أهلاً بك في الشرقية يابوسلمان ..
أميرنا اللي فى الظروف العصيبه
قاد السفينه..والمسيره عَدَلها
ضخ الدماء في مملكتنا الحبيبه
وعن وجهها زاح الغبار ..وغسلها
وفتح لها أبواب الحياة الرحيبه
وشفنا (خزاماها) وشفنا (نفلها)
لين أصبحت مثل المروج العشيبه
اللي سقاها الغيث..وأحيى محَلها
#خضير_البرّاق
الأرض عقبك خالية يابو فواز
ألاّ من اللي جارهم يزعجونه !
اللي يجون أفواج وافراد واجواز
و يحوّطون الجوّ .. ويخرّبونه..!
تقول حاديهم على الجار لزّاز
لولا الحياء في (حلّته) يسهجونه !
بدوان تال الوقت جاء فيهم خناز
طبع العرب والسَّلْم .. مايعرفونه !
تغيّروا ..والوضع ماهوب ممتاز
صار (التبدوي) يالسنافي مهونه !
#خضير_البرّاق