأقل شيوعاً .. وبالنسبه للكويت فان اغلب الأسر النجديه تستخدم نجر!

اختلاف الأسماء لايفسد للود قضيه

[مزارع كويتي @moozar3]

@zzwwaj @ALNEMERK فيه شجر تحسن وشجر ساء … الرمان عندي الصيف كله تمام ومقاوم الحراره ومن أسبوع دخلت علينا الرطوبه و ساء وتعب !!

[مزارع كويتي @moozar3]

@MoneefMonef1 ( أنا فقيره والفقير الله 😁😁)

هذي وحده مريضه
حتي كلام ماتعرف أتكلم

[مزارع كويتي @moozar3]

@Monsterag9 @alshiriandawood الله يوفقك ويرزقك الوظيفه اللي تسرك
والشغل مو عيب … عبّر بأم شوشه لين تجيك المنقوشه

[مزارع كويتي @moozar3]

@MarzouqAlghanim الله يطول بعمر الحي ويمده بالصحه والعافيه ويرحم الميت ، صور الطيبين كانت توقف الزمن .. الصوره صوره بوقتهم يلبسون ويكشخون ويتعنون علشان الصوره وبعد ماتطلع يتناقلونها ويحافظون عليها

٩٠٪ من الصور القديمه تلقي البنات (في العالم كله) ..نفس التسريحه والشباب نفس ستايل اللبس والآباء

[مزارع كويتي @moozar3]

@ALI_M2025_ وحده التكييف اللي وراه كم كفالتها ؟؟

[مزارع كويتي @moozar3]

@abdullaabdulrah الأمير خالد الفيصل
رجل قمه الأخلاق ومحترم وكلامه موزون وممتع
ورجل نادر