مطلَق .

[مطلَق . @msa22ii]

لقيَت لي حاجة قبل سنّ الثلاثين
مافيه أحد بالكون مثلي لقاها

مخلوق ماظنه تكون من الطيَّن
يمكن سحابة عابرة طاح ماها

خلتَ ثلاث أرباع صدري بساتين
ماحدٍ وصل في داخلي مستواها

ماقارنك بالحور وإنتي تعرفين
حتى قصيدي يبْتهج لانصاها

حبيبتي إنتي هنا لا تخافين
شفتي ضلوعي؟ والله إنك وراها

[مطلَق . @msa22ii]

تمرين و عيوني على جيدك الجبّار
و إن قلتي تغاضى قلت مانيب متغاضي

تعالي وفجّي صدري بـ رمشك البتار
من يموت من سلهامتك قانع و راضي

تعالي ترى ما أخترت غيرك ولا بختار
انا واحدٍ ما عاد يغريني الماضي

انا الصادق اللي جابتك صوبه الاقدار
محبتك صدق وحب غيرك على الفاضي.

[مطلَق . @msa22ii]

مستحيل يعيش قلبي تحت قيد الشكوك
دام قلبي بين راحة يدك مثل "الدلو"

فيك من غر السحابه و من هيبة ملوك
أبسط حقوقك تشوفين جيلك من علو

من كثر تقديري لـ طلّتك : يا بنت أبوك
أشعر إني واصل آخر .. محطّات الغلو

أزعلي مره .. و مره أبي وجهك ضحوك
أنتي وجهك فـ الزعل و الرضا دايم حلو ..!

[مطلَق . @msa22ii]

استغفرالله حتى يغفرَ لي ، حتى يرضى عني
ويرضيني ، فيظلني في ظلِه يوم لا ظِل إلا ظلِه

[مطلَق . @msa22ii]

قلبٍ نظيف يعزّك لا تستهين فيه وتقهره
وقلبٍ صادق يحبك لاتستهين به وتكسره .

[مطلَق . @msa22ii]

الي تعود على كلمة "لبيه" تزعله كلمة هلا
مثل ما قال محمد السكران :

سعد عيني قبل لا تكون مثل الاخرين
وبري حالي يوم بدلت لبيه بـ هلا

[مطلَق . @msa22ii]

أنا أكثر إنسان أحبك !.. لو يحبونك
لا تترك النفس تلقى منك مصرعها

تغانم الوقت : لا تمشي على هونك
بعض القرارات ؟.. يخدمها تسرّعها

حاولت في كل شي : إلا إني أخونك
لو ننقطع من بعضنا ؟.. لا توقعها

لو عندي القدره أسرق بـ سرق عيونك
و أحبها و أنت ما تدري .. و أرجعها :)

[مطلَق . @msa22ii]

ترا مازلت أحبك حتى وحنّا بعاد
يا خوفي منك وعليك يا خوفي

أبيك تحس فيني بس مالله راد
ماراح تحس لين تمر بـ ظروفي

واذا ماحن لي قلبك شسوّي عاد
ما بكفوفي سوا تلويحة كفوفي

[مطلَق . @msa22ii]

لك العذر في غيبتك ولطيفك التقدير
متى ما سهيت وبان لي وجهك البدري

سرحت بخيالي فيك وأسهبت فالتفكير
وطلّعت كل اللي مخبى ورى صدري

ما تمنعني حدود المسافة عن التعبير
انا توّي مسولف معك وانت ما تدري :)

[مطلَق . @msa22ii]

ما يستغل نيّة الطيّب وتقصيره
الا فطانة رديٍ . . شافها فرصه :)

[سبّيع . @subiie7]

لا تقول ان المسافة ما تجيب الغايب
البنادم لا اشتهى قلبه مشت رجلينه :)

- لا تعذر . .

[مطلَق . @msa22ii]

ما يكفيني من " الوصل اتصال "
مزنة اشواقي : عليك مخيله

لو كلامك كيف من صفر الدلال
لـ المزاج احلا " و الذ مهيله "

لك محبه ماعطت غيرك مجال
في خفوقي ممسيه ؛ ومقيله

قلتي انت تحبني قلت السؤال !
له جواب يضايق " المتحيله "

ايه احبك حبٍ يفوق الخيال
فوق ما انتي يا الغلا متخيله !

[ناصر بن مفلح . @nassre_]

"

استقري داخل الأعماق " يا الذكرى القديمه "
في قفص صدري تطيب لك الحفاوة و الاقامه

يوم أودع ضحكتي خلف الدروب المستقيمه
ادري ان الحزن ما يعرف ( نظام الاستقامه )

القلوب الصادقه !.. دايم نوياها " سليمه "
والقلوب الكاذبه ؟.. فيها من الغيره علامه

دايم الأبطال .. مايرضون في عيش الهزيمه
عندهم مافيه حي يعيش : من دون الكرامه

ودي أغامر ايلين أصافح ( يديك الكريمه )
يا لجفول اللي تمايل تحت همال الغمامه

وجهك اللي طلته مثل القمر فـ أطراف غيمه
من يكذبني لا قلت الغيمه ( أطراف اللثامه )

يا أعذب من الغربي اللي كل ماذعذع نسيمه
قمت اردد يا سلام الله !.. و غني يا حمامه

مايموت الحب دام الحب له فـ القلب قيمه
علّم اللي حبهم قايم علشان ( الوسامه )

كل ما يطري علي الوصل قلت : الله يديمه
و المفارق لا طرى قلت : اسال الله السلامه

العظيم اللي يوقف فـ المواقيف العظيمه
مستعد يضيّع أحلامه علشان " ابتسامه "

[مطلَق . @msa22ii]

فمان الله يا عام ودعت فيه أجمل ايامي
فمان الذكرى واحلى ليالي العمر وسنينه

ودعت عام تبعثرت فيه حروفي واقلامي
ودعت عام مات قلبي فيه من كثر حنينه

[مطلَق . @msa22ii]

يامرحبا ياعام « سته وعشرين »
دام الجروح ان جيت بتصير ماضي

كنت اجهل شلون اتغاضى وهالحين
صرت اعرف وشلون فن التغاضي

وان راح عامٍ فيه محنا براضين
« يالله بـ علمٍ منه الكل راضي »

[سبّيع . @subiie7]

ناصر الحمزاوي . . متحدثاً
قبل
وبعد الرحيل /

يا غاية النفس لا يطري عليك الرحيل
العين تبكيك و القلب الرهيف انفلق :)

Vs

حبيبة القلب مايطري عليك الرجوع ؟
انا على حطة ايدينك بنفس المكان :)

[مطلَق . @msa22ii]

انا ماقصرت .. راسلته وكلمته
والله لو اقدر سوي شي سويته

كذا النهايات ماترحم ضحاياها
ليت الغرام اوله يشبه لـ تاليته

ماجاب لي علم ؟ماسولف لكم عني؟
ماشفتو الحزن في وجهه وناصيته ..

لايدري أني نشدت وجبت له طاري
ولايدري أني ذكرت أسمه وخصّيته

[مطلَق . @msa22ii]

ودّعت رغباتي عقب هدَّت الحيل
لوّحت لـ الأحلام ليلة حصادي

ما عاد تشفع للقصايد المواويل
ما يوصل الإحساس لو كان عادي

الجرح ما يشفيه حضن المناديل
و الخوف ما يخفيه كثر التمادي

يا غربتي مشتاق ل اللي مضى حيل
إشتقت لبلادي و انا في بلادي.

[مطلَق . @msa22ii]

تخطي واعذرك واتحمل خطاياك
هويت غلطاتك كثر ماهويتك

ضحيت بالدنيا علشان دنياك
خليت كل الي يبيني وجيتك

كنت بعيوني وين ماأطالع القاك
حتى ولو غمضت عيني لقيتك

من كثر ماحبك واقدر واهواك
ما اذكر اني في حياتي عصيتك .

[مطلَق . @msa22ii]

"سلام الله وأنا ماعاد أبي غير السلام وبس
سلام الروح.. ماهوب السلام اللي تعرفونه

أنا طيّب، ومتسامح، ومتواضع، ومرهف حس
وكاشف خطة المحتال لو تضحك لي سنونه"