علي الوهيطي

[علي الوهيطي @mutiri210]

اللَّهُم صلِّ وسلم وبارك على نبينا مُحمد ﷺ

[عمر الوهيطي @whe6i_]

يهون العمر و تعيش الكويت ليا بدى الميعاد
وأحذف اغلى امنياتي دونها مع حذفة غمادي .

[عمر الوهيطي @whe6i_]

اسمه وفعله بنى في قمة المجد سور
يجدد فعول اهله اللي تلح الهجن

الحملة اللي تبّرك ساكنين القصور
يقوم فيها و هو متراكيٍ فـ السجن
-

[عمر الوهيطي @whe6i_]

تهادي تحت ظل الغلا والسحايب فرش
تحفك نسانيس الهوى .. وين ما كنتي

اعرف انك اغلى الفارعات و سليلة عرش
واعرف انك اجمل من قصيدي ليا بنتي

ماقد غبت عن بنت الكحيلة وبنت الهرش
ولا خلاني اخلي هوى البال .. غير انتي

هويتي على جوف الحشا والمشاعر خِرش
واخذتي من ضلوعي قصيد و تفننتي

تجين ويصير القلب عقبك مضحّى طرش
تلاعب خزاماه النفل .. " كل ما لنتي "

وبعد نبّشت جرح الغرام الكفوف الحرش
عطتك الفرص طعنة حبيب وتمكنتي

لا شفت الزمان بـ مغرياته ما يسوى قرش
لا هانت مشاعرك القديمة .. ولا هنتي

[علي الوهيطي @mutiri210]

@whe6i_ @3zizbader الله الله صح لساانك

[علي الوهيطي @mutiri210]

@whe6i_ الله الله صح لساانك

[علي الوهيطي @mutiri210]

@whe6i_ صحح لساانك يبو عادل ويستاهل ابو محيا

[عمر الوهيطي @whe6i_]

ماسريت اجاذب الطاروق و اقول الله الله
فـ العيون السود ولا فـ المظاليل الرهيفه

والله اني ساريٍ تحت .. المصابيح المطلّه
كن نسنانيس الهوى طلقات والقمرا قذيفة

-

يقلط البيرق بعد طول المغيبه في .. محله
آن لـ ابو خالد اللي .. آن لك يـا ابو حنيفه (:

من يطاول روسنا في حزة الميقاف .. قله
شرهته على ذلوله لا ابركت به فـ النصيفه

@3IBANI
#شاعر_المليون

[علي الوهيطي @mutiri210]

@whe6i_ الله الله صح لسانك

[عمر الوهيطي @whe6i_]

دون قاصر فـ النشاما مطوعة العنيد
ودون قاصر فـ اهل السيف واهل الاوله

ودك بـ هيئة جديدة مع الوقت الجديد
النهي عن الردى و الأمر بـ المرجلة

[عمر الوهيطي @whe6i_]

يا لبيه يا وجه الرضا و الجناب السمح
يا عذب الوصوف و شف بالي و ترويقة

مضارب رموشك في خفوقي مضارب رمح
عليك الله ارفق فـ الخفوق و معاليقه

معك لـ القريحة لهفة و لـ المشاعر جمح
تهادى ولك عذب القصيد و طواريقه

انا اقول عاتبني يا مجمول وأكتب وامّح
علي الحرام اني معك ما اعرف الضيقه

[علي الوهيطي @mutiri210]

@pp_3e كفيت ووفيت يبو مسعد والله يبيض وجهك

[عمر الوهيطي @whe6i_]

يا مشاري معك .. ربع فـ كل كون و كل هيّه
حطوا جنيّح نهار الفعل " شده من حرابه "

دامك انت اللي لا قالوا .. " وين خيال العبيه "
سيف حرب ودرع جنب و راس قوم و رمح لابه

#مشاري_العبدلي_الرايه

[عبشق @daq48]

[ ركاب الطواري ]

تزبرّي فوق القفار الجرد يا الغر النصوب
عسى مخاييلك على عوج الحنايا تستهِل

البارحة نسناسها ضيّق على العين الدروب
ما كن في مترامية الاطراف شبرٍ ، يندهِل

اشدد ركاب الطواري عن ملاهيف القلوب
واسقي ثرى محراب وجدي دمع عيني وابتهِل

متعبني ان ذكرى رحيل اللي معاريفه تجوب
قريب من مولد حفيدٍ من قراحه ينتهِل

اقسى مراحل هاجس الاشواق فـ الوجه الشحوب
نفسٍ ما نالت صادق اعجابه و روحٍ تكتهل

كثر ما شفته في عيون ابوي له زولٍ ينوب
كني معاه ازخرف الابيات و اهيجن و اهِل

طرقٍ موشح من عروق المجد و الميقاف ثوب
ماهو سهل .. في بال قرايّه و في بالي سهِل

اسمع طواريقه تسابق مع ذعاذيع الهبوب
وارسل مع النسمه سلام ولحن قافٍ ما جهِل

احفظ تفاصيله و وقفاته و صفراه الهذوب
ومجالسٍ لا مرّها الضايق يعوّد مسفهِل

صدى تراحيبة يداريه الهوى من كل صوب !
حتى السحاب ان مر مدهاله .. تهادّى ممتهل

اسمه من يشيله سهل يدحم ثقيلات الخطوب
عادي يشوف ان الجبال الراسية , مثل السهل

ما نقدر نرده و لكن سيرة الصدر الرحوب ؟
وقفّ عليها كاتب التاريخ ، وقفة منذهل !

- عمر الوهيطي

[علي الوهيطي @mutiri210]

@whe6i_ كفييت ووفيت يامجمل

[علي الوهيطي @mutiri210]

@pp_3e بالتوفييق يبو مسعد 🔥❤️

[سالم @salem53_]

"اقسى مراحل هاجس اﻻشواق فـ الوجه الشحوب
نفس ٍما نالت صادق اعجابه و روحٍ تكتهل"
عمر الوهيطي
#شاعر_الراية

[أيمن الرويلي @ARowili]

صدى تراحيبه يداريها الهواء من كل صوب
حتى السحاب ان مرّ مدهاله تهادى ممتهل

اسمه من يشيله سهل يدحم ثقيلات الخطوب
عادي يشوف ان الجبال الراسية مثل السهل!

عمر الوهيطي من أجمل الهدايا اللي قدمها شاعر الراية للساحة هذا الموسم ، كان جميل جداً حضوره بالمرحلة الاولى
ومتجلّي في هذي المرحلة حبك وسبك وقاف وحضور
غير تفاعل الجمهور معاه وحماسهم
*مطير قبيلة شعر وجمهورها حيّ ويحييك ويصنع أجواء عظيمة بالمسابقة يستمتع بها حتى منافسهم :)

[عمر الوهيطي @whe6i_]

بعد لاذوا خصومة في ذرى التمسيس والهرمون
يعديه الملام .. و " راية الآمجاد " خفاقه

يقولون أنسحَب واقول "شام" ولا رضى بـ الهون
هذا اللي .. ياقف التاريخ " لا وقف "على ساقه

#زعل_الديحاني
#مروعات_الصفر
#مهرجان_الملك_عبدالعزيز_للإبل10

[علي الوهيطي @mutiri210]

@whe6i_ صح لساانك